نار الحب

تانى يا قلبى نرجع زى زمان
تانى نفكر ونرجع إللى كان
تانى ننجرح من غير رحمة أو حنان
تانى نموت من الآه من غير أمان
ما زهقتش يا قلبى من السهر
ولا من رسايل على ضي القمر
وتحب وتعشق بعدها تلقى القدر
يا قلبى ما أنت حبيت قبلها
حبيتها ودللتها ونعمتها
كرات دمك كانت بتكتب اسمها
قصايد شعرك كلها عن جمالها ووصفها
كانت بالنسبة لك أميرة
وإنت المملكة
كانت هى الهدف البعيد
وإنت المبارز فى المعركة
وبعدها ضربتك بسهم كبير
غيرتك زى ما تكون للمملكة بواب أو غفير
فاكر ليالى الوحدة والعذاب
وقصايدنا عن جرح الأحباب
فاكر البكا وعدّ النجوم
فاكر لما جف الدمع من الهموم
عايز نرجع كل دا فى شريط موال
نحب وننجرح ونعمل من الدمع شلال
هكسرك لو قلت بحبها
هموتك لو قلت اسمها
سكة الحب ما أتعملتش ليا
لو مشيت فيها هدفع الدية
سبنا بعاد وخلى جراحنا منسية
دا الحب دا لوحده قضية

أستاذى ماهر حامد شكرا لك على مرورك الذى أسعدنى بشدة أتمنى منك متابعة مواضيعى وإرشادى

أستاذتى عزة الزرقانى شكرا لك على مرورك الغالى وأتمنى منك متابعة مواضيعى وإرشادى

أستاذى عادل عوض سند أشكرك على مرورك الذى أعتز به دمت بخير وحب وسعادة