{ جوه القطر } زجل قديم

الشاعر عادل كتب:

تقابلنا شفت قلبى
كان حا يطلع من جنابى
بين ضلوعى ومستخبى
بس راح يفضح جنابى
شفتها اتلخبط كيانى
والعرق غرّق مكانى
كل حاجه مخوّفانى
لما جت قعدتها جنبى

واحده فعلاّ مش عاديه
أحلا منها ما شفت أحلا
هيّه اصلاّ كات حوريه
نازله عالكوكب فى رحله
لخبطت سيرى ومدارى
طلّعتنى من وقارى
ولّعت فى القلب نارى
والشراره كات عنيّه

الشعور .. آه م الشعور
الحرير بيغير نعومه
جنب منها راح يغور
راح يشوفله أى نومه
جنب منك إيه حا يسوى ؟
داانتى بالنسباله عزوه
وانتى بالنسباله كسوه
لو يجيله يوم غرور

والجفون .. آه م الجفون
قلع بيضلل علينا
والعيون .. آه م العيون
بحر بيغرّق سفينه
كل عايم فيه يلاقى
من قلوب اشلاء . بواقى
واللى فاضل واللى باقى
من بشر صابها الجنون

والخدود .. آه م الخدود
ناعمه بتزغلل عنينا
جنّه من زهر وورود
بس مش طايلاه إيدينا
قلت آخد واحده فكّه
الف قرصه والف شكّه
عندى أهون فتح عكّه
ولاّ اصارع يوم أسود

والشفايف أحلى حتّه
ينكتب فيهم قصيده
مش قصيده . خمسه ستّه
لو تحن ومش عنيده
لو تسيبهم حبّه ليّه
ياخرابى عاللى بيّه
كل شفه صيدليه
ينصرف بيهم روشته

والنبى تجاوبى ياشابّه
الحلاوه اللى انتى فيها
هيّه جت لك حبّه . حبّه
ولاّ يعنى نزلتى بيها ؟
الجواب ما اخدتش ياما
بس قايلاه وبقيامه
يوم ما حملت فيّه ماما
بابا كان واكل مربّه ..

الشاعر الرائع : عادل عوض سند
ايه الجمال ده
زجل رائع
خالى لينا حبه
كده ملناش مكان ينفع كده

الله عليك



تقبل تحياتى

مين بقى بيفتن يا نونه ؟
ناوى ليّه نيه سوده
ولاّ يعنى الفتنه سُنه ؟
ولاّ مش ناويالى عوده ؟

مين دا قالّك دى الأخيره ؟
لسّه فيه سفريه تالته
أصلها عاطيانى وصفه
للمربه بس فالته

هوه ده الصنف اللى عندى
اصل انا مالقتش غيره
هوه عمرو الله يسامحه
راح باعتها وباع ضميره

ياابنى ابعد عن طريقى
مالك انت ومال جنابى
مش هزار والقول حقيقى
شر جبته لحد بابى

وانت عارف انى طيب
وانت تبعتلى السوابق
شكلها فعلاّ يشيّب
وانت خيرك ليّه سابق
هق هق هق هق هق هق

يا اميره مش معاكسه
حد عاكس مره بنته
الحروف هيّه اللى عاكسه
للكلام رغم انى زنته

امنيات مستكتراها
إنى امنى نفسى بيها
امنيات جاى من وراها
المشاكل ونعانيها

اصل انا معذور يا ودّه
م اللى بنشوفه يوماتى
رطرطوا صنف { المربه }
اصبحوا أرخص بحبه
من جرام من فول حراتى

قطرى انا يدهس ترامك !!
ليه تبالغى فى الكلام
ولاّ شفتى ده ف منامك ؟
قمتى صدّقتى المنام

داانتى اسرع منى حبه
فى الطريق قمت استخبّى
برضه جايّه قصادى ناويه
تهرسى كل { المربه }

إنما اللى جن عقلى
اللى جابك جنب قطرى
أصل انا خايف عليكى
واشترى لو مره خاطرى

ياحبيبى حلوى عمره
ما وجع فى يوم سنانى
اللى واجعهم دا قرّك
ضيف كمان نظرة جيرانى

العيون مش سايبه اهلى
والمصايب من حبايبى
حتى انت جيت معاهم
بتلومونى ليه ف قلبى

انت اصلاّ شخص فاضل
قلب عامر بالمحبه
حظك انك جيت وفاضل
لحسه واحده م المربى

حا اديهالك بس اوعى
ينغزك قلبك تاكلها
انما انا باديهالك
لجل ما عندك تشيلها

كل وصفك يااختى زينه
زى ما يكون كنتى جنبى
حتى ف الترماى وصفتى
شكلى إيه من دق قلبى

حتى فى الدور الفوقانى
قعدتى الفضلى ليّه
كنت بستنّاها تفضى
لجل تتكلم إيديّه

انما فى القطر يااختى
الجمال شقلب كيانى
والرموش الحاده بوزها
إتغرز خرّم مكانى

والشفايف صهد طالع
حرّها يطلب مطافى
والرياله عند اخوكى
غرّقتنى ولكتافى

يا خرابى عالمحزّق
كان مفصّل كان مجزّأ
كل حته ف بنطلونها
اللى فعلاّ كان ملزّق

شكلها بيقول ويعلن
عايزه احب وعايزه الاغى
قمت انا مدّيت إيديه
إلتقيت كف ف صداغى

الترام للقطر قالت
الدموع من عينى سالت
وانت ليه تقلان عليّه
قام عليه راحت ومالت

قالّها بالعكس احنا
فيه صداقه وجوز حبايب
والهدف فى السكّه واحد
اننا نوصل حبايب

والعزومه مش غريبه
كلنا جايين ترامكم
هيّه ف الأصل الحبيبه
واحنا لازم نحترمكم

ورد كتبت :

الشاعر الرائع : عادل عوض سند
ايه الجمال ده
زجل رائع
خالى لينا حبه
كده ملناش مكان ينفع كده

الله عليك



تقبل تحياتى

مرورك شرفنى يا ورد
وانتى مكانك فى قلوبنا
يبقى ازاى مالكيش مكان ؟
نورتى المساجله واهلاّ بيكى .
كل التقدير والتحايا ...

كل ده من جور عمايلك
انتى من سبب صداعى
وانتى حفره ليّه حُفره
بالرهان واقطع دراعى

كرسى عاطف كان بدايه
والمربى دى النهايه
انما فى الوسط لازم
الترام تبقى الحكايه

المدير راحت عليه
والمربى بين إيديه
كلكم عينكم عليها
هيه كات عامللكم إيه ؟

والترام للقطر شاكيه
فى المحاكم كام قضيه
والعيون م الحكم باكيه
حكموا بالإعدام عليّه