مش كفاية

مش كفاية

كل اشعاري وقصايدي
مش هتقدر تحكي عنك
كل الحان الاغاني
يا حبيبتي اقل منك

صدقيني واعذريني
مش بخيلة ف حبي ليكي
بس قلبت المعاجم
ملقتش غير كلمة (بحبك)

والحب ليكي مش كفاية
دانتي حبك دا حكاية
يدرسوها سنين طوال
ويعلموها العاشقين للمغرمين
يملوا بيها كتير دواوين
ويكتبوها ف ميت رواية
ولسة برضوا.. مش كفاية

اسألي الليل والقمر
واسألي الطير ع الشجر
بس وانتي بتسأليهم
اكدي عليهم يا امي
ميكونوش جوا الاجابة
غيرانين منك ومني

اسألي البحر اللي تغسل
ميته دموع العباد
اسألي الفجر اللي توصف
طلعته لحظة ميلاد

صدقيهم كدبيهم مش مهم
سيبك منهم كلهم

واسألي قلبك يدلك
هتلاقيه دايما يقولك
انتي مش بس عايشة فيا
دا انا اللي حتة منك

فوزي الشربيني كتب:

الشاعرة المبدعة الجميلة
لاستاذة سلسبيل

تحياتى وتقديرى وشكرا على امتاعنا بتلك القصيدة الجميلة
المليئة بالمشاعر الصادقة

دمت بكل خير ومحبة وسعادة ودام ابداعك الرائع
وتقبلى مرورى المتواضع

الشاعر المبدع الكبير
استاذ فوزي الشربيني
شكرا جزيلا على المرور العطر
دمت رائعا
انار تعليقك صفحتي ارجوا الا تحرمني منه

أحمـــد علام كتب:

قصيدة جميلة
احييك أستاذة سلسبيل

رد اجمل من القصيدة
فوجود نور حضرتك في صفحتي جعلها اكثر اشراقا
لك مني كل الشكر والود استاذي