وحشتينى ...

عادل عوض سند كتب:

وحشتنينى ..

وقلبى فوق كفوف الليل

بعتهالك

وحشتنينى ..

وقبل النوم حا تلقينى

انا بهمس واقولهالك

وتحت الخد عالفرشه

ورود الشوق حا اسيبهالك

وتهمسلك .. وحشتنينى

وعند النوم حا تتزحزح

وتطبع فوق شفاه جمرك

عبير الطهر .. يطفينى

منا الولهان .. وانا العطشان

وانا الملهوف

وانا اللى اتمنى اكون محدوف

فى شلالك

عشان اشبع .. وتروينى

بنقطة ميّه بااحلمها

عشان تنشط شرايينى

ماهونتى ياللى من لمسه

تموّتنى ..

وانتى ياللى من ريقك

بتحيينى .. تخلّينى

اكون كالطير

وبترفرف جناحاتى

وآخدك فوق

على عرشك يا مولاتى

يا جنه وإنكتب ليّه

تشاركنى لياليّه

يا حنيّه

يا قلب يضخ من حبه

دفا .. ليّه

يا بنّيّه .. ومبنيّه

راقات لكن إلاهيّه

وضمّه بحب جوز زغاليل

جزيئات ريشها قطنيّه

بيخرج صهد من جوفهم

يدفّينى .. يخلّينى

اقولّك إيه ؟؟ وحشتينى

وحشنى صوتك الهادى

وأتخيّل لطيفك وانتى تتهادى

وأرقيكى بميتين رقوه

ترد عنيكى وتقولّى

عناية ربنا اقوى

وبتعدى كما النسمه

وبسمه تحتها حكايه

وبتدارى

عذاب الدنيا فى حروفها

وخوفها م اللى جاى اكتر

وبستكتر على روحى

ولو جزئين من الفرحه

واحوشلك جزء من قلبى

وادعى يكون ضيا ليكى

ينوّرلك لياليكى .. وف عنيكى

يبدل دمعها فرحه

وطرحه ليكى غازلها

عيدان الفل واطرحها

وأغطّيكى

ولما الصبح ح يشقشق

عيونك وحدها تفتّح

تشوف الورد بيصبّح

ويطبع فوق شفاه جمرك

رسالة حب بتقولّك

وحشتينى .. وحشتينى

**********
الله علــيك وعلـــيها

لو كان بإيديا أناديها

تنــور بالــود أيامك

وبسمة حنانها تحييها

******

هههههههههههه

بس للأسف أنا معرفهاش ,

طبعأ أنا بضحك مع حضرتك .. وكل اللف والدوران ده عشان أقولك

القصيدة جميلة .

دمت بكل خير .

لو أقدر أكتب بالحلاوة دى كنت كتبت لك أنت نص مماثل
تقبل مرورى

ايمان الروبى كتبت :


**********
الله علــيك وعلـــيها

لو كان بإيديا أناديها

تنــور بالــود أيامك

وبسمة حنانها تحييها

******

هههههههههههه

بس للأسف أنا معرفهاش ,

طبعأ أنا بضحك مع حضرتك .. وكل اللف والدوران ده عشان أقولك

القصيدة جميلة .

دمت بكل خير .

عمرو زيتون كتب :

ياعم عادل عوض
ياشاعر الرومانسية العظيم
ماانته كاتب قصيدة حب اهه من اجمل القصائد الرومانسية
اللى انا قرأتها طب ليه علقت على القصيدة اللى انا كتبتها
من عشر سنين بعنوان اقولك ايه فى عيد الحب للاسف
تعقيبك المحبط لعيد الحب اقصد عيد الغلب كما تفضلت
واطلقت عليه هذا الاسم
هذا التعقيب جعلنى حزينا وهذا هو تعليقك كما سجلته بالحرف
حب ايه ياعم فوزى والناس من غير عشا
حب ايه والناس نصها نايم ع الرصيف وناس بتملك قصور مش مسكونة
حب ايه والبطالة ماليه البلد
حب ايه والجنيه اصبح عزيز ووووووو
عموما كل حب وانت طيب ياراجل ياطيب عل راى الشحرورة
00 شوف لى تربة رخيصة والنبى هههههههههههه
هذا قلته حضرتك بالنص تعقيب للاسف لم يضحكنى ان كنت تقصد ذلك بل حزنت على رؤيتك ليوم الحب او كما سميته يوم الغلب بهذا السواد والا القصيدة مش كده فحجبت عن الاطلاع
وفى نفس الوقت تسجل انت قصيدتك الرائعة فى الحب والرومانسية لكى يتناقض على ماعلقت به على قصيد الحب
التى كتبتها
عموما انت تعلم مدى تقديرى لك وهذا التعليق سوف يكون اخر تعليق لى فى هذا المنتدى الجميل ولن اشارك الا بالاطلاع فقط
مع احترامى وتقديرى ومعذرة للجميع وشكرا

