هنئوا أخاكم ( عادل عوض سند )

أم القوافي كتب:: أستاذي / عادل سند

نهنئك أم نهنيء أنفسنا على منحك تلك الترقية

فــ سرورك يسعدنا ونجاحك يسمو بنا لأننا نتشرف بصداقتك لنا

جئتُ أحمل قلمي وقد ملأته مدادا من تبـْـر

وجثوتُ سعيدة بنبضٍ كــ طبلٍ يزف البشرى لكل ذاهب وآتٍ

وقمتُ أسطر لك كلماتي

وبحب ألقي عليك تحياتي

حب الصداقة والاخوة السوية

يا ذا السريرة النقية

والكلمات الندية

مبارك لك مع التحية

:
:

والشكر موصول للشاعر الأصيل / عبد الله جمعة

ليس بمستغرب فعلك فأنت أهل للرجولة والانسانية

وبادرة طيبة تجعلنا على تواصل دائم مع الجميع

ودعواتي لك بهدوء البال وسعادة دائمة

والأستاذ عادل سند يستحق التهنئة

وأنت تستحق حب الجميع

فوزية شاهين

الاخت الفاضله
فوزيه شاهين
والله انا عاجز عن رد هذه المجامله
ولا أملك إلا ان اقول ربنا يخليكِ ليّه ايتها الانسانه الراقيه
بأخلاقها واسلوبها .
كل الشكر والأمتنان لتهنئتك العطره والعاقبه عندك إن شاء الله
نهنئك على درجة الدكتوراه قريباّ إن شاء الله .
شكراّ على كلمتك وحضورك الطيّب ...

ياقلبي لا تحزن كتب:: ألف مبروك ياسعادة المدير العام وكل عام وأنت بخير ومزيدا من الترقي

اشكرك يا حبيب قلبى على تواجدك ومشاركتك
فى التهنئه . وكل عام وانت بكل الخير ...

أبو القوافي كتب:: الخبر م الكنترول
جاني من عند الحكومة
قلت أموت ميت عزول
واجري اهني وبنعومة

الحكومه كنترولها
للأذيّه والخساره
بلّغت فيّه الضرايب
قال خلاص حا ابنى العماره

وداد الهوارى كتب:: الأخ الشاعر الكبير/ عادل عوض سند

قول لى مــــــــين ح يزينها غـــــــــيرك ؟1

م الأســــــــا س

ياللـــى طـــــول عمــــرك بتــــــدى للعمـل

إخـــلاص ، حمــاس

عشــــــــت فيه عمــــــــر وزمـــــــــــــن

كنت ليـــــــــــــــه جرعــــــــــة وطـــــــن

وضـــمير ، ونـاس

ألـــــــــف مـــــــــيت مــــــــــبروك ياعادل

يا مـدير عـــــــــام النحـــــــــــاس

وداد الهـــــــــــــــــوارى

الاخت الشاعره الشقيقه
وداد الهوارى

انتى زينة عمرى كلّه
وانتى ورده وانتى فلّه
واما جيتى الصفحه عندى
الحبايب جم يطلّوا

انتى اخت وضهر ليّه
والسند اللى مداريّه
كل زلاتى وعيوبى
ربنا يخلّيكى ليّه

أبو القوافي كتب:: عشت عمري نفسي أصاحب
حد مخلص أهل واجب
والرجولة عنده طاغية
ربنا ادَّاني عادل

قلت أحمد لاجله ربي
قلت مش ممكن أخبي
أصله صاحبي
يعني أغلى من أخويا
ابن أمي وابن ابويا

أصل اخويا حبه كان مفروض عليا
ما اختاروش قلبي وضميري
آه بحبه
بس عادل
هوه ده اللي ارتاح له دمي
هوه عنده بشفي همي

مهما نضحك أو نساجل
هوه عندي أغلى راجل

عشت عمرى احلم بصاحب
قلت اخ يكونلى صاحب
ما التقيت غيرك يا عبده
اخ فعلاّ كلّه واجب

أبو القوافي كتب:: طب ومين يا ناس قولوا لي
زي عادل في الرجولة
والشهامة والبطولة

حد زيه ؟
حد يقدر يضوي ضيُّه ؟
حد حامل هم أهله
زي عادل ؟
حد شايل كل هم الناس في قلبه ؟
حد بيلملم حبايبه
إلا ( دولا )

هوه حضن الناس في ضيقة
هوه صاحب ميت طريقة
هوه بس نلاقي عنده
م الرجولة اللي بحقيقة

نفسي يوم يبقى الرئيس
لاجل كل الناس تهيص
لاجل مصر تكون عروسة
هوه ليها أرجل عريس

حبك انت لى براح
قلبك المليان سماح
لسّه قادر عالعطاء
والعطاء من كتره ساح

غرّق الصحبه وجذبنى
حد بابك قام وجابنى
من ساعتها قلبى حالف
للمحبه صرحه يبنى

انما { ريّس } صعيبه
يومها تطفش ميت حبيبه
واما حا انزل للشوارع
حا اتقتل وحا تبقى خيبه

