هنئوا أخاكم ( عادل عوض سند )

بسم الله الرحمن الرحيم
" يرفع الله الذين آمنوا والذين أوتوا العلم درجات "
تهنئة حارة من القلب فقد تمت ترقية الشاعر المصري الكبير [ عادل عوض سند ] لدرجة مدير عام شركة النحاس المصرية
وهو يستحق هذه الدرجة وأكثر لما له من كفاءة وعلم نادرين
فلنجعل من هذه الصفحة ركنا للتهنئة الشعرية
فكل من لديه أبيات من الشعر للتهنئة فليقدمها للأستاذ ( المدير العام ) عادل عوض سند
رفعه الله إلى أعلى الدرجات وعقبال الوزارة
برجاء من اختنا الشاعرة (عزة الزرقاني) التثبيت في صورة إعلان
ونحن نقبل التهنئة من كل محبيه هنا واليوم عيد

والله قلبي كان حاسسها
انت تستاهل يا عادل
في الإدارة والشطارة
والمساجلة والقمارة
ربنا يوفق خطاك
بس خدنا ياد معاك
وان ما كان ينفع يا دولا
يبقى مشينا وراك

الف الف مليون مبروك يا استاذ عادل

تستحق كل تقدير وحب

ذاد الله فى وضعك فى أعلى المناصب

وأنت أهل لكل خير

والف شكر للقديرعبد الله جمعه

ملحوظه

تثبت بواسطتى

المدير العام ده صاحبي
حد راح يقدر عليا ؟
أصلي بتباهى بحبايبي
ربي باعتهم هدية

جوه قلبي أحلى زينة
أصل عادل من زمان
أغلى صاحب أحلى شاعر
راح نهيص في الميدان

النهارده أحلى يوم
والله راح أدبح خروف
راح نجدد في الهدوم
لاجل كل الناس تشوف

في المشاعر واد خطير
في الكلام هوه الأمير
في العمل أصبح ( جنابه )
ما احنا صاحبنا المدير

بكرة توصل للوزارة
وانت أحسن من يديرها
ياللي جربت الإمارة
انت والله جديرها

المدير العام معانا
يبقى نرمي الخوف ورانا
واما نتقابل في لجنة
الحكومة تنول رضانا

أستاذي / عادل سند

نهنئك أم نهنيء أنفسنا على منحك تلك الترقية

فــ سرورك يسعدنا ونجاحك يسمو بنا لأننا نتشرف بصداقتك لنا

جئتُ أحمل قلمي وقد ملأته مدادا من تبـْـر

وجثوتُ سعيدة بنبضٍ كــ طبلٍ يزف البشرى لكل ذاهب وآتٍ

وقمتُ أسطر لك كلماتي

وبحب ألقي عليك تحياتي

حب الصداقة والاخوة السوية

يا ذا السريرة النقية

والكلمات الندية

مبارك لك مع التحية

:
:

والشكر موصول للشاعر الأصيل / عبد الله جمعة

ليس بمستغرب فعلك فأنت أهل للرجولة والانسانية

وبادرة طيبة تجعلنا على تواصل دائم مع الجميع

ودعواتي لك بهدوء البال وسعادة دائمة

والأستاذ عادل سند يستحق التهنئة

وأنت تستحق حب الجميع

فوزية شاهين

الخبر م الكنترول
جاني من عند الحكومة
قلت أموت ميت عزول
واجري اهني وبنعومة

الأخ الشاعر الكبير/ عادل عوض سند

قول لى مــــــــين ح يزينها غـــــــــيرك ؟1

م الأســــــــا س

ياللـــى طـــــول عمــــرك بتــــــدى للعمـل

إخـــلاص ، حمــاس

عشــــــــت فيه عمــــــــر وزمـــــــــــــن

كنت ليـــــــــــــــه جرعــــــــــة وطـــــــن

وضـــمير ، ونـاس

ألـــــــــف مـــــــــيت مــــــــــبروك ياعادل

يا مـدير عـــــــــام النحـــــــــــاس

وداد الهـــــــــــــــــوارى

الشاعر والناقــــــــد .. والصديق الصدوق / أبو القوافى

الأستاذ / عبدالله جمعة

أشكــــــــــــرك يا ابو القوافــــــــــــــى

ياللــــــــى قلـبك بحـــــــر صـافــــــــــــى

إنت أجـمــــــــل ما ف زمـــــــــاننا ...

