وحشتينى ...

والله انت اللي وحشتني ياريس
ونفسي اشوفك قريب
علشان اشحن احساسي
منك يا معلم
دومت و دامت
احاسيسك الفياضه
اخوك :يسري حنفي

الله عليك يا قمة في سماء الحب والأدب والشعر والخل الجميل
كلمات جميلة ومعاني سمية تتلخص في ثلاث كلمات : عادل عوض سند

بجد مفيش حاجة تتقال بعد كده القصيدة جميله جدا....... جدا........ جدا........انا بجد سعيدة لانى اتمتعت بالكلام الجميل ده وانا مش لاقيه كلام يعبر عن جمال القصيده
تقبل مرورى

وبستكتر على روحى

ولو جزئين من الفرحه

واحوشلك جزء من قلبى

وادعى يكون ضيا ليكى

ينوّرلك لياليكى .. وف عنيكى

يبدل دمعها فرحه


الله على كلماتك الرائعه الرقيقة المشاعر شاعرنا الكبير عادل عوض

والله اعجز عن التعبير عما يجول بخاطرى من مشاعر توفيكم حققكم لبديع ما قرات لكم

تسلم الايادى ويديم عليكم الابداع

احترامى الدائم

ايه ياأستاذ عادل الجمال ده
انت من افضل الشعراء اللى بيمتعونى
اتنمى لك مزيد من النجاح

قراتها من الحلاوه شرقت
قراتها مرتين تانين
وبحلف لك برب العرش
من الشعراء مفيش منك
اكيد اثنين

استاذى الكبير عادل سند
قد ايه صدق الكلمات و قد ايه دفء المعانى
لو اعتبرناها وطنية فهى تعبر عن انسان مفعم بالوطنية و الحب لوطنه
و لو اعتبرناها عاطفية فهى تعبر عن عاشق ملئ بالرومانسية
القصيدة درس فى الغزل الجميل الرقيق
غزل ما يؤذيش المشاعر
يا ريت شبابنا يتعلموا منك

[quote="عادل عوض سند"][center][b][size=24][color=red]وحشتنينى ..

وقلبى فوق كفوف الليل

بعتهالك

وحشتنينى ..

وقبل النوم حا تلقينى

انا بهمس واقولهالك

وتحت الخد عالفرشه

ورود الشوق حا اسيبهالك

وتهمسلك .. وحشتنينى

وعند النوم حا تتزحزح

وتطبع فوق شفاه جمرك

عبير الطهر .. يطفينى

منا الولهان .. وانا العطشان

وانا الملهوف

وانا اللى اتمنى اكون محدوف

فى شلالك

عشان اشبع .. وتروينى

بنقطة ميّه بااحلمها

عشان تنشط شرايينى

ماهونتى ياللى من لمسه

تموّتنى ..

وانتى ياللى من ريقك

بتحيينى .. تخلّينى

اكون كالطير

وبترفرف جناحاتى

وآخدك فوق

على عرشك يا مولاتى

يا جنه وإنكتب ليّه

تشاركنى لياليّه

يا حنيّه

يا قلب يضخ من حبه

دفا .. ليّه

يا بنّيّه .. ومبنيّه

راقات لكن إلاهيّه

وضمّه بحب جوز زغاليل

جزيئات ريشها قطنيّه

بيخرج صهد من جوفهم

يدفّينى .. يخلّينى

اقولّك إيه ؟؟ وحشتينى

وحشنى صوتك الهادى

وأتخيّل لطيفك وانتى تتهادى

وأرقيكى بميتين رقوه

ترد عنيكى وتقولّى

عناية ربنا اقوى

وبتعدى كما النسمه

وبسمه تحتها حكايه

وبتدارى

عذاب الدنيا فى حروفها

وخوفها م اللى جاى اكتر

وبستكتر على روحى

ولو جزئين من الفرحه

واحوشلك جزء من قلبى

وادعى يكون ضيا ليكى

ينوّرلك لياليكى .. وف عنيكى

يبدل دمعها فرحه

وطرحه ليكى غازلها

عيدان الفل واطرحها

وأغطّيكى

ولما الصبح ح يشقشق

عيونك وحدها تفتّح

تشوف الورد بيصبّح

ويطبع فوق شفاه جمرك

رسالة حب بتقولّك

وحشتينى .. وحشتينى

الاخ الزميل عادل عوض او الحاج عادل...
انا نقلت القصيدة كاملة وهذه هي المرة الاولي لكن السبب ان القصيدة نقلتني لايام كنت فيها اتوق لمثل هذا الشغف والحنين والرومانسية المفرطة كان هناك وقت للحب ومواعدة الفتيات وانت عارف الباقي
الحقيقة يا رجل هذه ايام ما اروعها وما اروع قصيدتك حملتني اليها دون ارادة مني ..
هكذا يؤدي الشعر دوره في حياتنا..
اشكرك وتقبل مروري.

الشاعرة عزة الزرقانى كتب:

الله عليك ويبختها

اللى نصيبك حبها

واللى انت قلبك حبها

يابختها

عشان انت حد كتير جميل

تتحب جد مالك مثيل

ف الجدعنه والحرفنا

ف ضم الصحاب

وف عز مجدك

ونجوم ملو السحاب

عمرك ما قولت

ابدا انا

انسان بسيط

يعشق تملى الدندنه

وفن الجمال

ومن المحال

ابدا يادولا تتنسى

ولا عمر مره

تلومك عينى

حتى لو يوم ماقولتش

وحشتينى

طبعا القصيده مش محتاجه كلام

لأن مافيش اروع واجمل من كدا

دمت بكل حب

ملحوظه

تثبت القصيده

بواسطتى

لروعة الشعر والشاعر والحب