مربعات الزهيرى

الأستاذ سلطان الشعر:
إذا كان فن الواو لا يروق لكم فهذا أمر خاص لكم وإن كان هذا الرأى الذى أقترحته بوجود ربابة جاد فعلا فأنا على أستعداد لذلك وسوف أقوم أنا بالعزف

الزهيرى

جولوا كمان ياحابيبى
م الفن دا الحب واصل
غاليين غلاوة (حبايبى)
عنيها مااستغنى واصل

فرحان بجولكم جليبى
طاير كما نسر طاير
جه اسكندرانى وجا ليبى
جابيين عشانكوا الفطاير


بارك الله فيكم متعة مابعدها متعة والله ينور عليكم
وخفوا علينا هبابه الا احنا مش زييكم

مع تحيات فوزى الشربينى

شعر جميل أستاذ جابر
الله عليك

جابر الزهيرى كتب:

إلى شاعرة الواو الأستاذة وداد الهوارى:
يا أمايا قولك مزغرت
ع الصفحة فى مربعاتك
خلى عنينا ما زغرت
وقالوا تسلم باعاتك
***
هوارة جابت نجيبة
الشعر عنها ما ذاهب
واللى يفوتها تجيبه
والحرف عملاها مذاهب
***
الحق دايما فى أيدك
أصيلة يا بت حنفى
ومين هايقدر يسيدك
لو حتى مالكى وحنفى
***
فنك دا لافف مداين
علشان ما واقف ومعدول
مديون عدوك ما داين
وليش حديتك مع دول
***
فى البير أرمى عدوّين
وسكنيهم ف ليلك
وخلى خوفهم ميعادوين
وإبقى أطمعيهم بويلك
***
سوى اللى عايزة تسويه
ما تخافى من حد واصل
وشقى خصمك وسويه
وخلى قولك يواصل
***
قولى وأنا أسرح مع القول
وأفهم خبايا مرادك
فى يمينك الحرف معقول
لكن عازولك ما رادك
***
دا الود عايش فى أسمك
والخير مغطى يدينك
ناضر صعيدى فى حسمك
ومين هايقدر يدينك
***
جابر الزهيرى

الشعر كله محاسن

لما تقوله البنات

كتب القلم مكاتب

حلف القلم ماكاتب

علشان محا سن

يعنى بحاول اتعلم منك يا استاذ الواو

دمت بكل خير وسلام

إلى العزيزة وفاء أمين :
باين دى دعوى وصابت
وملايكة قالت أمين
الواو جانا وصاب بت
فى ثانية خبرة عامين
***
يا وفاء خشى معانى
سايبينلك الباب مفتوح
حطى فى واوك كعانى
قولك عا يشفى الجروح
***
خالص تحياتى وتقديرى
الزهيرى

إلى الأستاذ فوزى الشربينى :

يا عم فوزى فطايرك
سيرتها جت جوعتنى
وأنا قلبى مربوط فى طايرك
ما أنا ولدك اللى راعتنى
***
الزهيرى

إلى الأستاذة هناء سعيد:

جانى الهنا والسعادى
لما أنتى قولك وصلى
وسهرت حد الساعة دى
من حسنه أسبح وأصلى
الزهيرى

إلى الأستاذة صفاء ناصر

لحد دلوك أنا زين
وما بانشى طبعى الصعيدى
دا إن بان عايفتح زنازين
ولا يبقى بإيدك وأيدى

الزهيرى

طبعك تملى عاجبنى
وإن حتى كان الصعيدى
فى الشعر قوم بالعاج ابنى
وأحنا نقولك يا سيدى

الله عليكم تملي
الشعر بيكم بيفخر
لمّا قلوبكم تملي
الحب بيها يظهر
ـــــــــــ
الاه على فن الواو من أساتذه زيكم الله عليكم بجد
وشرف ليّا إني بعرف ناس زيكم

إلى أختى الشاعرة وداد الهوارى :

الشعر زينه وزوقه
و بخ فيه النصايح
ما تعيبش على حد ذوقه
ولا تصيح فى اللى صايح
***
يا خيتى قومى من النوم
شوفى القرود فوق حدودك
لا خافوا بندق ولا شوم
وسرقوا تركة جدودك
***
خايف عليكى ولاد دون
ما صين دمانا بكيفك
خدوا عمرى منى ولا ادون
فيصة يتيمة بكيفك
***
دمى اللى فار لسه محروق
من ولد قالل أدابه
وتقولى طبع السماح روق
وهو كشكش كلابه
***
أنا قمت ألمه عن القول
لجلن ما يعرف مقامه
وأعقل لسانه بمعقول
وأقعّد أهله اللى قاموا
***

إلى ولدى الشاعر الصاعد محمد مديح :
قالوا اللى خلّف مشيموت
من طول ما ولده فى جاره
وإن شعرى مرة مشى يموت
روحك تشعلل له ناره
أبوك جابر

العزيزان وداد وجابر
لماذا كل هذا الغضب وإن كان الرد بإسلوب مهذب
فن الواو دائما يؤدى على ألة الربابة وأنتما من جذور صعيدية وتعلمان ذلك جيدا ما قلته هو مجرد فكرة لتنشيط هذا الفن الجميل الذى أستمتعت به على هذه الصفحة عندما دخل إلى المنتدى أخى سلطان الشعر فهل أتواصل معكما أم ترفضان ذلك التواصل

فرعون