اصعب موقف فى حياتك ؟؟؟

ياريت كل عضو يدخل يكلمنا عن اصعب موقف اتعرض لية فى حياتة

ومازال فى ذاكرتك سواء موقف محزن او مؤالم او تعرض لظلم

منتظرين ردود الاعضاء

أصعب موقف يا سندريلا
ده ينفع مدخل قصيدة عامية
شكرا لك و بصراحة المواقف الصعبه كثيرة جدا
مثلا
كنت ذاهبا إلى فرح أحد الأقارب و بعد ركوبي السيارة و وجدت صديقا بها فتسامرنا حتى حان وقت دفع الأجرة للسائق فتطوعت بدفع الأجرة للسائق و بعد عزومات متبادلة بينى و بينه صممت على الدفع و مددت يدى فى جيبى فلم أجد مالا فقد سرقت عند ركوبي السيارة لأننى تذكرت بأن مجموعة من السيدات ركبن معى فى البداية ثم نزلن حالا بحجة عدم وجود مكان و كان يوم الخميس و المواصلات مزدحمة فما كان من صديقى سوى أن دفع لنا امام الركاب سلفني مالا أيضا للذهاب لهذا الفرح
فهذا موقف صعب تعرضت له من مواقف كثيرة جدا

انا بقى ياسندرلا الجمال والروعة

حاحكى لك موقف مؤثر

ومضحك فى نفس الوقت

كنا فى ندوة قريب جدا

يوم تكريم استاذ عادل سند وكان كمان

الاستاذ عاطف الجندى منور عندنا فى التكريم

وانا بقى لسه داخله سلمت على الزملاء

وسط حشد كبير جدا وقعدت على الكرسى

وكان من البلاستك الضعيف وانا مش ضعيفه و

وقعت حتت واقعه زرع بصل على الملأ

عيط كتير مع نفسى وضحكت كتير بعديها

وتخيلينى بقى وشوفى شكلى

وطبعا موقف لا احسد عليه[b]

موضوع: أصعب موقف الأحد أغسطس 16, 2009 8:46 am

الرائعة سندريللا

ليه بس تجددى اللى فات ؟

فكرتينى بموقف صعب حتى الأن أحتار فى تفسيره ولكن كل ما تذكرته

تنتابنى نوبة من الضحك غريبة المعنى لا أستطيع أن أفسرها

هل هى غضب ؟ سخرية ؟ شفقة ؟ إستغراب لا أدرى ولكنها على كل

حال لم تكن نوبة ضحك سعيد .

والقصة كالأتى

كنت مع إحدى المبدعا ت فى طريقى لأقدمها لتحصل على خدمة ما

من مسؤل ... وفى الطريق جلسنا نتناول القهوة نتكلم عن كتاباتنا

والشِعر وسنينه ... وذكرياته ..

وكانت تعرفنى وأعرفها جيداً وتعرف عنى ما كنت أقوله لها من أننى

كنت أكتب وأنا صغيرة ومن البدايات المواقف المسرحية والمقدمات لها

وأقوم أيضا بالتمثيل على مسرح الشبان المسلمين بالأسكندرية وحتى الأن

أحتفظ بهذه المسرحيات ومنها ( الأميرة سجاح ) للدكتور / أحمد الشرباصى

وتحدثنا عن هذا كثيراً .. فما كان منها مجرد أن قدمتها للمسئول إلا أن

رصت كل ما قولت لها للرجل على أنها كتبت للمسرح وكذا وكذا بالنص

ذهلت .. ولم أنطق .. وكيف أقول أننى أقدم كاذبة علىَّ .. أمامى !!!!!!!!!!

ولكننى مجرد الخروج من مكتب الرجل أصبت بحال من الضحك

ولم أتكلم حتى وصلت بيتى

وداد الهـــــــــــوارى

مواقف جميلة و الله
يا عزة كنت معاكى طبعا فى نفس الليلة
و حصل معى نفس ما حدث معك و أيضا حدث مع شاعر العامية الكبير محمد طعيمة أيضا
نفس ما حدث
و الثالثة معك و الثالثة تابتة زى المثل
بس بصراحة كان موقف محرج و مضحك فى نفس الوقت

*******************

الأخت الغالية وداد الهوارى
و الله موقف مضحك بالفعل و مستغرب انك سكتى أزاى
فى الموقف ده لأنه حقيقى غريب
لكن الدنيا فيها حاجات أغرب من الغرابة
خالص المودة
***
شوفتوا سندريلا بتخلينا نفضفض أزاى و تستدرجنا
لكن ده شىء لذيذ جدا

اصعب موقف حصللي اني فوجئت بوفاء خالي الله يرحمه
ويدخله فسيح جناته

اشكركم جميعا لمشاركتكم الرائعة سواء بمواف صعبة او خفيفة تحياتى لكم جميعا

الاستاذ الشاعر عاطف الجندى / موقف بالفعل صعب جدا ولكن صديقك انقذك من هذا الموقف لو مكنش موجود كان هيبق موقفك اصعب

الشاعرة الجميلة عزة الزرقانى / فعل موقف محرج وفى نفس الوقت مضحك متخيليكى فى الموقف دة اكيد زى السكر فى كل المواقف

الشاعرة الرقيقة وداد الهوارى / تحياتى لكى فعلا موقف غريب قوى وشخصية كمان غريبة أنا لو مكان كنت ذهولت وفى نفس الوقت ضحكت

الاستاذ اسامة العروسى / اكيد اصعب موقف فى حياتنا ودائما بتكون فى ذاكرتنا رحمه الله والدك ووالدى واموتنا المسلمين

تحياتى لكم جميعا ولكم منى اجمل باقة ورد لمروركم العطر

» موقف مخز ،،، كالعادة
» بخلق موقف
» بخلق موقف
» إعتذار واجب / وتوضيح موقف
» على اى موقف تسقط دمعتك وتبكى عليها