إعلان حرب

موضوع: إعلان حرب الجمعة أكتوبر 30, 2009 4:16 am

إعلان حرب
ارفع حالة الاستعداد
وكمان ضرب
ومكانا في أرض الاستاد
دولة معادية ..
جايبة معاها جيوش وعتاد
وكمان غازية
يالا نصون أرض الأجداد
يالا ندعي في بق واحد
يالا حي على الجهاد
.................................
بينا وبينهم دم ونار
هما جبن الاستعمار
بينا وبينهم عين مفقوعة
وقلوبنا بيهم موجوعة
يالا ولع في الرماد
يالا ندعي في بق واحد
يالا حي على الجهاد
.................................
كلنا ثقة في جيشنا
وقائدهم المعلم
والعدو لما يشوفنا
حتلاقي رجلينا تكلم
وحنصدق في الميعاد
يالا ندعي في بق واحد
يالا حي على الجهاد
.................................
المشاكل راح تتحل
البطالة والزبالة
وأزمة السكر والخل
والرخاء كمان يعم
وحنقضي عـ الفساد
يالا ندعي في بق واحد
يالا حي على الجهاد
.................................
جوة الملعب لازم نلعب
برة الملعب فين راح نهرب
يمكن جوة الملعب نكسب
لكن برة الملعب انسى
خليك في وهم اللي فات
يالا ندعي في بق واحد
يالا حي على الجهاد
.................................
وضمير شعب نام واتغطى
مستني النصرة الكبرى
ادعي وقول يارب انصرنا
وادينا على قد ضميرنا
دة أحنا حضارة ونصر وعزة
دة أحنا الاصل والأجداد
يالا ندعي في بق واحد
يالا حي على الجهاد
.................................
بعد النصر على الجزائر
بكرة نلبس الحراير
ولما نكسب كأس العالم
راح نصحح المعالم
والعدو لازم يسالم
ينسحب ويا العتاد
يالا ندعي في بق واحد

يالا حي على الجهاد
.................................

[/b]

موضوع: رد: إعلان حرب الجمعة أكتوبر 30, 2009 4:33 am

نص ساخر على حالة التأهب القصوى

والصراع الدامى بين الاعلام المصرى والجزائرى

من اجل مباراة فى كرة القدم

لا تتعدى كونها لعبة

لن تزيد او تنقص من عزة شعب ولن تؤثر فى وطنية لاعب

ولكنه الغظاء وضالة الاعلام لما يحدث من هدم وتدمير لاساسات المسجد الاقصى

ملحوظة

بث الاعلام المصرى صور وفيديو لشباب جزائرى

يقوم بحرق علم مصر

موضوع: رد: إعلان حرب الجمعة أكتوبر 30, 2009 4:43 am

ايمن عمر كتب:: نص ساخر على حالة التأهب القصوى

والصراع الدامى بين الاعلام المصرى والجزائرى

من اجل مباراة فى كرة القدم

لا تتعدى كونها لعبة

لن تزيد او تنقص من عزة شعب ولن تؤثر فى وطنية لاعب

ولكنه الغظاء وضالة الاعلام لما يحدث من هدم وتدمير لاساسات المسجد الاقصى

ملحوظة

بث الاعلام المصرى صور وفيديو لشباب جزائرى

يقوم بحرق علم مصر

الأستاذ/ أيمن عمر
السلام عليكم ورحمة الله وبركاته
قد تندهش إذا قلتلك أني باحب كرة القدم جداً
وفي مباريات المنتخب بالذات بيكون تشجيعي حماسي جداً وأنا مسمي شقتي هنا في السعودية الاستاد عشان كل صحابي بيجوا يتفرجوا عندي. ولكن لايمكن أسمح إن كرة القدم تغيبني أو تلغي عقلي
أو تفسد العلاقة بين بلد المليون شهيد ( الجزائر) وبلد الشهداء على مر العصور ( مصر)، والبلدين أشقاء وعرب ومسلمين، ولكن الغوغاء من الشعبين ومنهم غوغاء الإعلاميين وهم قطاع من أي شعب هما اللي بيفسدوا العلاقة،وعلى فكرة سأشجع مصر بجنون، ولكن إذا وصلت الجزائر سأشجعها أكثر من الجزائريين أنفسهم في كأس العالم
أخوك
طارق منيب

