{ جوه القطر } زجل قديم

اميره البدرى كتبت ::

لو شرينا بالرخيص
عمره ما ف مره يعيش
ده اللى غالى تمنه فيه
أحلى حاجه هتلاقيه

احلى حاجه لما تبقى
كل حاجه صنعه مصرى
انما يا الف حسره
كل حاجه ف مصر صينى
واحنا ما بنعملش حاجه
الطمى ياللا وواسينى

عزه الزرقانى كتبت :

ايوه أخوه اه يادولا

ضربهم مش دا البطوله

دى الهزيمه كمان بعينها

والعدو يكمل وصوله

يطلع يغنى

ويقوله قوله

على العرب اتفرجو

مع بعضهم

بقوا أم غوله

الفيران صبحت غيلان
واحنا عايشين الهوان
لما مات العز فينا
احيا من تانى الفيران

ام القوافى كتبت :

همّا عِليوا إلا بينا
واتبنوا من خير إيدينا
واما جم شمّوا ف نفسهم
النفس شمّوه علينا

إحنا قلب الأمه ديّه
جوه جسم لناس غبيّه
إنكتب ننبض عشانهم
و‘نكتب نبقوا الضحيّه

عمرو زيتون كتب :

ياابنى إبعد حبه عنى
ماانت ما بتسمعشى منى
نفسى يوم القاك بتعمل
الحساب دا لكبر سنى

اما جارك جه بيشكى
لما قفشك قال بإيده
قلت له فيه واحده تانيه
راح تجيبها يوم تكيده
ليه
هه
ليه

عمرو زيتون كتب :

...............

المربه ياابنى غاليه
لو غطاها يبقى فيها
بس برضه شايلّك انت
علبه والدبان ماليها
هههههههه
ليه
هه
ليه

لا لا لا لا لا لا يا با عادل دة كتير أوى والله كدة بقيت أنا اللى عجوزة جمب جمال كلماتك كنت مخبى عنا الزجل الجميل دة فين أية رأيك نفصص القصيدة عشان سرعة الهضم

بداية جوة القطر عنونان مناسب جدا لهذة الزجلية الرائعة ومتضامن مع معنى الزجلية


--------------------------------------------------------------------------------


والجفون .. آه م الجفون
قلع بيضلل علينا
والعيون .. آه م العيون
بحر بيغرّق سفينه
كل عايم فيه يلاقى
من قلوب اشلاء . بواقى
واللى فاضل واللى باقى
من بشر صابها الجنون

والخدود .. آه م الخدود
ناعمه بتزغلل عنينا
جنّه من زهر وورود
بس مش طايلاه إيدينا
قلت آخد واحده فكّه
الف قرصه والف شكّه
عندى أهون فتح عكّه
ولاّ اصارع يوم أسود

والشفايف أحلى حتّه
ينكتب فيهم قصيده
مش قصيده . خمسه ستّه
لو تحن ومش عنيده
لو تسيبهم حبّه ليّه
ياخرابى عاللى بيّه
كل شفه صيدليه
ينصرف بيهم روشته


دخلت بعمق أكثرمما سبقوجعلتنى أسرح معك فى هذا الجمال بس لية عتاب عليك حضرتك مشعارف أن بابا وماما دكاترة يبقى الروشتة تتصرف من عند روشة يعنى ننفع بعض بردو


إتقابلنا شفت قلبى
كان حا يطلع من جنابى
بين ضلوعى ومستخبى
بس راح يفضح جنابى
شفتها اتلخبط كيانى
والعرق غرّق مكانى
كل حاجه مخوّفانى
لما جت قعدتها جنبى

أستغلت الجناس فى جنابى وجنابى بشكل رائع ومتكاتف ف المعنىوكيانى ومكانى بيكملوا بعض جداثم رجعت تانى لكلمة جمبى عشان تكمل بيها الجناس


واحده فعلاّ مش عاديه
أحلا منها ما شفت أحلا
هيّه اصلاّ كات حوريه
نازله عالكوكب فى رحله
لخبطت سيرى ومدارى
طلّعتنى من وقارى
ولّعت فى القلب نارى
والشراره كات عنيّه

أيضا أستخدمت الجناس هنا بشكل واضح فىعاديى وحورية ورحلة وأحلا وكان أوقع فى مدارع ودارى ونارى أنت دائما رائع


الشعور .. آه م الشعور
الحرير بيغير نعومه
جنب منها راح يغور
راح يشوفله أى نومه
جنب منك إيه حا يسوى ؟
داانتى بالنسباله عزوه
وانتى بالنسباله كسوه
لو يجيله يوم غرور


وهنا بدأت ف الدخول أكثر بعمق فى وصف مفاتن المحبوبةبطريقة ساحرة خفيفة الظل



والنبى تجاوبى ياشابّه
الحلاوه اللى انتى فيها
هيّه جت لك حبّه . حبّه
ولاّ يعنى نزلتى بيها ؟
الجواب ما اخدتش ياما
بس قايلاه وبقيامه
يوم ما حملت فيّه ماما
بابا كان واكل مربّه ..

ثم نهيتها بهذا الختام الرائع والأفية الخطيرة بابا كا أكل مراتة دائما مبدع زحلا شعرا نقدا ومفيش مرة يجى أسمك فى أى مكان أروحة ألا والناس كلها تشكر فيك ربنا يديم المعروف

عزه الزرقانى كتبت :

لا يادولا

مش بصحيح

خلينا صورحه

وبلاش نسَرع

بالتصاريح

ونقول كلام

كدا هو تفاريح

معاك القلب

م الغدرجريح

وتعبنا منهم

أه بصحيح

لكن هما منا

ف عز الريح

هيه دى كل الحقيقه
هما مش لاقيين طريقه
يكسرونا ويهينونا
ويلاقونا
لسه بنقولم { صديقه }

عزه الزرقانى كتبت :

ليه يادولا كل دا

تعمل ليه بس كدا

وعليك يهون عمر زتون

تدى له مربه مدوده

وتشيل لروحك المضمون

وجاعله ليه كبش الفدا

وهو لسه اخضر زتون

مالوش كمان ف الجو دا

طب هات له حلوه مبغدده

جبت له انضف بضاعه
راح وجابلى صنف سكه
رحت انا مصدر له برضه
الرخيص وبسعر فكه