المبدع / عادل عوض
تحياتي لك ولهذه القصيده المليئه بهذا الوهج الجميل
والإبداع المتألق دائما
دمت بكل خير

إيه الجمال والحلاوة والإبداع ده . ربنا يزيدك يا أستاذنا .

عادل عوض سند كتب:

وحشتنينى ..

وقلبى فوق كفوف الليل

بعتهالك

وحشتنينى ..

وقبل النوم حا تلقينى

انا بهمس واقولهالك

وتحت الخد عالفرشه

ورود الشوق حا اسيبهالك

وتهمسلك .. وحشتنينى

وعند النوم حا تتزحزح

وتطبع فوق شفاه جمرك

عبير الطهر .. يطفينى

منا الولهان .. وانا العطشان

وانا الملهوف

وانا اللى اتمنى اكون محدوف

فى شلالك

عشان اشبع .. وتروينى

بنقطة ميّه بااحلمها

عشان تنشط شرايينى

ماهونتى ياللى من لمسه

تموّتنى ..

وانتى ياللى من ريقك

بتحيينى .. تخلّينى

اكون كالطير

وبترفرف جناحاتى

وآخدك فوق

على عرشك يا مولاتى

يا جنه وإنكتب ليّه

تشاركنى لياليّه

يا حنيّه

يا قلب يضخ من حبه

دفا .. ليّه

يا بنّيّه .. ومبنيّه

راقات لكن إلاهيّه

وضمّه بحب جوز زغاليل

جزيئات ريشها قطنيّه

بيخرج صهد من جوفهم

يدفّينى .. يخلّينى

اقولّك إيه ؟؟ وحشتينى

وحشنى صوتك الهادى

وأتخيّل لطيفك وانتى تتهادى

وأرقيكى بميتين رقوه

ترد عنيكى وتقولّى

عناية ربنا اقوى

وبتعدى كما النسمه

وبسمه تحتها حكايه

وبتدارى

عذاب الدنيا فى حروفها

وخوفها م اللى جاى اكتر

وبستكتر على روحى

ولو جزئين من الفرحه

واحوشلك جزء من قلبى

وادعى يكون ضيا ليكى

ينوّرلك لياليكى .. وف عنيكى

يبدل دمعها فرحه

وطرحه ليكى غازلها

عيدان الفل واطرحها

وأغطّيكى

ولما الصبح ح يشقشق

عيونك وحدها تفتّح

تشوف الورد بيصبّح

ويطبع فوق شفاه جمرك

رسالة حب بتقولّك

وحشتينى .. وحشتينى

الشاعر الرائع والمبدع
عادل عوض سند
أبى اسفه على تأخيرى فى الرد
قصيده فى منتهى الروعه والجمال
بها رومانسيه تفوق الخيال
بجد يا بختها اللى الكلام الحلو ده مكتوبلها
كنت فاكره انى بعرف اكتب رومانسى كويس
طلعت صفر على الشمال فى روعه وجمال رومانسيتك
الله عليك يا استاذى
اشكرك على كلماتك الرومانسيه التى ارتوت قلوبنا
من جمالها وعذوبتها
دمت رائعا متألقا ودام قلبك النابض بجمال الحب
تقبل حبى وتقديرى

وأرقيكى بميتين رقوه

ترد عنيكى وتقولّى

عناية ربنا اقوى

الله عالكلام التلقائى الطالع من القلب بمصرية شعبية إيمانية بالقدر والمكتوب نقطة نور من مجموع نقط كتييير فى القصيدة
تسلم ياعم عادل ياجميل الروح والمعنى