مساجلة عن الكُره هل من مشترك ؟

كرهيت الظلم من يومى ليوم الدين

كرهيت الظلم للظلمين

كرهيت العهد للخينين

كرهيت الحقد للحقدين

أنا خايف ليجى يوم نكون عيشين ومش

أنا كاره أصاحب خل موش صافى و لا موافى شطوط القلبْ
بيضحك لما بيشوفنى و من ورا ضهرى يطعنى ف سلم و حربْ
بحاول أقدم الوردة و أزرع له جناين حب .... يقطفها
و يغتابني ، و أمّا أعدل جناب أهله يقوم رايح لديل الكلبْ !
****

أنا كاره معالم غل لبس حافي وأنا لحافي يدوب الصبر

بيغضب لما يلقاني وزي ما جري وخدني يحضني بفكر وغدر

وأجاهد أفوت الفرصة وأفتح معاه صفحة وبرضه يرفضها

ويكرهني ولما يزيد كرهه يتوه مني وأنسي فيه دليل الفقر

باكره قوى الظلم والظالم والقوى واللى علينا بيفترى

قاهر الضعيف واكل الرغيف ما مخلى ناشف ولا طرى

باكره كمان..........................طولت اللسان

جاهل ويعمل ............بحترى ولا الاديب الغتورى

[b]

و انا عمرى ما كان الكُرْه يعرف لى طـــــــريق جُرَّه
لأنى باحب و التانى ما جربتوشــــــــــــــــــى بالمره
باحب عشان انام مرتاح و اغمَّض عينى دُغرى انعس
باحب عشــــان مَليت قـُلـَّه و عمرى ما حاكسر الجَرَّه

الكره شي موجود
و لو قلنا موش موجود
رب العباد خلى قلوب الناس
تحب و ممكن تروح لبرود
العاطفه ممكن تتحول
من حب لكره ميزول

و باكره نفسى لما ألقى عينيك ِ السودة بتلمنى .. مقصر ليه ؟
و أخجل أنى أتعذر بمليون حجة بتفسر جرى لى أيه
و أبوس أيدك و الاقى دموعى سابقانى و منعانى من التفكير
سوى أنك قصيدة يومي من يومى و للعاشق كلام ف عينيه !
****
Razz

أنا باكره ناس تسيب الصلاه وبتلعب طاولة عـ القهوة
وفي رمضان فاطرين .....في غفلة.... نسيتهم الآخرة
وسب الدين أسهل عندهم من ذكر الله والنفوس ساخرة
كأن الدنيا هي حياتهم ....... وإن خلاص مفيش آخرة

أنا باكره يوم ماسافرت وسيبت مصر بلدي
وبقيت غريب ياناس والغربة صبغت دمي
وفي بلدي حتى ...........لما بارجع حبة
باحس بالغربة ...........كأنها مش بلدي

أنا باكره الغرور.. وكل المغرورين
وباكره كل حاقد.. غاوي يضرب أسافين
وباكره الغيرة اليي تقتل صاحبها
وباكره الكره اللي بين خصمين أو أخين

انا بقا بكرة اى انسان مش بيحب مصر
وبكرة اى انسان يشتم القيادة المصرية ذو التاريخ العظيم
وبكرة اى حد يشك فى الوطنية المصرية للجميع
وبكرة اى ظالم يستمر فى ظلمة
وبكرة الوشوش ال مليانة حقد للناس

أنا بكره جشع ماشى ما بين الناس
يخلي لهم تراب غيرهم دهب أو ماس
فيسرق ده و يقتل ده و يوم الآخره
ناكرينه و فاكرينه مالهش أساسْ !

