يا صاحبى

يا صاحبى ....

يا حاسس بأحوالى

يا نبض الروح فى موالى

احترت أنا فيك

وازى أراضيك ؟

وانا باقى عليك

أنت يا غالى

يا صاحبى ....

يا رفيق كفاح عالى

تعالى أفكّرك تانى ...

اللقمة زمان ....

قسمناها .......

والفرحة كمان ....

حضنّاها ........

والدمعة اللى على خدودنا ...

بإيد واحدة مسحناها

والغربة اللى على جبينّا

فى حب بلدنا خُضناها

وكلمة مصر فـ ضلوعنا

ما جينا فـ يوم نسيناها

وكلمة مصر فـ قلوبنا

فى عز الشدة صُناها
_________
من ديوان إحكي وقول ياورق للشاعر الصحفي إبراهيم خليل إبراهيم .

كل فيمتعو ثانية وأنت بخير اخي المبدع عادل

أخى الراقي
إبراهيم
قصيدة جميلة
تحياتي و تقديري لحرفك الراقي
كنت هنا و سعيد بعملك الجميل
تقبل خالص ودي
أخوك

أخي الشاعر عاطف
أشكرك من قلبي وكل عام وأنت بخير

خالي الحبيب وخال الشراقوة المهندس المبدع عطية
من نبض القلب كل الحب

هيما ماتعتبشى على صاحبك الزمن نسى الحب طبعه وبقى جفا

كلام جميل تحياتي

كل الشكر والتقدير
وكل عام وأنتم أحبابي بخير وصحة وسعادة