لقاء مع القدير عادل عوض سند

الحبيب / خالد نور
والله مستنى سيادتك ومحضر الشيزلونج
ومحضر قزازه اتنين لترعرقسوس وشارى اربع
سجاير فرط وقافل الموبايل .
فيه ايه تانى ؟
بكره تقعد مكانى وحاقطع نفسك ...

الاستاذه سندريللا
سعدت فعلاّ بهذا اللقاء الممتع مع اخوه مبدعين
وامضينا سويعات جميله مع صحبه من اروع من
فى المنتدى
كل الشكر مع خالص تقديرى ...

وردانى اخويا قلبلى بكلمته الاوضاع
وعادلى قلبى سليم ينبض بدون اوجاع
نصايحه فعلاّ علاج لقلب هش هزيل
بعد الكلام ده صحيح يبقى عبيط لو ضاع

مين اللى قالّك بقى قطّعت انا السمكه ؟
مين اللى قالّك كمان بهدلت انا ديلها ؟
يا عمنا ما تقول . دا انا عمرى اناديلها
لاعمرها ردت ولا جت فى مره تزور
ولا عمرها فكرت تشعل قناديلها

قلبى الكبير بصحيح ما فيهوش ولا سنتى
فاضى عشان مليان همى مع حيرتى
ولسه بكره كمان لما اللى ساكنه يقول
زهقت انا منّكم . وزهقت من جيرتى

ورودك المُهداه .. باعتها ليه حمرا ؟
عايز ورود اللون يشبه تمام جمره
لون قلبى اللى عِداه حاسدينه من لونه
لما لقوا جوّاه نايمه وفيه { سمره }

يا منه انا فى غاية السعاده والله لهذا المرور المشرف
واتمنى ان اكون قد اضحكتك وأسعدتك ..
وطبعاّ لازم اكزن اول المستقبلين لك عند الحضور
للاسكندريه . تنورى وتشرفى يامنه .
كل الشكر والتقدير لمرورك الذى اسعدنى ..

والله يامحمد انا عن نفسى بعشقها مش بحبها وبس
لكن هيه !! مش عارف
ياريت تسألها وتقولى لى قالت إيه ؟؟؟

الاخ الحبيب
ضياء الدين
اهلاّ بك على منصة الحكم وانا على كرسى الإعتراف
اجابة سؤالك الاول والثانى :
احياناّ كثيره الإختلاف يولّد الجديد فى الفكر ويثمر لو ان الموضوع يستحق والطرف الآخر على قدر الحديث . ولابد وان يخرج طرف من الاثنين كاسب دون ان يخسر احد الاطراف الآخر .
واجابة سؤالك الثالث :
منتدى عاطف الجندى نافذه واسعه وكبيره تطل منها على حديقه كبيره تضم نخبه من نجوم كانت بعيده كل البعد عن العين والقلب . وقد سمحت لنا تلك النافذه بالتعرف على تلك الكوكبه الرائعه من شعراء وشاعرات شرفت بمعرفتهم عن قرب وهذا هو منتدى عاطف الجندى .