فيه حاجه

عزة الزرقاني
جميل شعرك وجميل أداؤك
كلمات معبرة عن واقع نعيشه
لك كل التقدير

شكرا على تعليقك الجميل
يااستاذ عادل وبجد بجد بتعلم منك عزة الزرقانى

استاذ خلف سعدت جدا بكلامك وتعليقك اشكرك عزة الزرقانى

الاستاذ طارق منيب اشكرك على تعليقك وعلى تحفظك وعلى ذوقك
عزة الزرقانى

كل الحكاية أن قصيدتك جميلة يا أستاذه عزه
جميلة جدا

الشاعرة عزة الزرقانى كتب:

فيه حاجه

فيه حاجه محتاجه لإجابه
عليه رود وليك صواب
الحب ليه أصبح سراب
والضحكه فارقت وشنا
من همنا
أو لفنا
على لقمة العيش ولنما
ولا الشيطان لابد وعايش
وسطنا
وبحرفنا
قدر يقسى قلبنا على بعضنا
نفسى ف جواب
يكون فيه حل المشكله
اللى ف حياتنا مشكله
شكوى القلوب الحائره
جاوبنى جاوب لو سمحت
اعدل لى وشك بص لى
وامانه ما تبصش
لتحت
ماهو لو ما كانش
احنا وإنت
نحلها
نعرف حقيقة أصلها
من فصلها
بينى وبينك
مين حايبنى مجدها
ح نجيب وسيط
يخرب ويقعد
فوق حدودها وتلها
فيه حاجه محتاجه لإجابه
عليه رود وليك صواب
الحب ليه اصبح سراب
والضحكه فارقت وشنا
عزة الزرقانى

*******************************

الشاعرة الرقيقة والمبدعه الموهوبه عزة الزرقانى
النص فى غاية الجمال والروعه والبساطه .. وقد سبحت عبر سطوره
البيسيطه فى تركيبتها اللفظية العميقه فى مبناها ومغزاها ..
نص رائع لشاعرة استطاعت أن تأخذنى منى وتمنيت لو اقرأ لها الكثير ..
أهمس لك ..
( ارجو الدقة فى كتابة اللغة العامة حتى لايجهد القارىء نفسه فى قراءتك )
محمود عبد الحليم

قصيدة وطنية رائعة لكن الحل اللى انتى طالباه مش بعيد و لازم كلنا نعرفه فعدونا الأول فى مصر هو أفتين أولهما الجهل و ثانيهما هو الفقر لذلك لابد من رفع درجة الوعى بينا كشعب من خلال منظومة الاعلام و الثقافة و التعليم لنقضى على حالة الجهل اللى بنعشها بحالة الوعى اللى حنعشها حنتغير و حنتطور يقول الله فى كتابه الكريم : ( ان الله لا يغير ما بقوم حتى يغيروا ما بأنفسهم ) لعلنا نهتدى و نرجع لدينا و نفهم حقيقة وجودنا و حقيقة حياتنا و نرتقى بسلوكياتنا و أرجو قراءتك لاحدى كتاباتى
فلسفة البشر و فلسفة البقر على هذا الرابط .
http://eslamelmasry2010.maktoobblog.com