من مواويل الزهيرى

قال القلم للورق بينى وبينك تار

رد الورق ع القلم بغرابة واستهتار

مين اللى فينا يكون فى يمينه أخد قرار

إنت اللى فيك المعانى

وأنا اللى منك بعانى

المر شاربه لكيعانى

مرة بتمدح جمل ومرة تهجى حمار

الزهيرى

جابر الزهيرى كتب:: قال القلم للورق بينى وبينك تار

رد الورق ع القلم بغرابة واستهتار

مين اللى فينا يكون فى يمينه أخد قرار

إنت اللى فيك المعانى

وأنا اللى منك بعانى

المر شاربه لكيعانى

مرة بتمدح جمل ومرة تهجى حمار

الزهيرى

ed]

ورقه وقلم برتوش

اتنين مايتفارقوش

زى العينين ورموش

ستر وغطا لكلام

يكتب قلم احلام

يطوى الورق ايام

محفورة جوه وشوش[/b]

الشاعر الرائع والمبدع

الاستاذ /جابر الزهيرى

الله عليك وعلى روعه الكلمات والمعانى

دائما ما تسحرنا بجمال كلماتك

دمت بكل سعاده وخير

قـلــمــــى كـــمـــان بـتـــــّار

واخـــــد كــــــده ع الـتــــــار

مــــا يــهــــزه حــــبــــة ورق

مـمــكـــن تــاكــلـهـم نــــــــار

قــلمـى كــمــــان فــــــــــــارس

يــخــوض الحـــرب ويـــغامـــــر

تـقـــولـــشـى عليه كدا حـــــــارس

لايـــنكسـر ولايـنـحـنـى لــغــــــادر

قـــلــمــى ف يــــدى كــالـشـــومــــــه

يــــــدق ع الـــــرووس الــبــــومـــــــه

يــــغـــرســـهــم ف ارض الـــــبــــــور

وتـــصـبــح بــقــوتــــه مـــعــدوومــــــه

الأخ العزيز والشاعر الواعر / جابر الزهيرى

أحيك على مواويلك وعلى تكريمك أهنئك بألف مبروك ولكل المكرمين

ولى إقتراح :

إن كنت تطرح هذه المواويل كمســـــــــاجلة

أولاً هى لا تأخذ إسم شاعر بل عنوان مســـــــــــاجلة كعرف متداول فى

المساجلات الأدبية .. كمثال ( قد إيه حبك يا مصر )

حتى لا يحرم المشاركين من إنتسابهم للمساجلة . وتكون باسم شاعر واحد

فالمعروف أن المساجلات تأخذ عنواناً ثم يشار إلى أسماء المشاركين وهذا

حق لكل مشارك كما أقترحنا بالأمس .

خاصـــــــة ونحن نرنو ونســـــــــــعد بالعمل الجماعى .

لك كل تقديرى وأعتزازى بك أخاً وشاعراً تسعى لإثراء المنتدى

والعمل على الحراك الأدبى .

وداد الهــــــــــــــــــوارى

ورقه و قلم لتنين

أصحاب لبعضيهم

طول عمرهم حلوين

ولا تار بايت ليهم

زعل الورق م القلم

وقال له فارقنى

السن فيه الألم

والحزن فالقنى

إبعد بقى وإتشال

حانغطى راسى بشال

وابعد قوام فى الحال

حبرك دا حارقنى

قال القلم للورق

خفف عليك حزنك

مين غيرى لوتنفلق

يظهر جمال حسنك

جوّه الحروف جمرات

تلسع فى كاتبها

تحلف تقول كاميرات

دايره ف مكاتبها

ولا عمره ما إتألم

ولا للالم سلّم

ومنه يتعلّم

الحرب .. كاسبها

الله عليك ف القول

ديما كدا صايب

ولو ح نحكى عليك

نملا بفنك كتايب

اصل الكلام فى القول

له طعم ومعانى

طالعه الحروف على طول

تصرخ وبتعانى

زى الولاده تمام

ينزل وليدنا الخام

يكبر مع الاحلام

يصبح بعرض وطول

ورقه وقلم حدين

مع بعض متفقين

يعادوا اى جبان

ويكشفوا الخاينين

وميرو جايه كمان

تكشف المنا بقول

والحرف منها بيان

زى النسيج مغزول

ياميرة كلامك عاجبنى

قلمك وورقى صحاب

وفكرك ديما جايبنى

عندك لحد الباب

الأخت الكبرى والشاعرة الرائعة وداد الهوارى :

