وحشتينى

وحشتيني
وحشتيني ...... وحشتيني
يا ساكنة في قلبي وفي عيني
يا عمري الجاي وسنيني
يا قمري وضي لعيوني

وحشتيني
يا زهرة الهوى الدافي
عيونك بحر ليل صافي
رميت قلعي ومجدافي
وقلت الموج يرسيني

وحشتيني
يا ملاكي وكل دنيايا
يا نجم عشقته في سمايا
يا روحي وعمري ومنايا
يا وهمي وعقلي وجنوني

وحشتيني
دا قلبي دقته باسمك
وحلمي رسمته كان رسمك
ياللي في جمالك وفي حسنك
عمر الحياة ما توريني

وحشتيني
بحبك أيوه مش خايف
وغيرك في عيني مش شايف
يا أحلى بسمة وشفايف
بكلمة منها تحييني

وحشتيني
عيونك في الهوى داري
وعايشك ليلي ونهاري
دا عشقك جنتي وناري
وحبك تاج على جبيني

وحشتيني
يا عمري يا كل أحلامي
وعايش بيكي أيامي
باهديك شوقي وسلامي
وأقول لو يوم تحسيني

وحشتينى
وعمل جميل
تستحقون كل تقدير
استاذنا
محمد عبدالحميد
لكم تحياتى

شكرا استاذى الفاضل والشاعر الكبير على مرورك وتقديرك
الاستاذالفاضل /سعد الشرقاوى

نص جميل من شاعر كبير