مربعات الزهيرى

والله ما ازعلّ حبايبى
وعلىّ قولهم عايمشى
إن حتى طلبوا حبايبى
وعليها جفنى ورمشى
***
عارجع فى قولى شويّة
وأشكى الفراق ال مكنّى
وأخف سلق و شويّة
للى عليّ يكنّى
***
وأنتو يا كل اللى جونى
داخلين معايا بشعورهم
فى مربعاتى اسمعونى
وأنا عاحلل شعورهم
***
همّلت دارى وهاجّيت
فى الدنيا لأجلن ما اكافح
بدماغى فى الصخر بجّيت
والعمر عشته مكافح
***
يوم حلو والتانى فيه هم
والفرقة علقم فى ريقى
والناس دى فيهم وفيهم
اللى معادى وفريقى
***
عاشرت ناس بقيوا إخوة
تقلشى فعلاً شقايق
رباية عالية ونخوة
نسونى بين و شقايق
***
وناس كتير علمونى
إن المروءة سواقى
وناس كتير جم لامونى
وكان ضميرهم شراقى
***
ليلاتى قاعد فى همّى
فى الغربة روحى عاتبكى
وعينيه قربت تعمّى
حتى هدومى عاتشكى
***
الزهيرى

شيعت لك مكتوب
فيه الحروف معاليل
واللى علىّ مكتوب
سهر النجوم معا ليل
***
تصويرتك اللى فى جيبى
شقّت فى صدرى طرايق
ولما يعلى وجيبى
اسمع تقولى إنت رايق
***
البسمة تيجى تقاتلنى
جواها رعد و بروقى
والدمع حبل وفاتلنى
لو رايق إنتى إبّى روقى
***

إلى الشاعر المبدع والراقى خلقاً وإبداعاً الأستاذ جابر الزهيرى :
الغربة تصنع رجال
يبقوا شداد العزيمة
والقعدة تعمل عيال
من كف ياخدوا الهزيمة
***
مشيت وعارفاك معاود
ياللى بعادك جرحنى
سألونى رديت ما عاود
ولا حرف منه جه راحنى
***

الدنيا مالت عليّ
وساقتنى كاس الصبابة
وعملت خالت علىّ
غنيت لها ع الربابة
***
نغمك يا ناى مجارحنا
ع الجرح ديمه محمّل
والحزن نايم جار أحنا
بس القاعود قام محمّل
***
من يوم ما قالوا مغادر
ما خنت مرة بعينها
ولا حد قال أنى غادر
ولا حرمة بصيت فى عنيها
***
عارف حدودى وحافظها
وللدنايا ما اروحشى
آيات فى قلبى حافظها
وعنها عقلى ما راحشى
***

إلى توءم روحى ورفيق دربى الأخ الذى لم ينجبه أبى
أخويا جابر
إن شد بيك الضيق
صدر الحنان ضمك
سهرانة طول الليل
بين الأسى وهمك
وإن عدى بيك الزمن
راح تفتكر أمك

فرحت قوى لما دخلت المنتدى ولقيت أخويا مشرفنى وسايب بصمات كبيرة
فعلاً الكبير كبير
تسلم مربعاتك وفنك أنت وأختك وداد وكل حبايبنا اللى شاركوا فرحة مربعات الزهيرى وإن شاء الله قريب علاء كتفه فى كتفك فى مربعاتك
أخوك علاء رزق

فى الغلب مكفى ومعدول
ولاحد قال خلى عنه
حبل العزايم يا مفتول
قول للعوازل يكنوا
***
قلمى اللى زى السيف
سنه اتكسر منك
رجف فى عز الصيف
لما نضر سنك
***

وداد الهوارى كتب:

عادل عوض سند كتب:

خابر سيوفك وانا

شاهد لغزواتك

لو خصم منك دنا

تكتر فتوحاتك

***********

يفتــَّـــــــح عـــــــلينا بخــــــــير
النيـــــــــة عـــــمَّ أقصــــــــــدَّ
أجــــــَّـرح وأداوى ضـــــــــمير
واللـــــــي قِــــــــدَّر يصــــــــمدَّ

وداد الهــــــــــــوارى

وداد الهوارى كتب:

جابر الزهيرى كتب:

فى الغلب مكفى ومعدول
ولاحد قال خلى عنه
حبل العزايم يا مفتول
قول للعوازل يكنوا
***
قلمى اللى زى السيف
سنه اتكسر منك
رجف فى عز الصيف
لما نضر سنك
***

يـاك خـُــــــــفت م الحـــَّساد
ولاَّ قــــــــلام أمـــــــــــــك
يا ودَّ ده جـــــــلعَّك.... ذاد
شــــــــيلتنى .. هَــــــــمَّك
*****
قـــــــلمك ده ســــــيف الحـق
وقــــــــوته ... ســــــــــنونه
لـو يتكِــــــــسر راح أطــــــق
سِــــــــنى اللى ع يصــــــونه

وداد الهــــــــــوارى