ياقلبى كفاية دق

فى حاجة فيك متغيرة لمسة اديك متحيرة مبقتش حنينة مبقتش تهزنى
فى اية؟ اية اللى غيرك بالشكل دة
حتى لهفتك عليا مبقتش شايفاها ف عنيك ولا حتى فى صوتك لقياها
اية الجديد ياترى اية اللى جرا؟
شوقك ليا قل من فترة وانا حاسة بكدة بس كنت بكدب روحى
واحدة تانية ؟......حب غيرى..!!!مش معقول....مستحيل
ياقلبى اهدا كفاية دق كفاية خوف دلوقتى نعرف كل حاجة
دالقلب اللى حبك ميرضاش يظلمك
وازاى هيظلم قلب كل ذنبة انة دق
ياقلبى اهدا حرام عليك بلاش تزود ظنونى بيك
تعالى يقلبى نسالة اه.......اه...مردش يقلبى وسكت......سكت مقالش لاء.....
دلوقتى انا اللى بامرك لازم تبطل تدق .....لازم تموت .....لازم تموت
معدش ينفع تحب مدام الردجالك سكوت. afro

نورا....تحياتي
نثريتك جميله ومحتاجه لمزيد من القراءه للاساتذة ....تمنياتي لك بالتوفيق
ممدوح عزت موسي

والله يا نورا الموضوع جميل
لكن توجد عدة اشياء فى موضوعك
اولاّ .. طريقة الكتابه
ثانياّ .. طريقة التنسيق
ثالثاّ .. التخبط فى استخدام التفعيلات
وكل هذا يمكن تفاديه بكثرة القراءه وكثرة المشاركه فى الندوات الأدبيه
وبمرور الوقت سوف تكتسبى المقدره على صياغة القصيده .
الشاعريه موجوده لديك والموهبه ناضجه إلا من ما أشرت اليه .
كل التوفيق إن شاء الله ..

إبنتي نــــــــورا
أولاً كل عام وأنت بخير وسعادة وحب

ثانياً طبعاً أنت صغيرة السن ولم تسمعي أغنية فريد الأطرش

(( ياقلبي كفايه دق ))
بدام حبيبك رق ..
عينيّ قالت أيوه ..
وأنت بتقولي لأ ..
...
طبعاُ دي أغنيه قديمه كانت علي أيام العواجيز اللي زينا
وأنا جبت لك سيرتها .. لأن ده حق المؤلف اللي ألفها أن مفيش حد
يستخدم إسم الأغنية بتاعته .. أو يكتب ولو شطره واحده من أبياتها .
...
ثالثا / اللي كتبتيه هنا .. يانورا
إسمه مشاعر أو خواطر .. لكنه مش شعر عامي .. ولا أغنيه
يعني إنتي .. جواكي المشاعر .. لكنك بتحاولي .. تخليها شعر
وعشان كده .. لازم تعملي بنصيحة الأستاذ ممدوح عزت
والأستاذ عادل عوض سند
أقري كتيـــــــــــــــر وأحضري ندوات شعرية
وأشتركي في أحد نوادي الأدب بأقرب قصر ثقافة لمنزلك
ودي نصيحة أنا سمعتها زمااااااااااان وعملت بيها
وعشان كده أنا كمان بنصحك
رحم الله من نصحونا وعلمونا
كل سنه وأنتي منوره
يانــــــــــورا

زينات القليوبي

خاطره جميله يانورا

بس طبعا كلام الاساتذه دا

لازم تنفذيه

عشان تبقى شاعره بجد

دمتِ بكل خير وحب

والله يا " نورا " أنا جيت على العنوان جري وقلت فريد الأطرش في منتدانا فواجب أرحب بيه
وأقول له :
نورا نورا يا نوار
يا وردة ندية ف بنورة
اسمك على رسمك صورة
يا قمراية يا أمورة
نورا نورا يا نورا
عموما ما بعدناش بعيد ما أنت أيضا أغنية جميلة لفريد الأطرش
وإن كان هو بقى ( أطرش ) أنت إن شاء الله هتسمعي كلام أونكل عادل وأونكل ممدوح وماما زينات وإن شاء الله مع الوقت والاطلاع هتبقي شاعرة كبيرة والأجيال القادمة تتعلم منك
بجد شعرك جميل لكن محتاج كما قال لك الأساتيذ السابقون تعلم حرفية كتابة النص وده هييجي مع الاحتكاك بالشعراء الآخرين
ربنا يوفقك ويرحم فريد الأطرش

