لقاء مع القدير عادل عوض سند

الاخت الفاضله
بنت النيل
سعيد جداّ بحضورك الثانى على المنصه
وانا على كرسى الاعتراف
ياللا ربنا يسامحها اللى سمرتنى عليه
*********
من اطلق عليه لقب جراح الحرف هو صديقى الحبيب / عبد الله جمعه
وتوجد القاب اخرى اطلقوها عليه مثل الشاعر الثائر .. البركان .. صاحب الدبابيس .
اما لمن قرأت من الشعراء القدامى :
اول شاعر قرأت له هو بيرم التونسى ثم قرأت لنزار قبانى وفاروق جويده وفؤاد حداد والابنودى وآخرين .
واجابة سؤالك الاخير :
انا يا استاذه ايمان ما زلت احبو على اول درجات سلم الشعراء وما زلت اتعلم من كبارهم ومن صغارهم
ايضاّ وتوجد بالاسكندريه اعداد هائله يكتبون اعظم منى ونجمهم اسطع ووجودهم اروع .
وكلنا نتأثر ببعض وانا لم اصل بعد لدرجة وجود شعراء يخلفوننى .
لسه بدرى يا استاذه ايمان .
لا يسعنى الآن إلا ان اشكرك على تواجدك المنير لصفحتى المتواضعه . ولوضعى فى هذا المزنق .
وكــــــــــــل واحـــــــــــــــــد مـــــــــــــنه لله ...

الاخت الشقيقه الشاعره
وداد الهوارى
نورتى المنصه وزانت بحضورك المنتظر
*******
والله يا استاذه وداد انا كنت فى غاية الوداعه واطاعة الوالدين وكنت اخاف من والدى رحمة الله عليه ليس من عقابه
ولكن من تأنيبه لى . وكنت اكره من فى سنى من لا يطيع والديه
***********.
اما موضوع الهروب من المدرسه . اقسم بالله ما فعلتها فى حياتى إلا مرتان حيث المدرسه كانت ملاصقه لشاطيء
البحر فكنا نقفز من سور المدرسه للعوم والمنافسه فى السباحه ثم نعود الى المدرسه من نفس مكان خروجنا .
***********
اما نوع الصدمه ما اظنش صادفنى هذا الامر . حيث كنت فى بداياتى متأثراّ ببيرم التونسى وكنت اكتب القصيده
الساخره الباسمه اسوة بما يكتب استاذنا بيرم .
***********
موضوع الطناس مع آيات القرآن الكريم ان لم يستخدم فى موضعه وبحرفيه فلا داعى لاستخدامه . هذا مع عدم المساس بالآيات ووضعها كما هى . وكذلك الاحداث على ان تتوافق واحداث القصيده .
رغم انى قرأت اكثر من نص به هذا الطناس ولكن فى غير موضعه فيقع صاحبه فى المحظور .
***********
النقاد يا سيدتى ما اكثرهم . ولكن هل تعتقدين ان معظمهم لهم فى النقد ؟
ان الناقد اليوم ان مدحك وصعد بك وبنصوصك عنان السماء فغداّ يصب عليك لعناته { حسب المزاج وليس المبدأ }
***********
الشلليه هى اولى اسباب ضعف الساحه الادبيه وهى السبب الرئيسى فى ضياع الحق من مستحقيه . وفى صعود
ضعاف النفوس فوق اكتاف غيرهم من المبدعين . يعنى ببساطه هم { فيروس } الساحه . وا اكثرهم .
***********
اما موضوع تعرية القصيده واستخدام مفردات إباحيه فهذا ما يسمى { شاعر عديم الادب } وهذا ناتج من نقص
فى شخصية الكاتب . او محاوله لكى تتحدث عنه الناس ولو بالسوء . مرض بعيد عنك . ربنا يكفينا الشر .
وهذا الكاتب يضع كل تركيزه فى احداث ما يسمونه بالفرقعه حتى ولو على حساب سمعته .ثم يسقط فنياّ وادبياّ
انا سعيد جداّ بتواجدك الرائع . وشرفتى صفحتى المتواضعه وارجو ان ترضيكى اجاباتى ...

