لحظات

حبك في قلبي اتولد
حبيته..
حسيته..
وعشت انا بيه
كبر وخدني في دنيته
من غير ما حتي اقوله ليه
فجأه لقيته بيترسم قدام عينيا
وكل عمري اعيشه بيه
عشتك انت ..مش سنيني
شفتك بحبك..مش بعيني
حسيت بقلبك.. مش حنيني
حتي عقلي كان معاك..مارضيش يجيني
ولو في يوم خدني الزمان
او تهت فيه
كنت بارجع لما صوتك بيناديني
ولو في يوم منه اتجرحت
لمسه ايديك..
هي بس بتداويني
نظره واحده من عينيك
كانت حوار بينك وبيني
علي قد حبي ما كان كبير
واحساسي قد ايه كان بيك جميل
جرحك كمان كان شديد في قسوته
جرحك نزف من قلبي كل محبته
قلبي نزف كل حبه واللي فات
فجأه اتمحت من عيني اجمل ذكريات
حتي صوتك
اللي كان من توهتي بيناديني
ضاع صداه
وسط صوت كل الاهات
و نني عينك
اللي كان من نظره
واحده بيحتويني
ضعت منه زي
ما ضاعت سنيني
لمسه يديك
بقت ألم
بعد ماكانت هي بتداويني
اللي اتزرع
في سنين كتيره انا عيشتها
راح في لحظه
وزي ما فــ لحظه زرعت ف قلبي محبتك
في ثانيه برضه اخدتها مني قسوتك

استاذي الراقي الشاعر الكبي م/ عطيه شواش
شكري واحترامي لمرورك الراقي ونصائحك الغاليه

دمت بود من الرحمن وامنه

اشكرك استاذي الراقي علي حسن تواجدك
وملاحظاتك القيمه
دمت بود من الرحمن وامنه

جميل ماكتبتي وكل ما تكتبين

داخلك المزيد اكيد من الجمال

فلا تتوقفي عن الكتابة

الى مزيد من الرقي والاجادة

دام الابداع

اديبه صحيح معانى ومواقف واحاسيس ابداع اديبه تسلمى