جربت يا صاحبى

جربت يا صاحبى ؟
......................................
جربت يا صاحبى تكون مكسور من جوه حتت ؟
متفتت سكر سنترافيش فى مرار الخل !
جربت تكون مجروح م الخل
حارقاك الشمس ف عز الضل !
متشعبط فى خطوط الممنوع
لا عرفت ان كان نفسك مقطوع
ولا ف بالونة الحلم خروم !
جربت اليوم يرميك لليوم ؟
والحسبة تصفصف على كام جرح
جربت يا صاحبى تخاف م الفرح ؟!

الفاضله أم القوافى
أسعدنى للغايه مرورك الكريم على تجربتى المتواضعه
هكذا النبلاء دوما يخترقهم الصدق ويصل اليهم اينما كانوا
وشكرا جزيلا لنصائحك آملا أن أفلح فى تنفيذها ماتبقى من العمر
وإن كنت أشك فللجراح أهلها
دمت لى أختا ومبدعة جديرة بالاحترام

أ. هناء سعيد
كل الشكر والتقدير لاهتمامك الحنون
ولعلى احظى بنصيب من دعواتك الغاليه
حبى ومودتى لشخصك الكريم

أ. وداد
وبعدين معاكى
ردك البليغ شعرت معه بضآلة تجربتى واستمتعت للغايه بقصيدتك
هى دى وداد الهوارى ياناس تتاقل بالماس

أ.عزه الزرقانى
انتظرك دوما فى مقدمة المارين على اعمالى البسيطه
وأخجل من إطرائك ومديحك وكأنما تتحدثين عن شخص غيرى
يغمرنى حنانك دوما وهوأمر ليس بمستغرب على ملاك يمشى فوق الارض
أول حرف فى اسمه عزه الزرقانى

العزيزه الورده الحمراء
خالص شكرى وتقديرى على مرورك الذى شرفت به
سعادتى لاتوصف ان كلماتى لاقت لديك قبولا
شكرا لك

الجرح ينادى الجرح أخوة
علشان يتلموا ف أحضانى
وأيدين متكتفة منعانى
أرفضهم وبكل كيانى
جوة الممنوع
وبعافر والحبل يعافر
وأيدية بتبعد وتسافر
جوة الأحلام
وهتعمل أية
أذا كان الفرح المتخبى
مستكبر فى عناد يرجعلى
وسط الدنيا
ملقيتش مناى يرجعنى
لنفسى التاهية
المحتارة تعيش
غير ف الأحلام
أستاذ عبدالله الكلام لمسننى جدا وأكثر من رائع أنت متفرد ويمكن لميت حاجات كتير عايزة أقولها فى هذا الأبداع كما لو كان كلماتى فعلا متفرد متميز حساس شاعر بمعنى الكلمة

أولا كل سنه وانتى طيبه ومتشكر جدا لاهتمامك بالرد على اعمالى المتواضعه
اللى زود فرحتى بجد قصيدتك اللى رديتى بيها رائعه يا رشا وفيها شجن ما حصلش ودا مش غريب على انسانه فى رقتك ونبل جوهرك
صورك حلوه جدا أنا شكلى كده هسحب قصيدتى البسيطه واحط مكانها قصيدتك
بجد بجد ألف شكر تسلميلى
وأنا عند وعدى ان شاء الله فى نهاية الاسبوع هتشرف بالمرور على اعماللك والتعليق بموضوعية
بس خلاص

الى العزيزه رشا:
أولا كل سنه وانتى طيبه ومتشكر جدا لاهتمامك بالرد على اعمالى المتواضعه
اللى زود فرحتى بجد قصيدتك اللى رديتى بيها رائعه يا رشا وفيها شجن ما حصلش ودا مش غريب على انسانه فى رقتك ونبل جوهرك
صورك حلوه جدا أنا شكلى كده هسحب قصيدتى البسيطه واحط مكانها قصيدتك
بجد بجد ألف شكر تسلميلى
وأنا عند وعدى ان شاء الله فى نهاية الاسبوع هتشرف بالمرور على اعماللك والتعليق بموضوعية
بس خلاص

جربت اليوم يرميك لليوم
ما هذا السهل الممتنع
ما هذة البساطة فى طرح الاحزان القاتلة
قمة النجاح حين لا تستطيع ان تزيل حرف من النص
الله ينور عليك يا عم عبد الصبور

دائما اقيس روعة العمل عندما اتعرض له اكثر من مرة
فأستمتع به كل مرة اكثر ويضيف الى رؤى اكثر واكثر
وهذه المقطوعة الرائعة بالرغم من سماعها الا انى لم امنع
نفسى من قراءتهامرات عديدة
فأنت قد حققت فيها المعادله الصعبه الناجحة على كل مستويات
التلقى فى طرح من الفلسفة الشعبية
و التساؤل فى بدايتها ونهايتها يفسر مدى امتزاج المحنة الذاتية
بالبعد الانسانى المطلق
اعجز عن اظهار حبى وتقديرى لشاعريتك المبالغ فيها
ويكفى اننى مازلت عند رأيى بأنك
قصيده تمشى على الارض

أ. عادل حسنين
كل الشكر والتقدير لمرورك الذى شرفت به
منحتنى كلماتك فوق ما أستحق
أكرر شكرى وتقديرى لشخصك واهتمامك الذى سعدت به أيما سعاده

أما أنت أيها السامى عقل
مازلت تتحدث عن شخص سواى
وحدك الجدير بما قلت ، أما أنا فما زلت أحبو فوق درب واعر للغاية
ما أصعب أن ينتظر منك الآخرون الدفء فى زمن الجليد
تشجيع قامة عالية مثلك يحملنى مسئولية كبيرة
دمت لى

أ.عزه الزرقانى
أشكرك لاهتمامك وتوجيهاتك
انا فعلا عندما ضغطت على الماوس والنت كان بيقطع تصورت انها ما اتحملتش فضغطت مرة اخرى
آسف جدا دوشتكم معايا بتوائم متشابهه اكتر من حسام وابراهيم حسن
ما تزعليش منى يا مشرفة يا قديرة
وخالص تحياتى

أ.عزه
الحقينى عندى مشكلة
دلوقتى يا قمر لو حد علق على الصفحة التانية مش هسأل فيه
هقولله أنا ماليش دعوه يا عم المشرفة ممكن تضربنى
طب اعمل ايه دلوقتى
حليها بقى يا فيلسوفة

ربنا يخليكى يا اجمل وأرق مشرفة فى كل المنتديات