أبو القوافي كتب:: يعني خفة دم أهلك
جاية ماشية من وراك
مهما تعمل برضه عادل
في الرزالة مين سواك

بس برضه انت المدير
راح أسامحك يعني مرة
حتى لو هبقى الغفير
أو تكوني لي أحلى ضُرَّة

احلى شيء ف الدنيا يا ابنى
الرزاله
والرزاله لازقه فيّه
انما ف شغلى تلاقينى
شخص تانى
داهيه معجونه برزيّه

أبو القوافي كتب:: يالله نقفل كرسي عاطف
لاجل نفرح بيك يا دولا
يالله نقلبها عواطف
لاجل نشرب كوكاكولا
هههههههههههههههههههههه

المساجلة م النهارده
(هنُّوا عادل )
والكاكولا راح نوزعها
ف جرادل

كرسى عاطف زى ما هو
لجل نعمل ميّه تانيه
انما فرحتكو بيّه
جوّه قلبى منى دانيه

والكاكولا عندى ياما
ماركه موصومه بعلامه
راح نحوشها لعم عاطف
لما ييجى بالسلامه

علشان انا مش حأقدر أجارى القطرين اللى ما بيقفوش ف محطات
حابارك على قدى
( احنا مش هنهنى أنفسنا ولا حنهنى جنابك
التهنئة كلها لشركة النحاس المصرية )

عادل حسنين رزق كتب:: علشان انا مش حأقدر أجارى القطرين اللى ما بيقفوش ف محطات
حابارك على قدى
( احنا مش هنهنى أنفسنا ولا حنهنى جنابك
التهنئة كلها لشركة النحاس المصرية )

الاخ الحبيب الغالى
عادل حسنين
ربنا ما يحرمنيش من ذوقك العالى ولا من كلامك الجميل
واحنا لو قطرين عاديين يبقى انت القطر التوربينى
كل الشكر ايها الاخ الحبيب على تهنئتك الرقيقه
ولك منى كل التقدير ...

يالله هات كولا لاخوك
أصله جه وشرف يا سيدي
كل يوم يطلع يدندن
ييجي ماسك قال في إيدي

ألف 100 مليون مبارك
يا حبيبا يا اسمك أيه
بالورود جايين نبارك
دا الخبر يفرح و أيه
قالوا يصبح ليك موظف
شعره سايح و بجيبونه
مكتبك يبقى مكيف
لمبه حمرا تقول سيبونا
كل خزنة أنت أميرها
دانت لايق .. لأ و بيه
العمارة ليك هتصبح
و الكورولا و الشاليه
****

لأ بقى كده الحكايه عايزه لقاء تانى فى التليفزيون وانت مدير قد الدنيا
ولو انك من سنين فاتت شاعر قد الدنيا وانسان جميل نبيل قد الدنيا
من قلبى مليون مبروك

غبت يوم لأ قول يومين

الجهاز كان بيلاعبنى

حاله والله ما كان عاجبنى

والبرامج عاصيه انى

افتح النت واغنى

راجعه باسال دولا فين؟

قال قالوا لى

انه اصبح م الرياسه

قلت آجى

مش تهانى لا غلاسه

لاجل اقول له

الف مبروك مرتين

هههههههههههههه

أبو القوافي كتب:: يالله هات كولا لاخوك
أصله جه وشرف يا سيدي
كل يوم يطلع يدندن
ييجي ماسك قال في إيدي

سيبه بكره لما ييجى
يبقى يتكرّع كاكولا
يعترف حقى برقبتى
من اللى عامله فيّه دولا

عاطف الجندى كتب:: ألف 100 مليون مبارك
يا حبيبا يا اسمك أيه
بالورود جايين نبارك
دا الخبر يفرح و أيه
قالوا يصبح ليك موظف
شعره سايح و بجيبونه
مكتبك يبقى مكيف
لمبه حمرا تقول سيبونا
كل خزنة أنت أميرها
دانت لايق .. لأ و بيه
العمارة ليك هتصبح
و الكورولا و الشاليه
****

السكرتاريه يا ابنى
راح تكون عندى الصينيه
واللى ماسكه الرسم كلّه
بنت من مصر الذكيه
واللى فى الارشيف حا تبقى
واحده من روسيا الطريّه
بس انا بدعى لربى
انه يبعد عنى عينكم
اللى محشيّه بأذيّه

عبدالله عبدالصبور كتب:: لأ بقى كده الحكايه عايزه لقاء تانى فى التليفزيون وانت مدير قد الدنيا
ولو انك من سنين فاتت شاعر قد الدنيا وانسان جميل نبيل قد الدنيا
من قلبى مليون مبروك

الاخ الحبيب الشاعر
عبد الله عبد الصبور
انا تحت امرك وتحت امر التليفزيون
واشكرك على هذه المجامله الرقيقه وذوقك الراقى
وان شاء الله نبارك لك وانت رئيس قناه .
كل الشكر اخى عبد الله ولك منى كل التقدير ...

