معملتش حاجه

موضوع: معملتش حاجه الأحد أغسطس 09, 2009 9:57 pm

معملتش حاجه

تزعلك

علشان تخسرنى

أو أخسرك

طب زنبى إيه لكل ده

وعملت إيه خلاك كده

رد عليا أنا بسألك

معملتش حاجه تزعلك

كنت حبيبى قدرى ونصيبى

وبخاف عليك طول عمرى

نسيت أوام كل الغرام

ونسيت لقانا يا قمرى

دا اللى يحب حبيب

بيسامحه ويخاف عليه

مش يجرحه ويلوم عليه

هو أنا ليا حبيب من بعدك

يبقى إزاى ح أقدر على بعدك

أنا مقدرش حبيبى على زعلك

لو ببعد ثانية التانيه أرجعلك

معملتش حاجه تزعلك

زعلت منى خاصمتنى

من غير محاكمه

حاكمتنى

واخدت القرار

أعيش ف نار

والأنتظار

خد لك ب تار

أكتر ما كنت عاقبتنى

زعلك حبيبى يهمنى

وبخاف عليك

وحياة عنيك

إحلف وقول أشتقت لك

معملتش حاجه تزعلك

عزة الزرقانى

سعادة كبيرة أستاذتي المبدعة

الشاعرة عزة الزرقاني

أن أحظى بشرف المرور الأول

على هذه الرائعة الجديدة

ومن ثم أحجز المقعد الأول ؛

مستأذنا إياك في عودة مرة أخرى ، بحول الله وفضله .

دمت متألقة

ولك تحيتي وتقديريز

( لى شرف اول مرور على كلامك الرائع) هكذا كتبت وكانت الصفحة خالية وعندما ضغطت على الزر فوجئت برسالة تخبرنى بأن غيرى سبقنى للرسالة الأولى ( سبقك بها عكاشة )ههههههه
ولأول مرة أدرك ان الشعر النسائى ليس فقط هو الذى قالته امرأة
ولكن الشعر النسائى هو الذى يقال بأحاسيس امرأة
تحيتى لك أختى عزة

[b]الاغنيه دى جامده اوى
وبجد ده انسان مش بيحس علشان الكلام ده يخلى الحجر ينطق
هافضل اقول عليكى انتى شاعرتى المفضله طول عمرى
وبجد مش مجامله والله
تحياتى ليكى من قلبى
elephant

الله عليك و على قصيدتك الرائعة
أختنا الرائعة عزة
لى عودة مع عملك الجميل خالص المودة
أخوك

القصيدة مثبتة بواسطتى
بعد إذن مشرفي العامية

ما هذة الروعة والله معندوش دم بقا كل الحب ويزعل منك داه أكيد أعمى القلب والنظر

قصيده جميله يا عزه
عندما تكتب المرأه ويخرج الكلام الذى تترجمه
الحاله الخاصه بالقصيده لابد وان يخرج بهذا الصدق
وليس من الضروره ان يخرج مزداناّ بزينته المرجوه
ولكن يخرج بفطرة صاحبته فيصدقه كل من يمر عليه
كل التمانى بمزيد من التقدم والازدهار .
وتقبلى ودى وتقديرى ...

الشاعرة عزة الزرقانى دائما جميلة فى كتابتك الرقيقة الرومانسية

قوليلى بس مين مزعلك حد يزعل من الحنان والحب دة كلة

الصدق هو سر الوصول للقلب نص صادق وجميل ولة ملحوظة كلمة طار( خد لك بطار) اصلها (ثأر ) وتكتب في العامية (تار) مع تمنياتي لك بمزيد من الابداع
حناطي

بجد رئعه فى كل كلامك الجميل
ده يا برنسيسه بجد رائعه يا نور العيون
Razz

شعرك جميل ياعزة ولك ميزة جميلة فى أشعارك بأنها تتميز بأن مفرداتها سهلة ومتداولة لكنك تصيغينها بحرفية عالية جدا تجعل لك أسلوبك المميز الذى يجعلك دائما مختلفة ومتنوعة فى مواضيعك

الأخت الشاعرة عزة الزرقاني
السلام عليكم
جميلة جداً.. وأسجل إعجابي بها.. وأهدي إليك ترجمتها في منتدى الترجمة
أخوك
طارق

د. حسان محمد الشناوي كتب:: سعادة كبيرة أستاذتي المبدعة

الشاعرة عزة الزرقاني

أن أحظى بشرف المرور الأول

على هذه الرائعة الجديدة

ومن ثم أحجز المقعد الأول ؛

مستأذنا إياك في عودة مرة أخرى ، بحول الله وفضله .

دمت متألقة

ولك تحيتي وتقديريز

استاذى د.حسان محمد الشناوى

شرف لى مرورك على عملى المتواضع

فا مجرد كتابة حرف واحد اعتبره تكريم لى

ولوأنى افتقد قصيدتك على النص هذا

ولكن التمس لك العذر استاذى القدير

تحياتى وتقديرى لروعتك

عماد عنانى عنانى كتب:: ( لى شرف اول مرور على كلامك الرائع) هكذا كتبت وكانت الصفحة خالية وعندما ضغطت على الزر فوجئت برسالة تخبرنى بأن غيرى سبقنى للرسالة الأولى ( سبقك بها عكاشة )ههههههه
ولأول مرة أدرك ان الشعر النسائى ليس فقط هو الذى قالته امرأة
ولكن الشعر النسائى هو الذى يقال بأحاسيس امرأة
تحيتى لك أختى عزة