الشاعره الرقيقه
حنان ابراهيم
لى كثير الشرف حضورك البهى على منصة الحكم
وانا على كرسى الاعتراف
*********
اجابة السؤال الاول :
لصوص الكلمه لهم تواجد مكثف على الساحه هذه الايام . فمنهم وبكل وقاحه يسرق شطره
ومنهم من يسرق نصاّ كاملاّ ومنهم من يسرق ديواناّ والامثله كثيره ولا داعى لذكر الاسماء .
وهى ليس هوايه بالطبع انما هو شيء فى داخل نفس هذا او هذه السارقه ظناّ منه او منها
انها بذلك قد تنافس بهذه السرقه وهى لا تدرى انها بذلك تفحت قبرها بيديها .
*********
اجابة السؤال الثانى وهو ايه رأيك فى الحب من الناحيه الانسانيه والشاعريه ؟
الحب هو اجمل عاطفه خلقت ولولاه لكانت الدنيا غابه . وهذا الشعور الرائع يترجم من قبل الشاعر
فى ابيات لتخرج القصيده العاطفيه محمله بعبق هذه العاطفه .
*********
السؤال الثالث وهو من الانسانه التى حركت مشاعرى وهل كانت تستحق هذا الحب ؟
واجابة هذا السؤال صعب جداّ يا حنان . اما من جهة تستحق فهى فعلاّ تستحق .
وطبعاّ الحب موجود وما زال موجود وسيظل الى ما شاء الله موجود .
*********
السؤال الرابع . ليه الايام دى يفتقر الناس الى الحب ؟
السؤال ده جوابه عند السيده ام كلثوم واغنية { اسأل روحك } .
*********
السؤال الاخير . ايه سبب موت هذا الحب بعد العشق ؟
اقول بعيد عنك فراغة عين
وعلى فكره لو اردتى معرفة السبب الاكبر انظرى الى عدد النزلاء بالسجون ومستشفيات ومصحات
الامراض العقليه سوف تعرفى جيداّ ما هو سبب موت الحب .
شرفت بتواجدك وسعدت كثيراّ . اسعدك الله ...

والله وانا بحبك كمان وانت عارف بس اللى حازز فى نفسى انا كمان ومزعلنى قوى وخلانى
ماانامش ليلة تكريمى ان علبة الهريسه ادمّرت بحالها ومن خيبتى قال كنت فاتح العلبتين .
عقبال ما نكرمك يارب وان شاء الله عن قريب .{ حار ونار الهريسه }

حبيب قلبى
طروقه
والله انا على ثقه انك تقدر تناكف الاهلاويه والزملكاويه
دا انت بتناكفنى انا ! يبقى مش حتقدر عليهم
بس تصدق احلى مناكفه .. لأ . ما هو برضه انا غتت
واقدر اغتت على قبيله بزعيمها .
يعنى مش حتاكل معايا . فاهم يا طروقه ؟؟؟؟

الاستاذه الفاضله
بنت النيل
{ دائماّ ما يحوم الجانى حول ضحيته }
مش ايه اللى فكرنى بالمقوله دى
ايوه يا ست الكل :
*********
اكلاتى المفضله من { الخضار } احب الرنجه قوى بسلطاتها
ومن { الاسماك } القلقاس والسبانخ والملوخيه وخصوصاّ لو على بط . يا سلاااااااااااام .
وطبعاّ بندخل المطبخ دى هوايه عندى . دا انا عليه طبق بيض ما تقوليش بقى .
لأ وكمان اعرف اعمل شاى .
اما كيف اكتب القصيده .
صدقينى لو قلت لك لو فى فرح وجاتلى الفكره اكتب .انما احب دائماّ النصف الاخير
من الليل فى الكتابه حيث السكون والهدوء .
شرفت بحضورك مرة اخرى .مع خالص تحياتى وتقديرى ...

اللى يعمل بيضتين النهارده يبقى طباخ ماهر ؟!
ما شى . وانا فى شهر رمضان ما بعملش غير السلطه فقط .
**********
اجمل قصيده محببه الى قلبى هى قصيدة { جوه القطر }
واحب جزء لى فى هذه القصيده المقطع الاخير والذى يقول :
والنبى تجاوبى يا شابّه
الحلاوه اللى انتى فيها
هيّه جاتلك حبه حبه
ولاّ يعنى نزلتى بيها ؟
الجواب ما اخدتش ياما
بس قايلاه وبقيامه
يوم ما حملت فيّه ماما
بابا كان واكل مربه ...

فين عم حامد ؟
ايوه .جنبه فيه بيت
اهو ده بيت بنت خالتى .

والمصحف عامل حسابى
ومحضر شوال طوب قوالب
واللى حييجى جانبى !!
هوه حر بقى ..

عادل عوض سند
الله !! ما انا قلت قبل كده فى اول
سؤال عن بطاقتى الشخصيه مين هوه عادل عوض
ولاّ انتى عايزه عادل عوض التانى ؟؟؟؟

والله انا رايى فى نفسى مش عاجبنى
بعمل حاجات ياما وارجع اندم
واصاحب بقلبى واتخدع ومش بتعلم من غلطاتى
مش عارف اتخلص من حاجات اتربيت عليها
ولكن للاسف لا تصلح لهذه الايام ولا لهذا الزمن
وعشان كده لازم احاول افصل بين عادل وعادل
ولو قتلت واحد فيهم . ياللا فى داهيه واحد .