موضوع: رد: إعلان حرب الجمعة أكتوبر 30, 2009 4:53 am

اللهم ما انصر مصر
فى مباراة الكرة
و لكن احنا و الجزائر شعب
واحد
و نصك جميل أستاذ طارق و هو ساخر طبعا

موضوع: رد: إعلان حرب الجمعة أكتوبر 30, 2009 5:56 am

طائر الليل الحزين كتب:: اللهم ما انصر مصر
فى مباراة الكرة
و لكن احنا و الجزائر شعب
واحد
و نصك جميل أستاذ طارق و هو ساخر طبعا

هذا هو مانجب أن نتذكره دائماً
الرياضة يجب أن تقربنا ولا تبعدنا

موضوع: رد: إعلان حرب الجمعة أكتوبر 30, 2009 11:22 am

اخويا طارق انا عندى حل حلو قوى
لو مصر اتغلبت اقلب شقتك كافتيريا
ولو مصر اتغلبت اقلب شقتك كافتيريا
وإتهيأ لى إن الحل الاول انسب
ليّه عندك واحد عناب ساقع ...

موضوع: رد: إعلان حرب الجمعة أكتوبر 30, 2009 11:38 am

عادل عوض سند كتب:: اخويا طارق انا عندى حل حلو قوى
لو مصر اتغلبت اقلب شقتك كافتيريا
ولو مصر اتغلبت اقلب شقتك كافتيريا
وإتهيأ لى إن الحل الاول انسب
ليّه عندك واحد عناب ساقع ...

حبيبي عدولة
وحشاني جداً تعليقاتك الجميلة.. فينك
بالنسبة للعناب الساقع تحت أمرك
ولكن أنا خايف المباراة تعمل زي النكتة بتاعت الصعايدة والفرقتين يتغلبوا في نفس المباراة
أطيب التمنيات بفوز مصر
وأكبر التمنيات إن المباراة لا تشغلنا عن حياتنا وقضايانا الأساسية والجوهرية
وألا تنسينا ماهية هويتنا
وإن شاء الله أباركلك بفوز مصر
ولو مصر مافازتش أباركلك
والجزائر بتفوز بكأس العالم
بالنسبة لإن صحابي بيحبوا يتفرجوا عندي دة عشان أنا كبير رابطة المشجعين هنا
وبيكونوا حوالي عشرين واحد ولما بيطلبوا شاي
باقولهم آسف الحلل مش فاضية
سعيد بمرورك
أخوك
طروقة

موضوع: رد: إعلان حرب الجمعة أكتوبر 30, 2009 11:43 am

يا طروقه إتصرّف
الحلل مش فاضيه
الطشوت موجوده { وما اكثرهم فى السعوديه }
ها ها ها ها ها ها ها ها

موضوع: رد: إعلان حرب الجمعة أكتوبر 30, 2009 12:19 pm

وعلى أيه ياعم عادل
أنا عملت نظام جديد
اللي يجي يجيب كباية الشاي بتاعته معاه

موضوع: رد: إعلان حرب الجمعة أكتوبر 30, 2009 1:08 pm

الأخ العزيز الشاعر والناقد / طارق منيب

أنا ما اعرفش فى الكورة غير شكلها المستدير ... والهــــــــــتاف المزعج بعد النتيجة

لكن قصـــــــــيدتك عــبرَّت عن الغيظ الذى أشعـــــــــر به لكل هذا الحمـــاس لهــــــا

فى حـــــــــــين نرى التقاعــــــــــس والخمـــــــــول واللا مبالاة تجاه ما يحدث لنا

من إهـانات كعرب ! حاجة تجنن .

الظـــــــاهر إنهـــــــــم بيدعوا فعلاً ( إدينا على قد ضميرنا ) والله أعلم بالضمائر .

وداد الهــــــــــــــــوارى

موضوع: رد: إعلان حرب الجمعة أكتوبر 30, 2009 1:34 pm

وداد الهوارى كتب:

أختي الشاعرة الكبيرة الأستاذة/ وداد
كنت أنتظر تعليقك الجميل كالعادة.. وعلى فكرة قبل مارد فكرتيني بحاجة ضحكتني.. كان مرة أختي بتدعيلي وتقولي ربنا يديك على قد نيتك.. قولتلها حرام عليكي تدعي عليه..فلما تحدثتي عن الضماير ذكرتيني بها..في مؤتمر حكماء صهيون في عام 1897في سويسرا جاءت توصياتهم بأن يشغلوا العالم بأي شئ.. على ألا يعطوا الفرصة لغير اليهود أن يفكروا .. وقد صدقت على هذا المطربة ليلى مراد لما قالت أضحك كركر أوعى تفكر.. وتصعيد الموضوع حول مباراة كرة قدم لهذه الدرجة بين بلدين شقيقين شئ مرفوض.. أنا من عشاق كرة القدم وأحبها جداً كوسيلة للترويج عن النفس.. وليس بهذه الطريقة.. تصدقي في برنامج في دريم.. واحد فلسطيني يقول أحنا حزننا على نادي الزمالك أكثر من شهداء غزة.. وأنا كمحب لكرة القدم .. لو خيروني بين دم شهيد واحد وإلغاء اللعبة في العالم سأختار إلغاء اللعبة.. تصدقي لي واحد صديق في مركز كبير بيقولي مرة الحمد لله إن ربنا خلقني أهلاوي.. قلتله أنا برضه كنت أهلاوي بس ولاد الحرام اتلموا عليه وأنا صغير وضحكوا عليه وخلوني ترسناوي.. كرة القدم لن تفرق أبداً بين شعبين يجمعهم اللغة والدين والتاريخ والعادات والتقاليد.. ومش لازم تكون وسيلة تفرقة بل جمع.. كما لن تلهينا عن حقيقة هويتنا وقضايانا الأساسية.. ولن تمنعنا من التفكير
أخوك
طارق منيب

موضوع: رد: إعلان حرب الجمعة أكتوبر 30, 2009 2:57 pm

استاذ طارق انا مش بعرف ف الكوره بس

انا بعتلكم نص هديه اسمه الناس والدنيا استاذ محمد ذكى نشره فى منتدى الكره

ويارب نكسب دمت بكل حب وخير

موضوع: رد: إعلان حرب الجمعة أكتوبر 30, 2009 3:19 pm

قصيدة هادفة و جميلة
أستاذ طارق
يارب النصر لمصر
طبعا
بس متبقاش حرب

موضوع: رد: إعلان حرب الجمعة أكتوبر 30, 2009 11:17 pm

الشاعر القدير / طارق منيب
دايما أفكارك فى الجون
ويارب مصر تغلب ونجيب كام جون
علشان قصيدتك الجايه هتكون وجون وجون وجون
تقبل مودتى

موضوع: رد: إعلان حرب السبت أكتوبر 31, 2009 3:03 pm

الأستاذة/ عزة
لقد قرأت هذا العنوان وقرأت العمل من قبل ولكن مالمقصود بمنتدى الكره
شكرا كثيراً

موضوع: رد: إعلان حرب السبت أكتوبر 31, 2009 3:08 pm

أميرة البدرى كتب:: الشاعر القدير / طارق منيب
دايما أفكارك فى الجون
ويارب مصر تغلب ونجيب كام جون
علشان قصيدتك الجايه هتكون وجون وجون وجون
تقبل مودتى

شكراً كثيراً ياأستاذة/ أميرة
ويارب يسمع من بقك
فأنا باحلم بالفوز
ولكن دة عمر مايكرهني في الجزائر وشعب الجزائر الشقيق
خالص مودتي وتقديري
أخوك
طارق منيب

موضوع: رد: إعلان حرب السبت أكتوبر 31, 2009 5:42 pm

الله عليك يا خالو يا كبير دايما بتتقدم والله شكلك كدة سنتين كمان أو أقل وتعمل ديوان محترم شدحيلك كلنا معاك أرسل تحياتى أليك من القاهرة ألى سعودية عبر أجوائى الشعرية

afro

موضوع: رد: إعلان حرب السبت أكتوبر 31, 2009 5:53 pm

رشا فؤاد كتب:: الله عليك يا خالو يا كبير دايما بتتقدم والله شكلك كدة سنتين كمان أو أقل وتعمل ديوان محترم شدحيلك كلنا معاك أرسل تحياتى أليك من القاهرة ألى سعودية عبر أجوائى الشعرية

ربنا يخليكي ليه يارشا وإلى اللقاء يوم 17 نوفمبر 2009م

موضوع: رد: إعلان حرب السبت أكتوبر 31, 2009 8:06 pm

ايه يابني الحلاوة دي بجد أفكارك باحس إن مش ممكن حد يفكر فيها غيرك بارك الله فيك يا طروقة .

موضوع: رد: إعلان حرب السبت أكتوبر 31, 2009 8:11 pm

موضوع: رد: إعلان حرب الأحد نوفمبر 01, 2009 4:23 pm

منير منيب كتب:: ايه يابني الحلاوة دي بجد أفكارك باحس إن مش ممكن حد يفكر فيها غيرك بارك الله فيك يا طروقة .

ماعشان جداً مخي ضرب.. دعواتك

موضوع: رد: إعلان حرب الإثنين نوفمبر 02, 2009 3:54 pm

الاستاذ الكبير والشاعر الجليل

الناقد البناء بوعى ودهاء

الملاعب بالكور استدارت

والعقول بقصيدك استنارت

ولاكن

مع راى الاستاذ عادل

ممكن نستبدل حلتين بطشت

ونحاول تغطية الحلل بالغطيان

ومع رىء الشاعره الكبيره وداد

ضمائر تعبانه من الاستراحه الاحتياطى

مع احترامى وتقديرى لك ولهم

بنت الصعيد

ريمى
cyclops

موضوع: رد: إعلان حرب الإثنين نوفمبر 02, 2009 4:06 pm

ريمي الصعيد كتب:: الاستاذ الكبير والشاعر الجليل

الناقد البناء بوعى ودهاء

الملاعب بالكور استدارت

والعقول بقصيدك استنارت

ولاكن

مع راى الاستاذ عادل

ممكن نستبدل حلتين بطشت

ونحاول تغطية الحلل بالغطيان

ومع رىء الشاعره الكبيره وداد

ضمائر تعبانه من الاستراحه الاحتياطى

مع احترامى وتقديرى لك ولهم

بنت الصعيد

ريمى

[size=24]
الأخت العزيزة الشاعرة ريم الصعيد
أخجلت تواضعي بكلامك الجميل
وسعيد جداً إن القصيدة عجبتك
ولا تحرميني من جمال تعليقاتك وتواصلك
خالص احترامي وتقديري
أخوك
طارق منيب
[/size]

أخوتي الأعزاء في المنتدى
السلام عليكم ورحمة الله وبركاته،
رغم أني في حالة ذهنية ومزاجية لا تسمحلي بالمشاركة في المنتدى فقد حضرت إلى مصر في أجازة لمدة أسبوعين وأفراد أسرتي مستحوزين على كل وقتي.. ولكن حبيت أذكركم بهذه القصيدة.. وعلى فكرة أحب أنبه شعبي مصر والجزائر إلى قضية أخرى ثانوية جداً وهامشية جداً ولكن لازم ننتبه لها قبل ماتكبر وتاخد مننا حيز زي مباراة كرة القدم.. إسرائيل حتبني 900 وحدة استيطانية في القدس الشرقية.. آسف جداً لأني أثرت هذه القضية الهزيلة بسبب ضعف ثقافتي وتفاهتي وعقلي المُغيب.. صحيح إحنا في إيه ولا في أيه.. القدس.. ياترى دي فين في الصين تقريباً..خلينا في إعلان الحرب بتاعنا.. وأمجاد ياعرب أمجاد.. وأهنئ غوغاء الشعب الجزائري وليس الشعب الجزائري على كل ماحققوه من نصر سواء في المباراة.. أو على الأعداء المصريين من المُشجعين.. وإلى الأمام دائماً حتى الوصول للهاوية.. مع خالص شكري لإعلام الدولتين ( وخصوصاً الجزائر) اللي تفرغ لإشعال النيران بدلاً من القيام بدوره الواعي في توعية الناس.. صدقت صحيفة إسرائيلية لما قالت القومية الكروية قبل القومية العربية.. واشمتوا ياأعداءنا.. حتلاقوا عدو أحلى من مننا فين..

» إعلان هام
» إعلان هام لوظيفة خالية
» إعلان جائزة طنجة الشعرية
» إعلان عن ندوة ( القاصة ندى إمام )
» إعلان أغنية امسحي دموعك يا أمي