حــــــتى لــــو يســـــــــبح خــــــــــيالنا

خِـــــــــل زيـــــــــك .. جَـــد .. ما فى

وداد الهـــــــــــوارى

انتي يا وداد أغلى اخت
تعرفي ؟
لفيت حياتي لما دخت
واما وقفت عيني عندك
قلت اهي
البر بان
بين إيديها الأمان
الإخوة كلمة غالية
يستاهلها اللي صان

عشت عمري نفسي أصاحب
حد مخلص أهل واجب
والرجولة عنده طاغية
ربنا ادَّاني عادل

قلت أحمد لاجله ربي
قلت مش ممكن أخبي
أصله صاحبي
يعني أغلى من أخويا
ابن أمي وابن ابويا

أصل اخويا حبه كان مفروض عليا
ما اختاروش قلبي وضميري
آه بحبه
بس عادل
هوه ده اللي ارتاح له دمي
هوه عنده بشفي همي

مهما نضحك أو نساجل
هوه عندي أغلى راجل

طب ومين يا ناس قولوا لي
زي عادل في الرجولة
والشهامة والبطولة

حد زيه ؟
حد يقدر يضوي ضيُّه ؟
حد حامل هم أهله
زي عادل ؟
حد شايل كل هم الناس في قلبه ؟
حد بيلملم حبايبه
إلا ( دولا )

هوه حضن الناس في ضيقة
هوه صاحب ميت طريقة
هوه بس نلاقي عنده
م الرجولة اللي بحقيقة

نفسي يوم يبقى الرئيس
لاجل كل الناس تهيص
لاجل مصر تكون عروسة
هوه ليها أرجل عريس

أبو القوافي كتب:: والله قلبي كان حاسسها
انت تستاهل يا عادل
في الإدارة والشطارة
والمساجلة والقمارة
ربنا يوفق خطاك
بس خدنا ياد معاك
وان ما كان ينفع يا دولا
يبقى مشينا وراك

الف شكر ليك ياعبده
نفسى ارد وليك جمايلك
بكره دورك لما ييجى
تلتقى بالورد جايلك

عن قريب تمسك وزاره
واللقب حا يكون وزير
بس خايف لما تمشى
يكسروا ميت الف زير

ييييييييه نسيت
ههههههههههههه

الاخ العزيز عبده
والله انا شويّه وحا اعيّط
خلى بالك انا عيّل قوى
شكراّ يا حبيب قلبى على هذه المشاعر الطيبه

يعني خفة دم أهلك
جاية ماشية من وراك
مهما تعمل برضه عادل
في الرزالة مين سواك

بس برضه انت المدير
راح أسامحك يعني مرة
حتى لو هبقى الغفير
أو تكوني لي أحلى ضُرَّة

الشاعرة عزة الزرقانى كتب:: الف الف مليون مبروك يا استاذ عادل

تستحق كل تقدير وحب

ذاد الله فى وضعك فى أعلى المناصب

وأنت أهل لكل خير

والف شكر للقديرعبد الله جمعه

ملحوظه

تثبت بواسطتى

الاخت الشاعره الغاليه
عزه الزرقانى
كل الشكر على تهنئتك الغاليه
وشعورك النبيل الراقى
وربنا يديم المحبه والود بيننا
شكراّ ايتها الغاليه ...