عندما كتبت هذه المساهمة لم تكن بقصد أن يكون عنوانها باسمى

وللعلم الموال ينقسم إلى نوعين فى الكتابة

النوع الاول تسمى بالموال النعمانى

النوع الثانى يسمى بالموال الزهيرى

فلما نويت كتابة الموال أخترت النوع الذى أسمى باسمه

أى أن اسم الموضوع من قبيل المصادفة وليس نسب لى

وإذا أردتم الزيادة فى التوضيح أدعوكم للدخول على صفحات النت والبحث عن الموال الزهيرى

كل الود والتقدير

أخوكى جابر الزهيرى

قول الورق للقلم غمز بعيون و رموش

و اللى اتعصر م الألم ما يهمه أى وحوش

لو جاله لوم يبتسم ما يقولش حلق حوش

يضحك على بلوته

لو جات فى يوم قابلته

بالضحكة دى سلوته

لو حظه ساب سكته و صب عند جحوش

الزهيرى

قالوا زمان فى المثل إن خفت ماتقولشى

وكمان كلامهم وصل إن قلت ماتخافشى

خليك جرئ فى القول وإنت ماتندمشى

الحق نور سكتك

لو حتى هايبكتك

ماتقولى إيه سكتك

انطق بقى بحكمتك و قوله شى يمشى

الزهيرى

يسلام على فنك

وجمال حروف قولك

ما سمعت غير منك

مواويل على أصولك

انا عاشقه نور النبى

ولمة الاصحاب

ولا ليَ فى مطلبى

غير قرب م الاحباب

امثالنا فيها كتير

الحكمه والعبره

وفيها معنى كبير

وفيها م الخبره

بس المهم دا مين ؟؟

على المعانى امين

يبعد عن العاميين

فى سنتهم الغبره

القلم البتار
من غير ورق يحتار
الورقة قالت
من غيرى راح تنحرق
وتخش انت النار
موال رائع بديع
تسلم الايادى استاذ جابر الزهيرى
دمتم بكل خير وابداع شيق

جابر الزهيرى كتب:

الأخت الكبرى والشاعرة الرائعة وداد الهوارى :

عندما كتبت هذه المساهمة لم تكن بقصد أن يكون عنوانها باسمى

وللعلم الموال ينقسم إلى نوعين فى الكتابة

النوع الاول تسمى بالموال النعمانى

النوع الثانى يسمى بالموال الزهيرى

فلما نويت كتابة الموال أخترت النوع الذى أسمى باسمه

أى أن اسم الموضوع من قبيل المصادفة وليس نسب لى

وإذا أردتم الزيادة فى التوضيح أدعوكم للدخول على صفحات النت والبحث عن الموال الزهيرى

كل الود والتقدير

أخوكى جابر الزهيرى

أخى العزيز والشاعر الواعر / جابر الزهيرى

هذا ما كنت أقصد حتى لا يحدث خلطاً فى قالب الموال فالموال النعمانى

أو الزهيرى له قالبه .. المتعارف عليه وقد لاحظت عدم الإلتزام به

فكنت أتمنى أن تنوه قبل كتابة الموال عن شكل المساجلة وتضع لها إسماً

كأن نقول أن هذه المساجلة فى موال ( الزهيرى - النعمانى ) و قالبه ......

والمساجلة باسم كذا أو موال مفتوح الأغراض وهكذا ثم تعطى مثال

كما فعلت بتقديم موالك ليتبعه المشاركين ..

لا أقصد أنك أسميت المساجلة باسمك أبداً ولو حد ث ! فقد شاركنا جميعنا

فى مربعات الزهيرى الواوية بدون أدنى حرج فيها إيه ؟

أنا قصدى ما دمنا نقدم شيئاً جميلاً فلنحاول أن يكون مكتملاً إن أمكن

أما عن النت فقد قمت بنقل قراءاة عن الموال الزهيرى ليقرأه المهتم

ولن أقول لك وربما تعلم أننى كتبت الموال الزهيرى فى ديوانى بحور الخوف

1992 .

المساجلات شىء رائع نقدمها ونتشارك فيها بالحب والإبداع ونسعى فيها

لنستفيد جميعنا .

لك أحلى أمنياتى بالخير والسعادة والإبداع

وداد الهـــــــــــــوارى

ياما عيون شافت مخابيل بتطوح

من فعلها الجارح بتدوخ وتترنح

كان نفسها ف صيده جاتها الهموم ترمح

ف ألمها ميت توهه

والفكرة معتوهه

جابوها ..... ودوها

ما عمرهاش تعرف تجمع ولا تطرح

» مواويل ربعاوى
» مواويل خضرا
» مواويل ربعاوى مقفولة
» ( صرخة الجولان) مواويل عتابا
» ألبوم الزهيرى