برغم انى لا عمرى كرهت شــــىء أبداً
و لا دوَّرت غير فى الأصــــل و المعدن
لكن ما اقدرش احب الخوف و لا القسوه
و لا النوم لما نسمع صــــوت أدان يـِدَّن

الكره فيرس لعين داير مابين الناس
لكن علاجه الوحيد فى الحب والاخلاص
وف ضوء كتاب الله تلقى العقيدة الحب
وف دعوة الانبيا الحب عاش نبـــراس

( محمود عبد الحليم )

انا كرهه اشوف الحقد فى عيون البشر
وكمان كتير الكدب اللى ما بنا انتشار
وكسر القلوب ودمع عين بتتعصر
ظلم شايفه فى وش ام من حزنها
على ولدها قلبها انحصر وانا بكرهه

لأن الشعر موش فسحة و تنهيدة وتسبيله و كلام باللين
و موش نكته تفرحنا و لا مخدر ينسينا جراح و أنين
بلاقى الشعرا موش بمبى .. ملايكه لأ، و موش ذنبى أنهم فاكرين
بنغضب آه و بنسامح لكن هما بشر برضو و لهم تفانين

مجرد تواصل لأنى لست بشاعرة ولكن تقديراللرجل الخلوق صاحب المنتدى اردت المشاركة
بكره كلاب السكك .. واللعب ع الحبلين
واكره شـوية بشـر .. ف الغدر منقوعين
قلب الحقايق سمة .. والرقاصات بتسوق
والنخاسين أصبحوا.. زى الجراد ف السوق
ارقص يا عود الشجر.. راسك تملى لفوق
مع إن نفس الاساس .. م الأرض ميّة وطين
لكن كرم ربنا .. إنك بدون عصيان
وهما من جهلهم .. إتسموا بنى أدمين

با كره قوى................................راجل

يطلع بدور.................................. واحده

كاره وحاقد......................................قوى

وقاعد لى.ع....................................الواحده[b]

وبكره .. اللى كان جاهل ويتفلسف ويتنطط
واهو بيطلق علينا لسانه وبيأذى وبيخطط
وفاكر انه اذكى الناس وكل الناس بقى هبله
وهوه ف عينى ما يزيدشى عن القرد اللى متربّط

انا بكرهه صديقى يكون بيضحك لى
ومن ورا ضهرى يطعنى
بخنجر سنه كان مسموم
ومهما تروح تعاتب فيه
لينفع معها عتاب ولا لوم
وبكرهه ناكر جميل مذموم
ما حق الحق عمره فى يوم
وبكرهه صوت مهوش طالع
فى قلب غيوم
لا قادر يصرخ الحقنى انا المظلوم
ولا قادر ما ينطق لسانه بدعوة المحروم
وانا بكرهه

انا باكره الكره اللى فرق مابين لصحاب

بياعهم عشرة عمرهم عشان كلام كداب

ضيعو الود ف ثوانى ورموه كمان ف تراب

نسيوا المعانى الجميله ولمة........الاحباب

باكره أشوف الشتا بيطل ف عينيك ِ
و الحزن راسم قسوته دمعة لياليك ِ
و احب أشوفك ندى بيطل ع الدنيا
يسقى ربوعك هَنَا، يخْضِّر شوق فيك ِ

أنا بكره أسلم نفسى يوم للكرة
عشان ميكنش بكره الجى لية مرة
ف ندمى ع اللى فات منى وع الحاصل
تروح أيامى حلاوتها تكون مره

أنا أمبارح وأنا بكره وأكره لية
لكان الكره يوم ليه ولايوم لية
وأية هجنية غير الخيبة قى وسط العمر
أعيش مشعايشة أيامى وداه كان لية

عشان الدنيا مليانه قلوب بالفرحة جوانا
عشان حبى مرسايا بيملى أرضها سماها
لايمكن يوم أفكر فية يقيدنى بكوم الهم
عشان ربى وصانى ع السماحة أكون رايا

» عيد ميلاد مشترك
» مساجلة شعرية فهل من دخول ؟
» هيا نقول الشعر"مساجلة بالفصيح "
» مساجلة عن شهر رمضان الكريم
» نص مشترك مع الشاعرة هبة القدومي يجمع بين العامية والنثر