الوهم

وخايفه تضعفى لمّا
عيونى تبص لعنيكى
وخايفه تضعفى اكتر
فى لمسة إيدى لأيديكى
وخايفه كتير
ومش خايفه
وشايفه ان انتى ما زلتى
فى قلبك شايله منزلتى
وما زلتى تحبينى !
فحبّى فيّه ما شئتى
وعيشى وهمك الكامل
انا بره حدود وهمك
وانا بعجز على فهمك
وتاهمك عقلك الناقص
بإن انتى مجرد بس حبوبه
يا أكذوبه
فى عين الناس بتتراقص
وتتهامس على سيرتك
وحيرتك ..
باينه فى عيونك
تنقّى مين بقى التانى
او العاشر
منا مش عارف اعدادهم
ولا عارف دا مين أقدم
وأجددهم
ما كلّه إتغش فى المظهر
ويظهر ان بالعشره
بيظهر حشوك القشره
فبرفض . انى أعيش مغشوش
ولمّا تحسّى بالوحده
تلوفى عاللى من صنفك
فلا صنفك حيعنينى
ولا ضعفك يخلّينى
أكرر تانى مأساتى
فيا { مولاتى معذرة }
فكرسى القلب
مش عرشك
ولا فرشك .. ولا قناعك
يدارى الغش وخداعك
ما باعك قلبى من بدرى
وعيّن نفسه { سلطاناّ }
على نفسى
فنفسى تقنعى نفسك
وترتاحى
دا مفتاحى اللى كان ملكك
ما لوش لزمه
انا دلوقتى بدّلته
وعدّلته
وعمره تانى ما يفتح لأمثالك
فما بالك ؟
لو انتى جيتى دقّيتى
على بابه
ما أظنّش انه يسمحلك
ويفتحلك .. ويرتاحلك
فياريتك
تشوفى لعبه غير قلبى
فى ملعب تانى مش جانبى
مع جمهور ما يعرفشى
فى قلبك قد إيه فاتوا
وحا يشجّع .. وحا يقولّك
دا كل اللى اختشوا ماتوا ..

من ديوان
السلم والتعبان والكلب
الصادر عام 2000

الاستاذ والقاص الكبير
ممدوح عزت
اعز الله مكانتك وقدرك
هذا الديوان كان له ظروف خاصه
كتبت قصائده كلها وتم طبعه فى 45 يوم
ومحتواه الكلى كتب فى موضوع واحد الا
وهو الخيانه .
وليس بالضروره ان اكون عشته فالشاعر عندما يكتب
لاينتقى انما يسجل على الورق ما يجول بخاطره الواقع
تحت تأثير حدث معين فتخرج القصيده للنور .
اشكر مرورك المشرف وحضورك الراقى .
وتقبل منى كل التقدير ...

الاخ العزيز الشاعر
عاطف الجندى
لقد تقازمت قصيدتى امام كلماتك
والتى رسمت البسمه العريضه على شفتى
كلمات وان كنت قد ارتجلتها فى حينه إلا انها
خرجت بشكل طبيعى وبدون اصطناع فأضافت
البريق لحروفى وزانتها .
{ وباين عليك عايز تقلبها مساجله }
اشكرك اخى العزيز عاطف على كلماتك وحضورك
وشكراّ خاص على تثبيت القصيده ..
وتقبل منى كل الود والتقدير ...

الاخت الشاعره
عزه الزرقانى
هذه القصيده لها قدر عندى عن باقى قصائد الديوان
ولذلك احببت ان انشرها حتى ارى رأى اخوتى رواد المنتدى
فيها . ورغم انى مقل فى النشر إلا اننى سوف اقوم بنشر جميع
قصائد هذه الديوان على مراحل .
اشكر مرورك المشرف وكلماتك الصادقه وشعورك النبيل .
تقبلى ودى وتقديرى ...

الاخ الحبيب والشاعر الجميل
ضياء الدين
اشكر تواجدك المضيء على قصيدتى
واشكر كلماتك الصادقه والمحببه الى قلبى
وانا سعيد جداّ لسماعى صوتك وكنت اتمنى
ان اراك فى زيارتك للاسكندريه .
وعموماّ فإن الله قادر على ان يجمعنا على الخير
ان شاء الله .
كل الشكر اخى ضياء مع خالص تقديرى ...

الاخ الاكبر والشاعر الكبير
فوزى الشربينى
شرف لى هذا المرور العطر .
والشرف الاكبر ان تقتنى ديوانى .
واتمنى ان يكون ديوانى قد نال شرف القبول
شكراّ جزيلاّ على مرورك البهى العطر
وتقبل تحياتى وودى ...

الاستاذه ريمى
انا لم اقصد كل النساء بتلك القصيده
حاشا لله . وانما دفقه شعريه استخسرت
ان تذهب هباءاّ فسجلتها .
وانا اعلم جيداّ ان كيد النساء قد غلب كيد الشيطان
ولكن .. ليس كل النساء من توجه اليهم كلماتى .
سعدت بمرورك وتعليقك .
وتقبلى كل التحايا ...

يااااااااااااااااااااااااااه
اختى وفاء .. مش ممكن !!!!!!!
حمداّ لله على سلامتك وعود حميد ان شاء الله
والله العظيم وحشتينا جداّ وسائلين عليكى .
نورتى صفحتى بوجودك الرائع المميز وحروفك الواعيه
ايوه كده اظهرى ونورينا كالعاده .
كل الشكر على منحى السعاده برجوعك الينا .
مع خالص ودى وتقديرى واعزازى ...

الاخ العزيز
ايمن عمر
اسعدنى وجودك وتداخلك الراقى
واشكر كلماتك التى زادتنى فخراّ وعلواّ
والحمد لله ان راقتك كلماتى .
كل التقدير مع خالص ودى ...

الاستاذه الشاعره الرائعه
اميره البدرى
اشكرك على هذا الاطراء
وعلى فكره كلماتك جميله وانا حا اعمل بيها
شكراّ مجدداّ على وجودك وتعليقك الزاهر ...

الاخت الشاعره الشقيقه
وداد الهوارى
بالفعل كما قلتى هو ديوان له ظروفه الخاصه
ولكن .. قصائد لم يكتب لها ان تكون حبيسة الادراج
وان شاء الله سوف اقوم بنشرها تباعاّ .
نورتى صفحتى ايتها المساجله الخطيره ...

ان شاء الله ياعزه سوف اقوم بنشر قصائدى
والتى تحتويها دواوينى السابقه .
وسوف انشرها تباعاّ ان شاء الله
اشكر لك هذا الشعور الطيب ...