لحظات الموت

لحظات الموت
ف الضلمه
وسحابه الخوف
المتخبى تحتيها هلال
بيفك الاسر شعاع
م النور
والسكه تبان
والقانى واقف
ف الضلمه
مستنى نهار
يتسرسب منى
حصان الحلم
ويسلم للريح
رجليه
وفلحظه
يطير
كما ورقه توت
ف ليل امشير
ويغيب النور
وف لحظه شوف
بلمح فعنيه
نظرات العند
ويفوتنى ويجرى
ويفك الاسر
شعاع تانى
والقانى واقف
قدامى
وبمد ايديا وبخنقنى
ويروح النور
والقانى بموت
والسر بيطلع من
غير صوت
ويغيب النور
والحلم يتوه
وملوهش مكان
وفلحظه ضعف
القانى بصد
اضربنى
اتألم
والف وارد
وامسك ف خناقى
وامد اديا ف قلب ضلوعى
واقتلنى
وبضافر شرى
المتخبى
ف عنين ابليس
القانى بشرح قلبى
الواقف قدامى
والدم يطرطش
على وشى
ويلون ليلى
بلون الرعب
والدم يسيل
فيضان او سيل
راح تفرق ايه؟
ما خلاص
انا مت
وابص لنفسى فلحظه شوق
القانى كسبت !
والغيمه تروح
ويعود النور
القانى قتلت
النقطه البيضا
كان عيل جوايا
بيلعب
وصبح همدان
كان نفسى اهز
ف نفسى واقوم
لكن ما خلاص
ما صبحت عجوز
والعيل مات
ماتجوزش عليه
غير الفاتحه
مع بلحه
وقرصين احسان