مساجلة فى حب مصر أجمل العرايس

شروط المساجلة :
الالتزام بالموضوع " فى حب مصر "
و عدم الدخول فى أية موضوعات أخرى

و أبدأ :

يا مصر لو حاوصـــفك أنا حاوصــف الجنة
و اللى بصـــحيح يعرفك عمره ما يســــتنى
دا انتى الأميــــرة اللى ماليه قلوبنا من نيلك
و انتى اللى زارعه الفـَرَح حتى فى أحزاننا

الاخ العزيزوالشاعر الكبير
وحيد وصفى
{ انت فعلاّ كبير }

يا مصر فيكى الأمل وتغيّرى حالى
إحباط رهيب هزّنى ويّا الفشل جالى
ما اعرفش ده حظنا ولا بقى مكتوب
انا نفسى عمرى يطول والقاكى ف العالى

يا مصر حبك قدر فوق الجبين مكتوبْ
حبك معايا اتولد و لا ليا منه هروبْ
حاجة غريبة قوى معرفش أوصفها
مهما أجوع أعشقك و القانى فيك ِ بدوبْ
******

[size=18]

يامــصر قــومى بــقى وريـهم الــطالـعه
طـلّى عـليهم كــده مـع شـمسك الـطالعـه
خلّى الديدان اللى سرحت على ورد اغصانك
لمـا تـشوفـك تـموت مــن هـبتك الـطالـعه
*************
يامــصر قـومى بـقى و نـفضى للوهم
اللـى قالولك خـلاص و ركبوكى الهم
دول ســـوس بـينخـر فــى روحــــك
أشباح و لبسه الجتت ما فيها نقطة دم

[/size]

يا مصر لو تسمحي أنا هعشقك على طولْ
يا أم الجبين سندسي ، ورْدِك ف كل فصولْ
نيلك روى المئذنه و يا الجرس بالخير
و اكتوبر المدرسه .. أدانا فخر يطولْ

أوِّل قمر فى السما كان أصلـُه مصراوى
و إيدين بتغزل لنا التوب المَحلاوى
السهرة تحت الشجر بعد الشـَّقـا تِحـْلا
و الشاى و كوز الدُّره و الفـُرجة ع الحاوى

الاخ العزيزوالشاعر الكبير
وحيد وصفى المحترم
يامصر العروبه حبك من الازل اتولد فينا
ارض الكنانه تاج فوق على الجبين لينا
حنى ورد وزعفران ومسك في ايادينا

طول التاريخ كنتى حُضن و كنتى ضـُلـِّيلة
و كنتى بيت فى البلد بيجَمَّع العيــــــــــلة
و اذا حد حاول فى يوم ينشـَقّ عن طوعِك
يومين و يرجع و يبكى و يحدِف الشـــــيلة

يا مصر لو قلت لك أنك دوا للعينْ
و إن الفؤاد أرتوى من نبض شريانكْ
و أنك برغم المحن أحلى عروسة نيلْ
عشانها أموت مُرتِضي لو كان ف أحضانكْ

لو بان عليكى العَجَز راح تفضـــلى شابّة
ريحة العَرَق تحت باطِك فى البخور شـَبّة
أمى و حبيبتى و أجمل بنت فى الدنيـــــا
حتشوفوا منها العجب بس اصبروا حــبّه

ْمهما خانوكى الناس أو مصوا شريانك
من أول الهكسوس لآخر عدو شانكْ
أنت الكبيرة بجد و لا يوم هتهتزي
هتخلي منهم عِبر و هيبقوا خدامك

موضوع: [size=24]باحبك[/size] الجمعة مايو 08, 2009 2:00 pm

مستحملانا بخيرك.. رغم قسوة قلوبنا
وغياب دينا وضميرنا.. ونكرانا وجحودنا
اللي يهدوا الدنيا.. لكن انت ماتهدتيش
ده كفاية بس عليكي.. البانجو والحشيش

محتار فى حبك و حـَر النار بيكوينـى
و احترت فى قسوتك يا اللى ظلمتينى
لو قلت يوم اهجُرك قلبى بيتمَــــــزع
باصبر عليكى و دمع العين مسـَلـّـينى

يامصر ياْمى ياللى حماكى همى

اصحى انا اكتبلك بحروف من دمى

واغزل توب خيوطه من جلدى

يحميكى ويزينك ولامره تنزلى

يانبض قلبى اللى باقى فى كل مواويلى

لو مهما اتغرب قمرايه فى ليلى

واحلى مافى الغربه صوتك ينادينى

وترابك ياحبيبتى كحل ودوا لعينى

بحبك ياحبيبتى

بحبك يامصر[/i][/b]

