الليلة عيد يا ست

الليلة عيد يا ست
و مين يغني لنا
في ليلة العيد غير أنتي
ويقول الليلة عيد

ولو سمعنا غيرك
ودانا تتعبنا
يا مدرسة وتلاميذك
مابين فاشل وبليد

باخاف أسمع جعير
وأنا اللي سمعت صوتك
يطرب غفير وأمير
ويصحي فينا العيد

نسمع صوت مطربين
ندعي نقول يا معين
عنا وعين السامعين
ببركة ليلة العيد

ونلقى عيدنا ضاع
والراس ركبها صداع
بعد سماعنا لأنطاع
بتغني الليلة عيد

عظمة على عظمتين
والفن ضل العين
ونسي طريق الودنين
من بعد عهد سعيد

مهما الزمان ولى
يفضل زمان المغنى
دايماً يسمعنا
صوتك في ليلة العيد

ثومة ياست الكل
صوتك علينا يطل
لما الهلال بيهل
وتغني الليلة عيد

دايماً عامر بحسك
آنستينا بأنسك
وشدوك وياهمسك
ياصوت ومعنى مفيد

واحلم بيوم في العيد
أكون راضي وسعيد
باسمع غيرك يجيد
ويغني الليلة عيد
.........................

الاخ الحبيب الشاعر
طارق منيب
كل سنه وانت والاسره الكريمه بخير
فعلاّ ما فيش غير الست تمتعنا وتشدو
لليلة العيد
بس دا لسه بدرى قوى على ليلة العيد يا عم طارق
لسه تسعه وتلاتين يوم . نسمع عبد المطلب وبعدين
الست . وبعدين انت نسيت الثلاثى المرح :
سبحة رمضان لولى ومرجان . ونسيت والله لسه بدرى
والله يا شهر الصيام ونسيت العنب العنب العنب .

أخي العزيز الأستاذ/ عادل عوض
السلام عليكم ورحمة الله وبركاته،
على فكرة أنا كاتبها من أسبوع تقريباً وكنت أنوي أن أنشرها في ليلة العيد، ولكن الأستاذة وداد الهواري شجعتني لما لقيتها نشرت حاجة للعيد، وذكرتني ياأستاذ/ عدولة بأعمال فنية جميلة تبلورت في قمتها في أغنية العنب.. وعلى رأي شكوكو
قال ياعنب عنبونا الحبايب واحنا ما عنبناش
قال يابرتقان برتقونا الحبايب واحنا مابرتقناش
قال ياتفاح طفحونا الحبايب واحنا ماطفحناش
قال يازبيب زنبئونا الحبايب واحنا مازنبئناش
شئ من العذاب
كل عام وأنت وأفراد أسرتك وأعضاء المنتدى بكل خير
أخوك
طارق منيب

[b]والله حلوه اوى انت على فكره جامد جآ
وياريت ماتغيبش علينا كتير محتاجين اشعار جميله زى دى
علشان نتعلم منكم
شكرآ ليك

القدير استاذ طارق منيب

كل سنه وانت طيب

وف أتم صحه واسعد حال

واكرر شكرى هنا ايضا

على ترجمتك لقصيدتى..معملتش حاجه تزعلك

وطبعا كل شويه اشوفها فى قسم الترجمه

تحياتى وتقديرى لروعتك[b] pirat

[center]وأنت طيبة
وأنا سعيد جداً إن الترجمة عجبتك
وأشكرك كثيراً على إعطائي الفرصة لترجمة هذا النص الراقي
أخوك
طارق

أخي العزيز/ سامح
أولاً: السلام عليكم ورحمة الله وبركاته
ثانياً: بلاش بكش.. مين حيتعلم من مين.. ده أنت أستاذ كبير جداً.. وياريت أكون تلميذ من تلاميذك الناجحين
ثالثأ: كل عام وأنت بألف خير
أخوك
طارق

الشاعر طارق منيب كتب :

ثومة يا ست الكل
صوتك علينا يطل
لما الهــلال بيهل
وتغنى الليلة عـيد

هذه الأبيات هى أكثر مافى القصيدة جمالاً وأصحها وزنا وأقربها إلى القلب

كل عام وأنت والأسرة والمسلمين بألف خير

الوحيدة التى كانت تشعرنا ببهجة العيد هى ( ثومة ) فعلاً

لكن بصراحة إنت وعادل سند كرهتونا فى الفاكهة أكتر

بعد ما كنا كرهناها للتلوث الكيمائى كرهناها للتلوث الغنائى

يعنى تلوث سمعى .

شكراً

وداد الهـــــــــــــوارى

الأستاذة الشاعرة/ وداد الهواري
السلام عليكم ورحمة الله وبركاته
وأنت بألف خير .. ورمضان كريم وعيد سعيد وعام سعيد علينا كلنا
ولكن بالنسبة للتلوث السمعي.. مش حيكون بسببنا إحنا..ولو بسببنا سامحينا إحنا زملاء في المنتدى ولكن فيه أسباب كثيرة غير الفاكهة للتلوث السمعي..على الأقل كلاكسات السيارات اللي تعتبر سمة من سماتنا.. خلاف دول العالم المتحضر اللي بيوصفونا بأننا نقود السيارة بيد.. ونضع أيدينا الأخرى على الكلاكس.. ده غير أسباب كتيرة منها فتوات المطربين.. وغيره وغيره.. ونظل محتاجين للفن الراقي اللي حيفضل موجود
ومعلهش عشان نصحح المسار أفتكري الموال بتاع شفيق جلال بتاع الفاكهة
سعيد بإن فيه مقطع عجبك وأوعدك خلال سنة إن شاء الله سأحاول أن أتلافى كل الأخطاء بالقراءة والإطلاع والخبرة اللي باكتسبها من أساتذة المنتدى وفي مقدمتهم أنت طبعاً
شكراً لمرورك ومرة أخرى كل عام وأنت بألف خير أنت وأفراد أسرتك وأعضاء المنتدى جميعاً
أخوك
طارق منيب

أنا فاكرة موال شفيق جلال بس إنتوا لخبطوه فكرهتونا ف الفاكهة أكتر

شفيق قال :

آل ياخوخ .. خانونا الحبايب وإحنا لم خوننا

آل ياعنب عابوا فينا الحبايب وإحنا لم عِبنا

وإلى آخر الموال

وأنا لم أقل إن المقطع ده بس اللى عجبنى لكنى قولت : أجمل مافى القصيدة

و أصحها ميزاناً .

