مساجلة فى حب مصر أجمل العرايس

يامصر حبك ضنا وجاب لى وجع القلب
من شعب عايش فى ويل مع انه أطيب شعب
ومناه فى يوم يتنصف وينول فى يوم حقـــــــه
بس اللى ناقص ولاده تفهم ايه معنى الحب

الضـَمَّـه مِنـِّك دَفـَا و البعد عَنـِّـك خوف
و اللمه فيكِ شِفا و دموع بتِجْلى الشـُّوف
نظره ، فـَهـَمسه ، فـَشـَربـِة مِيَّه من نيلِك
حَيْبان طريق النجاه مِن حيرة الملهــوف

موضوع: فى حب مصر الإثنين مايو 11, 2009 10:07 am

يا زعفـــــرانة وكافــــــــورة وجـــــاوى - شاى أخضـــــر

يا عِطــــــــر صَــــــندل مع الأرابيســــــــــــك متضفــــــر

ف الجمــــــــالية الســـــحيمى ف بيتــــــــــــه بيضـــــــــايف

وم الخُـرنفــــــش نجــــــيب محـفــــــوظ بشــــــوق ..عَّــــــــبر

وداد الهـــــــــــــــوارى

من قبلي بعد السد جبت البخور و رقيتْ
و قريت لك البسمله يا أم الهرم و الصيتْ
الأقصر معابد عجب بالدهشة شدتني
قلت لها آه م الهوى ..قالت كدا طبيت

من بعد اللى انكتب .. فيكى كتير قولان
والمجد ليكى انتسب .. يادرة الأوطــان
دا انتى الاصول والفصول والعلم والحضارات
وانتى اللى بيكى اتعرف .. ايه قيمة الانسان

مصر دى أمى كلى حنين ليها
ومفيش فى الدنيا حب يكفيها
بين الضلوع أستنى ودها فى سلام
قلبى فى همس الشفايف يعشق حكاويها

يا مصريا أم الحضارة الكل جه زارك
لف المعابد لف دارة بقت دارك
وشاف كتير م الدنيا ملقاش مثالك زى
راح شرب من نيلك لأجل يكون جارك

مصر العروسه فى توب شغلاه كليوبترا

نقشت لها الحنا على ادهامن برا

وعزفلها لها ولادهااجمل مسيقى الكون

اتلونت فى عيون

زفو العروسه من الكرنك فى مليون لون

عدى عليها النيل غنى لها مواويل

واتربعت فوق عرشها الجميل

ولما وصلت عرشها مالت ميل

على ولادها

تحضنهم وقلب الام مايل

ميل

عديت عليك ف قنا و مشيت لحد سوهاجْ
أبيدوس يقول لى هنا المصري كان وهَّاجْ
أول حضارة بقت ف الكون يا مصراوي
حنيت لحضنك قوى ، و الدمع منى هاج ْ
*****

موضوع: صوتك قدر الثلاثاء مايو 12, 2009 12:57 pm

اشرخ سكاتك وانتفض يمكن يكون صوتك قدر
واحشد جنود الحق ضي ف بر مصر المعتبر
وارسم أصول عشقها على جبين الغلابة عرق
يمكن جنودك والغلابة يعفو مصر من السفر

موضوع: حب مصر الثلاثاء مايو 12, 2009 4:10 pm

يا قلب فيه الدفا فى الشوق لأيامه
كسر حدود الزمن فى عشقى ألحانه
فيها جمال الوطن طول السنين ساكن
وفى البعاد لحظة بشتاق لأحضانه

جَرَّبت مَرَّه السفر ما قدِرْتِش استحمــــل
و عرفت عشقك قدر مكتوب لنا نـْكـَمـِّـل
شديت رحالى إليكى و قلبى كان موجوع
أول ما شافك رجع من بعد شيب عَيـِّـــل

العشق أتعلمته فى نسمه لهواكى
ومهما أكون برة أنا بردو جواكى
بعدت قربتيلى جوه نظرة عين
والشوق رمانى أليكى فى ضلوعى حضناكى

