مربعات الزهيرى

عينى خاصمها النوم

والليل ماكان ونّاس

وما اشوفش طول اليوم

غير بس هما الناس

القلــــــــب لــــو يعـــــــشقَّ
يمضُــغ ، ويـبلــعَّ حصــاوى
ولــــــو كِـــــــره ينــــــشـقَّ
ويسَّــــمي فرسـَّــك حصاوى

وداد الهـــــــــــوارى

هل { الوداد } الزين

علآ فى مقدارنا

الحرف راقى رزين

نوّر حيطان دارنا

فرسى إتنشأ عالكر

ما يعرف كيف الرجوع

همّلته .. يتعكر

فى الكر ما بيهمه جوع

فرسى رعد الصهيل

وحافره ينتر غباره

وسيفى حدّه يهيل

للشر اعظم كبارُه

{ الزهر } فايح عبيره

يتروى من حرفك

والمى ينطق فى بيره

من خطوتك عارفك

الود بينا طريق
مفتوح على الجانبين
والعدل لينا صديق
فرّح قلوب عاشقين

قلبى اللى وسط بحار
ساب جسمى ليه على مين
قلت له يا بحّار
اللعب دا على مين
***
خابرك فى دوامات
والهم عامله قلوع
والفرح دوّا مات
كنّك بقيت مقلوع
***
شايل الأسى وحديك
من دون ولاد جيلك
وتوح كيه وح ديك
ولا حس عاجيلك
***
وحدانى خناقته
من الصفيح أتلم
جملك ما جان ناقته
روّق خلاص وأتلم
***

إلى أخى الأكبر المبدع الأستاذ عادل سند :
الشهم قوله يزين
سيرته و نعده كبير
يقعد لقوله يزين
للسر تلقاه بير
***
أخوك جابر الزهيرى

إلى المبدعة الجميلة عزة الزرقانى :
قولك فى عز الليل
جانى وصحّانى
خلانى أقول مووايل
يوم قولتى صح أنى
***

إلى ولدى الحبيب الشاعر المتميز محمد مديح :
يا أبو الكلام زغاليل
لجمالها عينى تروح
والحرف ليه زغاليل
تشغل فى عين الروح
***
أبوك جابر الزهيرى

إلى الشاعرة المتميزة الأستاذة رشا فؤاد :
لوحد كان معطوب
إديه كلام مشنوق
هيلى تراب مع طوب
دا أحنا جمال مش نوق
***
الزهيرى

عادل عوض سند كتب:

هل { الوداد } الزين

علآ فى مقدارنا

الحرف راقى رزين

نوّر حيطان دارنا

فعلا يادولا الود نورنا

ما هىَ طول عمرها

بالحب وواصله لنا

حبيبه بنحبها وتحب افكارنا

إلى إبي الفاضل / جابر الزهيري

خابر كلامك وعارفه
وانت اللي ابويا بصحيح
عقلي انت دايرة معارفه
وان اللي إسمي مديح

إلى أختى الكبرى المبدعة الكبيرة ورائدة فن الواو وداد الهوارى :
واحشك يا قول ودّاد
جايلك حبيب باراضيك
سمعنى فن وداد
مش هوه ليك برضيك
***
دا إنت اللى فىّ زرعوك
والزرع ربانى
رموا البذور وراعوك
طرحك جه ربانى
***

النوق كتير يازين

وانت الكبير جمّال

والحرف باكى حزين

شفت الخوان كم مال

جابر الزهيرى كتب:

إلى المبدعة الجميلة عزة الزرقانى :
قولك فى عز الليل
جانى وصحّانى
خلانى أقول مووايل
يوم قولتى صح أنى
***

طول عمرك وانت صح

والكلمه زاهيه وواضحه

ومهما تشوف من جرح

ماتقولش غير سامحه

وقلنا فين الشهامه

وجابر كان الجواب

عالى الجبين والهامه

للحق عاد أوّاب

الحرف منك سطور
بيزين المكتوب
على اللى عادانا ساطور
شقه فى ميعاد مكتوب

حرفك يا روشا رصاص

والطبع صار حرّاق

{ والواو } ماعاد رصّاص

صدقنا ما الصرح راق

إنت السند لينا
ومنك بنتعلم
نقفل جروح فينا
عشان بتتألم
***
الحرف صار حراق
من كتر ما شافه
لكن عشانك راق
حس الكلام شاف
***

الحرف فيكى احتار

ما عرفش يتكلم

لما يحس بنار

لابد يتألم

والحرف فيك خادنى
من أدبك العالى
لم الجروح عانى
وأنت الطبيب غالى
Very Happy

الحرف ليّه طبيب

والسن عندى سلاح

واللى دواه بيخيب

يجينى وبيرتاح

جابر ما عاد يهتم

بالواو .. ولا بينا

فكره إيّاه .. تم

ياللا بقى بينا

» لحظة خروجي م الزمن
» ألبوم الزهيرى
» من مواويل الزهيرى
» الموال الزهيرى - النعمانى
» سحابة ظلم