مربعات الزهيرى

إلى شاعرة الواو الأستاذة وداد الهوارى:
يا أمايا قولك مزغرت
ع الصفحة فى مربعاتك
خلى عنينا ما زغرت
وقالوا تسلم باعاتك
***
هوارة جابت نجيبة
الشعر عنها ما ذاهب
واللى يفوتها تجيبه
والحرف عملاها مذاهب
***
الحق دايما فى أيدك
أصيلة يا بت حنفى
ومين هايقدر يسيدك
لو حتى مالكى وحنفى
***
فنك دا لافف مداين
علشان ما واقف ومعدول
مديون عدوك ما داين
وليش حديتك مع دول
***
فى البير أرمى عدوّين
وسكنيهم ف ليلك
وخلى خوفهم ميعادوين
وإبقى أطمعيهم بويلك
***
سوى اللى عايزة تسويه
ما تخافى من حد واصل
وشقى خصمك وسويه
وخلى قولك يواصل
***
قولى وأنا أسرح مع القول
وأفهم خبايا مرادك
فى يمينك الحرف معقول
لكن عازولك ما رادك
***
دا الود عايش فى أسمك
والخير مغطى يدينك
ناضر صعيدى فى حسمك
ومين هايقدر يدينك
***
جابر الزهيرى

الشعر كله أحساسيس
وأنت اللى شعرك مأصل
بالكلمة دارى وحاسيس
قوم ربى فينا وأصل

أستاذى دائما كلماتك وتشجيعك يرفعنى إلى عنان سماء الإبداع وعندما أصل أجدك سابقا لى بأخلاقك الكريمة

أخوك جابر الزهيرى

فى الواو نقولو ونعيد
والحرف يعلى لبدرى
مبسوط بقولك وسعيد
يا أميرة يا بت بدرى

أشكرك أستاذة أميرة وأرجو تقبل مرورى على قصيدتك حررت هواك
وإلى لقاء
الزهيرى

بتقولى صابئ يا جندى
علشان كتبت المربع
والشعر سخر لى جن دى
خلانى أقسم وأربع

يا أستاذ عاطف أنا عارفاك مبدع شامل وإن كان كتابة الشعر الصعيدى صبوة فأنا أول الصابئين
أخوك

باين هنقلب صعيدى
ونفك شاش المجابر
ونعيش فى فرحة وعيدى
ونسير على درب جابر

محاولة منى للدخول فى هذا الفن وأرجومن روادة على المنتدى
(جابر الزهيرى - وداد الهوارى) تقديم بعض النصائح لمن سيدخل هذا اللون من الشعر سعيدة بما قرأت وأنتظر المزيد

ولدك ربايته نضيفة
والدين فى قلبه وعينه
مش هوه ولد الشريفة
لابد ربك يعينه
***
دا الجنى يخشى كلامه
ويقوله سمعا وطاعة
ويخلى أهله بعلامه
ف الشيبه يهوى الرضاعة
***

الأستاذ الجميل /جابر الزهيري
كل تحياتي لك على اللون
ده من الكتابه اللي
إنت بتعمله بسلاسه
والكلام محدش يعرف
مين بيكتب التاني
الكلام ولا إنت
مع تحياتي/

السلاموني

اسمحوا لى مع الاحتفاظ بالالقاب
جابر الزهيرى ووداد حنفى

اسف مش عارف اعقب على هذا الاعجاز وهذا الابداع البهر
انا مش ح اقدر اقولكم الا ياولاد الايىىىىىىه

فنك ياجابر اسرنى
فنك يا دده جذبنى
مين فيكو خدنى واسرنى
ومين فيكوا اللى سحرنى

انتوا العتلاولة الااساتذة
ادتتونا احنا التلامذة
فن التراث اللى عايش
جوة قلوب الجهابذة

ودمتا بكل خير ومحبة وسعادة ودام ابداعكما الرائع
وتقبلا مرورى المتواضع

الشاعرالكبيرفوزى الشربينى
الكبير دائماٍهو الأستاذ
وإن ظهر بعض النبوغ على تلاميذه فهذا دليل فضله
لك كل الحب و التقدير
الزهيري

الجن ليهم مشايخ
بالحق دول يصرفوهم
ولدك شباب و ما شايخ
قوله عايحرق أبوهم
*****
إوعي عليا تخافي
من حد قاصد أذيه
دا كلامي ظاهر و خافي
وإنتي اللي عارفة ما بيه

الشاعر الكبير محمد السيد السلامونى
شكراََ أستاذى على تعليقك الراقي وكلماتك تعد وسام على صدر إبداعي
دمت لنا مشجعا وموجها
الزهيري

[center] الجن ياجى لودّه

تزغرله يجرى كهارب

بخورها يحرق فى جِدّه

كأنّه حارقه الكهارب[b]

الحرق للجنى واجب
وخصوصى لو كان دا كافر
وعرفنى صاحب مواجب
طب كيف أسيبه وأسافر؟
***
ههههههههههه

أول مربع هاقوله
أمدح به سيد الخلايق
أمين وصادق فى قوله
اسمه يعطر خلايق
***
وأقعد مأدب مربع
على راسى تاج القناعة
وأقول فى تانى مربع
يا رب أنول الشفاعة
***
وافتح لفنى سبايل
تروى قلوب العطاشى
وشعرى يطرح سبايل
للى يقول ما عطاشى
***
الواو دا فن ومأصل
والأصل زود له قيمة
ياما ربى فينا وأصل
عديته زى اللقيمة
***
عشقت حروفى بنية
وأنا عشقى كان القصيدة
بس الغرام لو بنية
ييجى يصيدك تصيده
***
شاعر وقولى مالوش زى
ولا حد زيى فى قوالتى
الحرف عندى ملو الزى
عمرى ما أزيف قوالتى
***
العامى نخلى وجريدى
والفصحى أول ظهورى
فن القوافى جار أيدى
وميزانى لون زهورى
***
عمرى ما جملى برك بى
ولا قالوا عنى هفية
فى الجد أزاحم بركبى
والعيب ما تلقهش فيه
***
أسرارى فى دماغى قاعدة
راس مالى فنى وسيرة
وإن أسمى جه وسط قعدة
ما يقولوا فضوها سيرة
***
ويا دنيا عارفك غرورة
ولا مرة على حال تدومى
واللى بيتبع غرورة
بتبيعيه الهدومى
***
البين قطعنى قطيع
من غربتى عن عيالى
قاعد كأنى مقاطيع
والفرقة والله عيا لى
***
كلمتها وكلمتنى
وفضلت أبعت رسايل
ومن الكلام كل متنى
والدمع ع الخد سايل
***
الغربة قطعت حبالى
والناس ما تنسى ولادهم
وشوقى جانى وحبا لى
وشوفت عبده ولادهم
***
سايق عليكى حبيبى
ما تقلبيش المواجع
وخلى شعرك طبيبى
دا البعد حارق وواجع
***

إلى الأستاذة عزة الزرقانى:
كن الصعيدى عجبكم
فى حروفه ومربعاته
شايف يا عزة عجيبكم
فرحان وفارد باعاته

الزهيرى

يا ريت يا وداد أنتى ولا جابر حد فيكويبقى يجيب ربابة عشان شغل الصعايدة ده
هههههههههه
السلطان