تعبنا كفاية

والله تعبنا خلاص كفاية
بقا كل يوم نفس الرواية
تبدأحكاية تخلص حكاية
بنفس الهدف ونفس الغاية
وياريت بتسكت الرغاية
كل ساعة فارشة ملاية
بأسم الثورة ماهى مراية
قال اخوان عاوزين ولاية
وسلفي جاهل مالوش دراية
ومجلس ظالم م البداية
وكمان كلام على الولاية
واسلام يشيل وزر النوايا
طب دة ينفع وايه النهاية
يا عميل يا قذر يا نفاية
اهمد بقا بلاش غواية
احنا فاهمين كل وشاية
وانسى نمشى بالعصايا
و بطلنا نركع للوصايا
والحرية فى ايدنا راية
وكمان النور هينور سمايا
ومش هنقبل كتلة و كفاية
وياعم شكرا على الدعاية
و دور فى ساقية ورحايا
مالهاش بداية ولا نهاية
وهفضل انا عبرة وايه
ولغز صعب ع الغبايا

عادل عوض سند كتب:

الاستاذ الشاعر

ذكرى انسان

مرحبا بك اخى فى منتداك

وتشرفنا بالمرور على اول نصوصك الشاعريه

ونص جميل للتعارف ونتمنى ان نقرأ لك المزيد .

ليتنا نتعرف على اسمك الحقيقى حتى نناديك به .

شرفتنا وأهلاّ وسهلاّ بك ..

استاذى عادل عوض شرفنى مرورك بين كلماتى فلقد ازدادت حسنا بمرورها بين شفتيك
_ احمد مجدى _

بسمة الورد كتب:

الشاعر الرائع ذكرى انسان

تجربة رائعه من قلمك احسنت المعانى

تقبل مرورى واعجابى بما قدمت

أ/ بسمة الورد لا حرمنى الله من مرورك على متصفحى و اعجابك زادنى شرفا .. كونى بخير ..