هناء سعيد كتب:: غبت يوم لأ قول يومين

الجهاز كان بيلاعبنى

حاله والله ما كان عاجبنى

والبرامج عاصيه انى

افتح النت واغنى

راجعه باسال دولا فين؟

قال قالوا لى

انه اصبح م الرياسه

قلت آجى

مش تهانى لا غلاسه

لاجل اقول له

الف مبروك مرتين

هههههههههههههه

انتى فعلاّ غبتى ياما
واحنا من غيرك يتامى
ما تغبيش تانى ياماما
ربنا يخليكى ليّه

واشكرك واشكرحضورك
ياللى بيزغللنا نورك
بس لو حا تغيبى تانى
تلتقينى امسك فى زورك
لجل ما تغيبيش عليّه

يعنى من بكرة النحاس.......يبقى دفتر للقصايد
راح نلاقى الشركة ندوة ....... شعر عادل فيها سايد
واللوايح فيها شعره....... والجٍِزا فيها بحوره
والموظف لو يحبه...... يحفظ الشعر وسطوره
عم عادل ..ألف مبروو .....والله تستاهل يا عادل
النحاس فى إيديك هيبقى.....أحلى من ورد الخمايل
والنحاس هيكون زمرد ......أصله فرحان بيك يا عادل
ألف مبروك يا أستاذ عادل ومن نجاح لنجاح إن شاء الله

القدير عادل سند

الف الف الف مليون مبروك

مرة ثانيه

والحقيقه امبارح ثبت الموضوع بس

لكن مكنش فى صورة اعلان

وتم بحمد الله دلوقت

ويارب دائما ترقيات وافرح وسعاده

دمت بكل حب وخير

عماد عنانى عنانى كتب:: يعنى من بكرة النحاس.......يبقى دفتر للقصايد
راح نلاقى الشركة ندوة ....... شعر عادل فيها سايد
واللوايح فيها شعره....... والجٍِزا فيها بحوره
والموظف لو يحبه...... يحفظ الشعر وسطوره
عم عادل ..ألف مبروو .....والله تستاهل يا عادل
النحاس فى إيديك هيبقى.....أحلى من ورد الخمايل
والنحاس هيكون زمرد ......أصله فرحان بيك يا عادل
ألف مبروك يا أستاذ عادل ومن نجاح لنجاح إن شاء الله

النحاس ف إيديك ياصاحبى
يتقلب اجدعها ماس
انما ف ايديه لسّه
معدنه يعوز التماس

اشكرك يا عماد عنانى
ده مرورك علاّ شانى
والكلام من زين ورودك
كل ده يطلع عشانى !!

الشاعرة عزة الزرقانى كتب:: القدير عادل سند

الف الف الف مليون مبروك

مرة ثانيه

والحقيقه امبارح ثبت الموضوع بس

لكن مكنش فى صورة اعلان

وتم بحمد الله دلوقت

ويارب دائما ترقيات وافرح وسعاده

دمت بكل حب وخير

الاخت الغاليه
عزه الزرقانى
كل الشكر على ذوقك الرفيع وتهنئتك الغاليه
ايتها الاخت العزيزه
شكراّ جزيلاّ وتقبلى خالص تقديرى

ألف مبروك بابا عادل
تستاهلها من زمان
وأهى جاتك وأنت عادل
ف الميزان دايما تمام
لما بنشوفك تسلم
دوغرى نديك التمام
بالتحية والمودة
فعيننا الرجل الهمام

نيابة عن العزيز خالى طارق أرسل تهنئة بأسمة لشخصكم الكريم على المنصب الرائع الذى تستحقةألفففففففففف مبروككككككككككك Exclamation

واشكرك واشكرحضورك

ياللى بيزغللنا نورك

بس لو حا تغيبى تانى

تلتقينى امسك فى زورك

لجل ما تغيبيش عليّه

مش ها اغيب تانى خلاص

اصلى قدمت التماس

للجهاز علشان ما يفضل

ليل نهار شغال يا ناس

لاجل ما نبارك لدولا

اللى قلبه زى ماس

» هنئوا معي الاستاذ شريف العجوز
» حبيبة عادل / ردا على عادل سند..يالا نضحك
» هنئوا شاعر العروبة " عبد اللطيف غسري "
» لِـعـبـتـَهـا صَـح
» نخلة وقَناية وخروف ومِعزَة