جدي العجوز

جدى العجوز. لما شافك
وانت قاعدة جنبى فى كرسى الترام
قال تمام ..
لكنى غيّرت الكلام
وبخبرة الشيخ اللى عارف كل شيء
قال يا ولد
مهرتك عايزة الفطام
مهرتك بعيون كواحل
والمكاحل
كحلها من ألف عام
ما حسش انه كحل إلا.
لما جوه عينيها نام
يا ولد. خليك إمام
وابتدى الدرس اللى جدك
علمولك باحترام
درس المودة
والمحبة
والامان
دى النسا جوه الصدور
زى قوارير العطور
كل ما تكشف غطاها
عطرها الطيب يبان
ترين تران .ترين تران
جرس الترام
دقدق ونادى الكمسرى
قطع الكلام ..

الاستاذ..القدير جابر سلطان

الله عليك يارسام الحروف

مش بس بسمع

لأ دانا كمان بشوف

رسمك وتصويرك

وغزلك الكلمات طبيعى

ودا المألوف من

رسام الحروف

تحياتى وتقديرى لروعتك

ما هذة الروائع فعلا أنا فى منتدى المبدعين أفكار جميلة بناءة صياغة محكمة موسيقى
slowرائعة كعزف الكمان
دمت لنا بأبداعاتك الجميلة

ياريت ترد علينا تعبرنا

ولاأنت غاوى تسهرنا

نكلمك وتحيرنا

حرام عليك محناش قدك

ولامدنا ح يطول مدك

تعاللنا واعمل مافبدك

عشقنا نارك أو بردك

تلميذة أنا بطلب ودك

قدرنا بقى حبه ب ردك[b]

البساطة في الطرح التمكن من الايقاع القافية المحكمة والحكمة التي تختزل التجارب جابر سلطان هو سلطان بالفعل في تلقائيته وتدفقه وعمق ما يطرحه على بساطته

[b]
جامده جدا