عادل عوض سند كتب:: الاخ العزيز عبده
والله انا شويّه وحا اعيّط
خلى بالك انا عيّل قوى
شكراّ يا حبيب قلبى على هذه المشاعر الطيبه

لو بإيدي كنت أدبح جوز عجول
واللا ( ميت ناقة ) عشانك
لو تعيط هتلاقيني
عيني قبلك
لاجل اشاركك فرحتك
يا ( بيه ) زمانك

أبو القوافي كتب:: المدير العام ده صاحبي
حد راح يقدر عليا ؟
أصلي بتباهى بحبايبي
ربي باعتهم هدية

جوه قلبي أحلى زينة
أصل عادل من زمان
أغلى صاحب أحلى شاعر
راح نهيص في الميدان

{ المدير العام } اخوك
يعنى مش صاحب وبس
من زمان حسيت بقلبك
وانت قلبك بيّه حس

يالله نقفل كرسي عاطف
لاجل نفرح بيك يا دولا
يالله نقلبها عواطف
لاجل نشرب كوكاكولا
هههههههههههههههههههههه

المساجلة م النهارده
(هنُّوا عادل )
والكاكولا راح نوزعها
ف جرادل

أبو القوافي كتب:

عادل عوض سند كتب:: الاخ العزيز عبده
والله انا شويّه وحا اعيّط
خلى بالك انا عيّل قوى
شكراّ يا حبيب قلبى على هذه المشاعر الطيبه

لو بإيدي كنت أدبح جوز عجول
واللا ( ميت ناقة ) عشانك
لو تعيط هتلاقيني
عيني قبلك
لاجل اشاركك فرحتك
يا ( بيه ) زمانك

والله { ميت ناقه } شويه
عاللى زيّك يا صديقى
الزريبه لك هديه
والعجول حق وحقيقى

يعنى مش حا اعرف ارد على تهانى الناس ؟؟!!
اصبر شويّه لحد ما اجيلك
يا ابنى اقفل الحنفيه شويّه
خلينى ارد على الناس اللى جاملونى

عادل عوض سند كتب:

أبو القوافي كتب:: المدير العام ده صاحبي
حد راح يقدر عليا ؟
أصلي بتباهى بحبايبي
ربي باعتهم هدية

جوه قلبي أحلى زينة
أصل عادل من زمان
أغلى صاحب أحلى شاعر
راح نهيص في الميدان

{ المدير العام } اخوك
يعنى مش صاحب وبس
من زمان حسيت بقلبك
وانت قلبك بيّه حس

أيوة طبعا انت اخويا
والشرف بيزين جبيني
دا انت تسعد أي صاحب
يكفى قلبك محتويني

أي حد يصاحبه عادل
يبقى واحد م الكرام
واللي ما يصاحبك يا صاحبي
يبقى ندل وم اللئام

هههههههههههههههههههههههههه
حاضر
أصلي فرحان بيك يا دولا
خلاص أهو قفلت بق أمي
أهوووووووو أهووووووووو

أبو القوافي كتب:: النهارده أحلى يوم
والله راح أدبح خروف
راح نجدد في الهدوم
لاجل كل الناس تشوف

في المشاعر واد خطير
في الكلام هوه الأمير
في العمل أصبح ( جنابه )
ما احنا صاحبنا المدير

بكرة توصل للوزارة
وانت أحسن من يديرها
ياللي جربت الإمارة
انت والله جديرها

المدير العام معانا
يبقى نرمي الخوف ورانا
واما نتقابل في لجنة
الحكومة تنول رضانا

{ المدير العام } دى درجه
يعنى مش رتبة عميد
يعنى لو حا نخش لجنه
برضه إيدنا فى الحديد

ألف مبروك ياسعادة المدير العام وكل عام وأنت بخير ومزيدا من الترقي

» هنئوا معي الاستاذ شريف العجوز
» حبيبة عادل / ردا على عادل سند..يالا نضحك
» هنئوا شاعر العروبة " عبد اللطيف غسري "
» لِـعـبـتـَهـا صَـح
» نخلة وقَناية وخروف ومِعزَة