الحب مات

اقتباس :

ربنا يدوم المحبة
عمر ودى ما يستخبى
لك يا عبد الله يا غالي
هى صدفة إنى أشوفك
و أحضن الروعة ف حروفك
هيَّ أكبر فايدة إنى
لىَّ أخ ف يوم يعنِّي
ع اللى جاى و مستخبي
خفة الدم و ظرفك
يوم ما رُحت اسكندرية
و المقابلة و يا سامي
يوم ما كرمنا أخونا
الشهم عادل
يوم ما و قعت عزة بالكرسي
و قالت : يا جماعه أيه حصل لي ؟
آنا و العم طعيمة و يا عزة
الكراسى بينا نخِّت ْ
رغم إحراجنا ضحكنا
و الكسوف عدَّى مولّي
و لا ف المعمورة صورتك
و انا و أنت و الحكاوى
بعد ندوة ( أبو كبشه )
كنا أحلى صحبة فاكر
عمنا الفحام و عادل
و يا الانصارى الجميل
دىَّ أحلى ذكرى لينا
ربنا يجمعنا تانى
يا أبو قلب مالوش مثيل

من جمالك
لما هام الكرسي في أشجان دلالك
قام مسلِّم
رجله عِجْزِت إنها تشيل الحلاوة
والكراسي التانية غارت
لما شافت
كرسي عاطف
كرسي هيمان بالعواطف
كرسي عزة
سلِّم الرجلين بعِزَّة
أصله فوقه أحلى وزة
وابتدى
يتغاظ طعيمه
راح مملِّي الكرسي
قال له :
بعد وقعة عزة ديَّه
اوعى أشوف لك
انهارده تاني قومة
خارت الرجلين بحمله
كنت أنا قاعد قصادك
نفسي أكون الكرسي
لاجل أتهنَّا بيك
أحملك من فوق كتافي
وامَّا أقع
أنزل بحنية عشان
قلبي يلاغيك



كل سنة وانت طيب يا أحلى عطوفة فضحتنا وبينت للدنيا كلها إننا كنا جايبين كراسي سَكَّة الله يسامحك بس وربنا الكراسي كانت جديدة بس ما استحملتش الجمال اللي عليها .. طب اشمعنى كرسيك انت ومحمد طعيمة وعزة اللي وقعوا ؟ يا عم الكراسي كانت حاسة إنها شايلة فوق طاقتها طبعا من جمالكم مش من حاجة تانية
ههههههههههههههههههههههههههههههه
كل سنة وانت طيب يا جميل
تيجي نعمل موضوع الكراسي ده مناظرة ؟ وندخل فيها الواد عّدولة والبت الأمورة عزة ؟ دي هتبقى ليلة يا عمدة لو عجبتك الفكرة كمل واحنا وراك ونسمي الموضوع ( كرسي عاطف )

أخويا عاطف .
أخونا خالد فعلا كان عاوز ينبهنا إن فيه أعمال حلوة في منتدى القصة وأنا أخدت خرطوم المية ورحت أطفي الحريقة فلقيت نفسي أنا اللي ولعت من جمال الإبداع هناك ..
واحنا هنا شغالين حب في بعض وفعلا نادي القصة مولع
ههههههههههههه
ربنا يا رب يجعل منتداك مولع - قصدي - مليان بالإبداع على كل المستويات
ههههههههههههههه
شكرا يا خالد على تنبيهنا ونوعدك هنعمل حنفية حريق في منتدى القصة عشان الأمر ما يسلمش لحقناها النهارده ومين عارف بكرة هيحصل إيه

دا انت ناوي تولعها بجد بقى ... خلاص حط خيط ونمشي وراك ...