خد لحظات الحب معاك

خد جواباتك

خد اوقاتك

خد لحظات الحب معاك

ما تفكرش انا هستناك

ولا ف لحظه انا اجرى وراك

ولا أبقالك مره دواك

ده انت الماضى الحلو نسيتوه

حتى كتاب الحب طويته

ده انت الضى فى عينى طفيته

ما تفكرش انا هاستناك

خد لحظات الحب معاك

خد اللهفه لما تغيب وانا بستناك

خد الشوق لكن فوق انا مش وياك

لملم كله فى شنطة ايدك

يوم ما بكيتلك كان يوم عيدك

حتى يا قاسى مامديت ايدك

تمسح دمعة عينى هناك

ما تفكرش انا هاستناك

خد لحظات الحب معاك

بس استنى سيبنى اشوفك

سيبنى اتمتع لحظه بخوفك

ايوه استنى

سيبنى الومك

وازود حملك وهمومك

اوعى تسلم او تتكلم

لا انا هسمع لك

ولا هلمس بالصدفه ايديك

اوعى تسيبلى معايا الذكرى

هنساك بكره

حتى الفكره خدها معاك

اوعى تسيبلى رنة صوتك

ولا سكوتك

ولا اللهفه

ولا غيابك

اوعى تسيبلى خوفى عليك

الله يخليك

لملم كله فى شنطة ايدك

قلبى خلاص مبقاش بيريدك

ولا حتى بيشتاق مواعيدك

بس استنى

خد جواباتك

خد لحظات الحب معاك

برحتك خالص

لوم على كيفك

لسه فاكرنى

ح أموت على طيفك

كنت الأول

تجرى ورايه

تتنسم لعبير غنوايه

كنت بهمك

كنت تموت لو جات قشايه

وطرفت عينى

كنت فاكرنى

بس خلاص

أصبحت ناسينى

طمن قلبك

انا رفضاك

وخلاص أنسى

تشوفك عينى

الاخ الحبيب الشاعر السكندرى الجميل

والجار الحميم

يسرى عثمان

اولاّ يتم تنسيق النص

ويثبت . ولى عوده إن شاء الله

لنتحدث عن رائعتك ..

الاستاذ يسرى عثمان

غنائيه رائعه ومعانى جميله

لها رنين خاص اثناء قرأتها

سلمت يداك

تقبل مرورى وتقديرى

الله الله

الموسيقى أكثر من رائعه

الكلمات فى منتهى الرقه والعذوبه

والإحساس فى منتهى الصدق

نص أعجبنى كثيرا

أشكرك على هذا الإمتاع

وأنتظرك فى ما هو قادم

تحياتى

حتى الفكره خدها معاك

اوعى تسيبلى رنة صوتك

ولا سكوتك

ولا اللهفه

ولا غيابك

اوعى تسيبلى خوفى عليك

الله يخليك

لملم كله فى شنطة ايدك

قلبى خلاص مبقاش بيريدك

ولا حتى بيشتاق مواعيدك

بس استنى

خد جواباتك

خد لحظات الحب معاك

***
رغم القسوه الشديده في كلامك الا ان روح الكاتب مازالت تعشق معذبها

زي مالقط بيحب خناقه

تحياتي لك

اناباقعد ادور عاالحروف واحتار يامة
نفسى اعرف كل واحد علو مقام
او اشكر كل حدلواحدة لكن اشكر
بهارات المنتدى
واشكر صاجب الدكان الى حابيعهولة
واشكر اميرة الامرا
واشكر الشاعر الى مش ساهل والى راية موءثر جدا زى كتابتة

معلش رجعت متأخر ..

الاخ الحبيب الشاعر

يسرى عثمان

اولاّ تلك الغنائيه الجميله سمعتها من قبل

وعرفت رأيى فيها .. وازيد واقول :

انت هنا تفوقت على نقسك وتحديت ذاتك

لتقف فى مصاف شعراء الأغنيه .

فقد اجدت الحكى وامسكت بالتفعبله فسبحت بنا

على البحر المتدارك من اول النص حتى وصلت بنا

بر الأمان . احييك واشد على يدك .

تحيتى ومودتى ...

» واحلم معاك
» معاك
» بأسم الحب والامل كلماتى والقائى حنين الحب
» باسم الحب والامل كلماتى والقائى حنين الحب
» تعبت معاك