بارضى بقليلى عشان خيرك مشــــــــــــبّعنى
خارج حدود الوجع جرحك بيوجـــــــــــــعنى
دمى اللى سال لو سقى طينـِك حاموت فرحان
مغروز فى أرضِك ما حدّش منها يخــــــلعنى

العلم له مدرسة و اسمك تملى كبيرْ
فى الطب و الهندسة و النحت و التصويرْ
الدنيا شهدت لنا من ييجى مليون عام
أول تاريخ انكتب و الفجر لسه ضميرْ *
***
إشارة إلى كتاب فجر الضمير تأليف جيمس برستيد و ترجمة سليم حسن

مهما أحس الوجع مش حاسه ليه بيا
وأعمل عشانك بدع تقسي قوي عليا
لكن قساوتك هنا
رغم الأهات والضنا
بحلم وحلم المنى
ألقاكي حنيه

يا مقطعه ف لحمنا ألف و متين حته
وبتشربي ف دمنا وقلوبنا أه ساكته
مهما يكون فينا
حبك ضيا عنينا
أرمي بقى علينا
لو م الهنا حته

ف المنيا مال الهوى حودت و اتغديت
و الفشن قال لى سوا هنحج طهر البيتْ
فيومى قال لى تعا .. أنت الليله ضيفي
رديت عليه الندى تشكر أنا أتعشيت ْ
***

كملت بعده السفر ، شفت الهرم شاهدْ
على ألف غازى عبر والقلب كان جاحدْ
هكسوس ، مغولي انفرم و الفرس أو رومي
قولنَّا فين الأثر ؟ متوحدوا الواحد !
***

كاهن أنا فْ معبدك و باعَلـِّم الشـُّـــــعَرَا
إزاى يشِدّوا الكلام و يحَضـّروا السُّـفره
و ازاى يرُصُّوا القوافى يفـْتحوا نِفـْـسِك
و يقولوا مليون هَنا يا امّ العيون خَضْرا

صوت الغـُنا مخنوق و بيصرخ اكـْمِنـُّه
شايف عيونِك حزينه لما بـِيْغـَنـُّــــــــوا
أحلِف برب السما روحى فِدا دْموعِـــك
و القلب لو يتفِتح ما حتخـْرُجى مِنـُّـــه

عند المعبد كنت هناك تستنانى وبستناك
هنحكى حكاية اجدادنااللى بترسم ليك دنياك
نفتح صفحه من التاريخ فيها حكاية ماضى عريق
نرسم جمب المعبد حورس واقف جمبو بيستناك
هيعلمنى الكاتب المصرى ازاى اكتب ع البردى هناك
وعندى معاد مع خوفو وخفرع يحكيلى واقول انا سمعاك
عند البرج هطلع اشوفك من هناك
واخرها هركب مركبه فى نيلك
مانا عاشقه كلامى معاك
كلامى مصرى يامصريه وده احلى غناك
بحبك يامصر

دايماً تِكـَفـِّى الجميع مهما اتـْنـَهَب غيطِــك
و جميله مهما انكتب شخابيط على حيطِك
أجمل بنات العرب و اجـــــمل بنات الكون
و كـَريمه فارده الدِّراع ما بتِقـْفِليش بيتِـك

الدنيا تنطق حروفك فى نسيم هوى الكوربيش
فقيرك حاسس ملك ولو فى جيبة مفيش
ييتمنى نظرة عين بين الرموش طله
ولا عمره يشبع أبدا فى هواكى قلبه يعيش

عايش أنا فى الكون أتمنى أحضانك
وف عز نوم الحلم تنادينى أحلامك
أصحى أفوء من النوم على بسمتك لية
بتقول أنا بعشقك فى كل لحظاتك

» مساجلة أجمل واحد / واحدة
» هيا نقول الشعر"مساجلة بالفصيح "
» أجمل ما في فني.!
» أجمل ما فيك
» مساجلة فى حب الأقصى وفلسطين