على فكرة أنا سمعت واحد من بلدنا بيغني أغنية فريد الأطرش كده :
يا قلبي كفاية دق
ما دام حبيبك زق

ولما سألته قال لي :
أصل حبيبي ماسك شومة وبيزقني
هههههههههههههههه

على فكرة احنا عشان بنحب الشعر والشعراء بنحب دايما نضحك معاهم لكن أنتِ شاعرة كويسة وهيكون ليكي مستقبل جميل في الشعر

اهلا يا نورا

منورة المنتدى وان شاء الله النور ها يزيد بالاستزادة من قراءة الشعر والاستماع لرأى الأخوة الشعراء الأفاضل والى الأمام دائما

الاستاذ /ممدوح اشكرك جدا على هذا المرور الكريم الذى شرفتنى بة
كما اشكرك على هذة الارشادات القيمة
وكل سنة وحضرتك بالف خير alien

الاستاذة الرائعة الجميلة/زينات القليوبى
كل سنة وحضرتك طيبة وحنونة وجميلة اوعدك انى هعمل بنصيحة حضرتك الغالية
وانا بجد بعتذر للملك/فريد الاطرش
لانى منكتش اعرف ان فى اغنية بالعنوان دة وكنت فاكرة انى اخترعت بصراحة
ومش عارفة لو ملك العود موجود دلوقتى كان عمل في اية ومعاة حق طبعا
ههههههه
دمتى ودامت نصائحك الغالية Smile

استاذى الكبير /عادل عوض اشكرك على هذة المجاملة الطيبة التى اعطتنى الامل كما اشكرك على هذة الملاحظات المتعددة
انا بصراحة حسيت انى لخبطت الدنيا خالص فارجو حضرتك انك تلتمس لى العذر فى ذلك فانا خريجة اداب لغة فرنسية وتلك الخواطر المتواضعة هى ما احاول احياءة من ملكات فى الادب كانت عندى فى الماضى ايام الاعدادى والثانوى وايام اللغة العربية والادب والبلاغة والشعر والنثر وغيرها
واتمنى ان اكون عند حسن ظن حضرتك فى القريب العاجل انشاء اللة
شكرا جزيلا alien

الشاعرة الجميلة/عزة الزرقانى
بجد بشكرك من كل قلبى على اسهامتك الغالية لى
انتى دائما سباقة بطلتك الجميلة المتبسمة التى ااراها من وراء كلماتك الرقيقة
وكل سنة وانتى طيبة Smile

الاستاذ الرائع /ابو القوافى بجد عايزة اشكر حضرتك من كل قلبى على 3 حجات
1- ان حضرتك شرفتنى ورديت على موضوعى المتواضع جدا وعايزة اقول لحضرتك معلش لانك ملقتش الجميل /فريد الاطرش والله خطا غير مقصود
وعموما فى كل الاحوال انا بشكر الظروف التى اتاحت لى الفرصة بتشريفك الجميل لخاطرتى الضئيلة المتواضعة
2-بشكرك جدا على هذة الكلمات الجميلة التى رفعت من معنوياتى وبجد اول مرة اعرف ان فريد الاطرش غنا لنورا
3-اشكرك جدا جداجدا على هذة الضحكة الطيبةالتى تحمل معانى رائعة فانا احب الضحك وبشاشة الوجة دائما

Wink

دمت ودامت ابتسامتك ونصائحك القيمة Shocked

المبدعة الواعدة نور إحساسك رائع و عندك بداية في التعبير و اللي أنا قريته ده نفسه يبقي قصيده عامية بس عشان يبقي قصيده لازم تتابعي القصائد العامية ع المنتدي و تشوفي التناول الشعري ازاي كمان أنا بضم صوتي لصوت أساتذتي بأنك لازم تحتكي بالساحات الأدبية و بالأضافة لندوتنا الشهرية باتحاد الكتاب أنا بدعوكي لحضور ندوة نادي ادب إمبابه كل خميس أو ندوة إتحاد كتاب جامعة القاهرة و ربنا يوفقك إن شاء الله
يشرفني أن أري رأيك في قصصي ‏
http//www.Kotab.Y-writers.Com
يسعدني المشاركة في هذا الرابط
sherif_elagoz@yahoo
ebn_balad_magd3@hotmail
يسعدني الأضافة

الجميله نورا
بجد كلامك جميل جدا
ومشاعرك اجمل بكتير
واحساسك جامد بجد
رائعه
Laughing

» مش كفاية
» {... كفاية كذب ...}
» كفاية يا بلد
» يا ناس كفاية خلاص
» تعبنا كفاية