دى مصر طول عمرها فوق الجميع والكل
ولادها فى حضنها مهما يشــــــوفوا الذل
ما يبعدوش عنّها برغم ويــــــل الويـــــل
ولو نغيب عنّها لابـــــــد نيجى نطـــــــل

اقتباس :: مصريه انا من زرع ارضك وحضن نيلك شاربه ف كاسى ازاى اجيلك وانحنيليك يا شجره
عاليه طيبه يا مطيبه كل الجروح نفسى اعبر نفسى ابوح منا اصلى عاشقه رملتك ضحكتك
غنوتك لو كنتى قسمه صدقينى انا قسمتك ومحبتك مع كل نبضه بتنبضيها انا جوه فيها
بلتقيها حتى اما اسافر برجع ولاقى عمرى فيها ما انتى الصفا وانتى الوفا وانتى الدفا
وانا حلفا ومستحلفه ف حبك يكونلى الاولاويه منا مصريه عزة الزرقانى

يا مصر دا انت الأمل يا ام الهرم والنيل
يا نبع صافى بيروى الكـل جيـل ورا جيـل
عشت ف قلوبنا هوى00عشت ضيا عيونّـا
تعيشى لينا 00تدومى نبـــع حـــب أصيل

مع تحياتى للشاعر وحيد وصفى الوردانى ناصف

حبك فى قلبى كبر خضّـر غيطان الايام
وزرعهـا فـرح وهنـا ورواهـا بالأنغــام
والنيـا ضحكت لنـا والسـعــد غـنى لـنا
غنـوة أمل جسـدت كل اللى كان أحلام
الوردانى ناصف

با مصر حبك غمرنى حرت أقوله ازاى
أقوله ليكى عمـل 00 وللا غـنا ع النـاى
كــل الـمهــم ان لـيـكـى حـــب جــــوّايـا
دايمـا بيطــرح أمــــل للحـــاضراللى جاى
***

وافـتح سـجــل الـزمن ألقــاك فيـه عـلامـات
ألقـاك مـاضـــى انجــلى بالنصر البطـــولات
ألقــاك الازهـــر منـار العــلم ف الــدنيـــــــا
الحصــن دا الـلـى أمــامـه اتـفــتت غــــزوات
afro

الوردانى ناصف

م يامصر انت الحصارة باينه فى الأهـــرام
باينـه فى بـرج الجـزيـرة معجـــزة الايام
والنيل وريفـنا الجميـل ألـقاك ف القلعة
قصـة كفـاح خـلتك فى الفكروالأفهام
***
والقاك يامصر قلب ابيض وحب كبير
وفكر صافى وايد خضرا وحنانها غزير
عشان كدا عايز اقول لك كلمه وجعـــانى
بصى لـولادك وساعــد يهم على التعمير
الوردانى ناصف

يا مصر حبك نده أبنى لك القلعه
و أحرس حنانك إذا شوفت العدا طالعه
و لو فى يوم تمْرضى أبقى لك الدكتورْ
و أموت إذا ألمحك تبقى فى يوم سلعه !
***

خاتم أنا فى الصـباع يا صاحبة العصمة
يا اللى انتى طول الزمن مليانه بالحكمة
اللى يطرطق ودانه يســـــــــمعِك تبكى
لكن إذا بَصّ لِك يلقاكى مِبـْتـِسـْمـَــــــة

ما أحلى نهارك إذا
روحت الغيطان و جنيتْ
و رجعت لك أرتوى
من قله جنب البيتْ
و السهره فيك ِ قمر
و أصحاب بيتسامروا
و القلب زى اللبن ،
و البطلة ف الحواديتْ
********

سبحانه فى عزّته . خلقنا بنحبـــــــــــك
وتقولى ايه السبب ؟ دا الحب من ربـــك
واحنا اللى بينّا رباط يصعب ف يوم حلّه
انتى الجسد والروح واحنا بصحيح قلبك

******************************************
الأصدقاء الشعراء المشاركون فى مساجلة (فى حب مصر) 00تحيانى لكم جميعا 00
من شروط المساجلات فصحى كانت أو عامية ان تكتب فى موصوع واحد كما أشار الشاعر
وحيد وصفى بذلك فى البداية 0
- كما أنه من الضرورى أن تكون على وزن واحد او بمعنى أوضح من بحر واحد وهوبحر
البسيط وتفعيلاته (مستفعلن فاعلن مستفعلن فعلن) وهو البحرالذى به الشاعروحيد وصفى المساجلة ولايصح أن يكتب اى أحد خارج هذا البحر والاتنتفى عمليةالمساجلة0
كما يجب التقليل من الزحافات والعلل ما أمكن لأن المساجلة هى اظهار قوة الشاعرعلى االشعراء الآخرين فى اختياره للمحسنات البديعية وصوره الشعرية 0 afro

:afroالوردانى ناصف afro

: