إعلان هام

إعلان الترشح لمنصب رئيس الجمهورية



عايزين رئيس متعلـم
يكون بيعرف يتكلم

عـنـده كاريزما ومعلم
لما الناس تشـتكى يتألم

يخلص مدته ويسلم
مش يتحجج ويتـلم


رئيـس لنا مش عـلينا
يرعانا و يراعى كرامتنا

لاامريكان ولاغـيرهـم
بيه يتحكموا فينا

ويقعد يحكمنا من هـنا
مش بالريموت من سينا


يعرف الاول رأى الشعب
قـبل مايقابل رويسا ثانيين

مش يتـصرف على مزاجه
وبعد ماتخرب نقعدلايصين

علاقات الدول بين شعوب
مش بين أفراد زايلين


مالوش عيال رجال أعمال
ومراته يقفـل عليها

وأى حاجة تحصل فى البلد
يطلع يكلمنا فيها

ولو سافر وقام زلزال
يرجع قبل المنح ماتجيها



عمره يكون تحت الستين
مش حا نقعـد نداوى فيه

فاهم الديمقراطية ومعناها
إن الكرسى ما يتلزقـش فيـه

يسمع الكلام يوزنه
وقبل مايرد يفكر فيه


رئيس يكون قـد كلمتـه
وكلامه مش فـى الهواء

طاير وحاير
وإحنا ندورعليه

حاكم الشعب يدعى له
مش فى كل صلاة ندعى عليه



اللى شايف إنها سهلة
مطلوب المستندات الآتية

شهادة ميلاد وبطاقة شخصية
شهادة خدمة عسكرية

أعلى شهادة دراسية
إقرار الذمة المالية

التقارير الصحية والنفسية
وستحددالمقابلةالشخصية

بعد إختبار قدرات عقلية
وإبقوا قابلونى ياأفندية

Dr.Mourad Soliman