كل عام وانتم بألف خير
وأدعو إليك كما تعودت أن أدعو لأخــــــى الدائم السفر

( يردك لبلادك وبيتك سالم .. غانم )

وداد الهـــــــــــــوارى

نورت الدنيا يقصيدة

الليله عيد ياست

عايزين شويه رمضنيات من عطر ابداعك

تحياتى وتقديرى ايها القدير[/b] Crying or Very sad

الشاعرة عزة الزرقانى كتب:: نورت الدنيا يقصيدة

الليله عيد ياست

عايزين شويه رمضنيات من عطر ابداعك

تحياتى وتقديرى ايها القدير[/b]

كل سنة وانت طيبة.. ودايماً منور بيكي المنتدى

وداد الهوارى كتب:: أنا فاكرة موال شفيق جلال بس إنتوا لخبطوه فكرهتونا ف الفاكهة أكتر

شفيق قال :

آل ياخوخ .. خانونا الحبايب وإحنا لم خوننا

آل ياعنب عابوا فينا الحبايب وإحنا لم عِبنا

وإلى آخر الموال

وأنا لم أقل إن المقطع ده بس اللى عجبنى لكنى قولت : أجمل مافى القصيدة

و أصحها ميزاناً .

كل عام وانتم بألف خير
وأدعو إليك كما تعودت أن أدعو لأخــــــى الدائم السفر

( يردك لبلادك وبيتك سالم .. غانم )

وداد الهـــــــــــــوارى

كل عام وأنت بالف خير.. وربنا يستجيب لدعائك وألاقي بديل مقنع يخليني استقر في مصر لأني فعلاً تعبت.. وكبرت
وبالنسبة لموال الفاكهة مش أحنا اللي لخبطناه .. ده عمنا شكوكو.. على فكرة أنا عندي جنون شكوكو وهو كان بيضحكني جداً خصوصاً لما يلخبط الأغاني

إخوتي الأعزاء
السلام عليكم ورحمة الله وبركاته
أولاً كل عام وأنتم بخير بمناسبة اقتراب عيد الفطر المبارك
ثانياً سأكون في مصر في الفترة من 17-30 سبتمبر لقضاء إجازة العيد
ويسعدني أن أتلقى مكالمتكم على أرقام
24313922
0103613972
00966503268571
كما يسعدني أن ألتقي بكم في ندوة إذا سمح الوقت
أعذروني إذا كنت مقل في المشاركة معكم بسبب ظروف الإجازة
أخوكم
طارق

سعيدة جدا يا خالى بظهورك الجميل نورتنا

شكراً ياروشة ياحبيبتي

الشاعر القدير / طارق منيب
الله عليك بجد ده قصايدك ملهاش حل
ومواضيعك جديده
وانا مع الاستاذ سامح ياريت تكتر من اعمالك الجميله الممتعه اللذيذه
اللى ببقى سعيده وانا بقراها
وبتعلم منها كمان
دمت بكل الخير

الله

أميرة البدرى كتب:: الشاعر القدير / طارق منيب
الله عليك بجد ده قصايدك ملهاش حل
ومواضيعك جديده
وانا مع الاستاذ سامح ياريت تكتر من اعمالك الجميله الممتعه اللذيذه
اللى ببقى سعيده وانا بقراها
وبتعلم منها كمان
دمت بكل الخير

شكراً كثيراً يا أستاذة/ أميرة
وسعدت كثيراً جداً بطلبك أن أكثر أعمالي
بس استحملوني
خالص مودتي وتقديري

محمد زكى كتب:: الله

الله عليك أنت

الشاعر الجميل / طارق منيب
بس كتر انت ولا يهمك ع قلبنا زى العسل
ياريت كل يوم من ده
وأحنا نطول

أميرة البدرى كتب:: الشاعر الجميل / طارق منيب
بس كتر انت ولا يهمك ع قلبنا زى العسل
ياريت كل يوم من ده
وأحنا نطول

خلاص ذنبك على جنبك

كل عام وأنتم بخير بمناسبة عيد الإضحى المبارك.. واستمتعوا بصوت الست أم كلثوم.. هل من منافس؟

أحبائي

السلام عليكم

كتبتها منذ عام ويمكنني الآن كتابتها بشك أفضل بعد أن استفدت بخبرة أساتذة المنتدى

ولكني أعدتها إلى الصفحة الأولى

عشان أقولكم

كل سنة وأنتم طيبين..

طارق منيب

اخى الحبيب الشاعر

طارق منيب

قصيده وكأنك كنبنها بالأمس القريب

نشكرك على إعادتها للصفحة الأولى

بمناسبة تلك الأيام المباركه .

كل عام وانت والاسرع بخير وسعاده ...

» الليلة الأخيرة....
» الليلة الكبيرة
» الليلة الاخيرة
» الليلة الثالثة بعد الألف
» من طقوس الليلة العيد