القدير..عماد عنانى

مش مهم مين سبق

وكتب الاول المهم أنك

شرفتنى ونورت صفحتى يا شاعر الشعراء

تحياتى وتقديرى لروعة حرفك الباهى

سامح الكومى كتب:: [b]الاغنيه دى جامده اوى
وبجد ده انسان مش بيحس علشان الكلام ده يخلى الحجر ينطق
هافضل اقول عليكى انتى شاعرتى المفضله طول عمرى
وبجد مش مجامله والله
تحياتى ليكى من قلبى

سامح الكومى

الشاعر الغنائى الرائع

اشكرك واشكر مرورك

الذى اضاء صفحتى

تحياتى وتقديرى

عاطف الجندى كتب:: الله عليك و على قصيدتك الرائعة
أختنا الرائعة عزة
لى عودة مع عملك الجميل خالص المودة
أخوك

استاذ..عاطف الجندى

صاحب البيت الجميل

والاسرة المتماسكه جدا

وتجمع الادباء المبدعين

اشكرك على مرورك المضيئ استاذى

وحقيقى كنت منورنا فى الاسكندريه

سلمت وسلمك ربى من أى شر

تحياتى وتقديرى لروعتك

عاطف الجندى كتب:: القصيدة مثبتة بواسطتى
بعد إذن مشرفي العامية

اشكرك ايها القدير

على التثبيت

تحياتى واعتزازى لشخصك النبيل

رشا فؤاد كتب:: ما هذة الروعة والله معندوش دم بقا كل الحب ويزعل منك داه أكيد أعمى القلب والنظر

الجميله..رشا

اشكرك ياقمر ويالا بقى

يمكن على وشك الحلو يجى ويصالحنى

تحياتى وتقديرى لروعتك

عادل عوض سند كتب:: قصيده جميله يا عزه
عندما تكتب المرأه ويخرج الكلام الذى تترجمه
الحاله الخاصه بالقصيده لابد وان يخرج بهذا الصدق
وليس من الضروره ان يخرج مزداناّ بزينته المرجوه
ولكن يخرج بفطرة صاحبته فيصدقه كل من يمر عليه
كل التمانى بمزيد من التقدم والازدهار .
وتقبلى ودى وتقديرى ...

الاستاذ القدير..عادل سند

اشكرك واشكر شعورك النبيل

وأهنيك بالتكريم العظيم فى ليلتك الاعظم

كم كانت رائعة هذة اليله

مثل صاحبها

دمت بكل خير ايها القدير

سندريلا كتب:: الشاعرة عزة الزرقانى دائما جميلة فى كتابتك الرقيقة الرومانسية

قوليلى بس مين مزعلك حد يزعل من الحنان والحب دة كلة

سندرلا بجد

عارفه ياقمر انا لوكنت

حلوة وجميله كدا زيك

كنت ضمنت انه ما يتلككش

ويقعدلى على الوحدة

ويعمل من الحبه قبه

يلا بقى أما نشوف

حترسى على ايه

المهم نورتينى بمرورك الباهى

تحياتى وتقديرى

الشاعرة الرقيقة / عزة الزرقانى

عادت بى قصيدتك الرقيقة إلى عام 1990

حين ساجلت الشاعر السكندرى الكبير/ محمود خالد محمود

كتب قصيدة بعنوان

( أنا زعلان )

فكتبت أقول :

زعَّلتك .. قول لى .. ف إيه ؟

زعلك ما اقدَّرش علـــــــــيه !

دا انت العُمــــــــــر ، ودقاته

وإنت القلــــــب وخطـــاويه

زعَّلتك قول لى ف إيه ؟

حبيتك غصبِ عــــــــتهم

وحـــــــــــنانى عليك جننهــم

آما كــلامهـــم ده كــلامهـــم

أنا عُمــــرى ما ح أسأل فيه

زعلتك قول لى ف إيــــــه ؟

وداد الهـــــــــوارى

باقة ورد لقصيدتك الرقيقة

الاستاذه القديره ..وداد الهوارى

وحياة ربنا ياجميله

فنانه اصيله بجد

ولاقدك إى قد

ولا ليا ف وصفك حيله

ولا زيك أبدا حد
....................................
مش عارفه ليه بتشدلك وبتوحشينى

يمكن عشان قلبى معاكى وراح نسينى

برجع وتانى احن لك وأخدك ف عينى

وافرح واطير قوى م الفرح لما تنادينى

[b] Razz

محمد عبدالمنعم الحناطي كتب:: الصدق هو سر الوصول للقلب نص صادق وجميل ولة ملحوظة كلمة طار( خد لك بطار) اصلها (ثأر ) وتكتب في العامية (تار) مع تمنياتي لك بمزيد من الابداع
حناطي

القدير محمد الحناطى

اشكرك على الاطراء اولا

واشكرك ثانيا على لفت نظرى لتصحيح الكلمه

وثالثا ودا الاهم انك نورت النتدى بجد

ويلا بقى طلع لنا التحف الادبيه اللى مخبيها

تحياتى وتقديرى لروعتك

موضوع: معملتش حاجه الأربعاء أغسطس 12, 2009 3:42 pm

مفيش نهايه من غير بدايه
والزعل كان له حكايه
والحكايه صبحت روايه
والروايه بكلامك بونبونايه

» فيه حاجه
» حاجه لله غورى بعيد
» مش إى حاجه ( للبنات فقط )
» سيبي ليا حاجه منك .أفضل أفتكرك بيها
» حاجه ع الماشي