يللا شارك فى مسابقة : أجمل تعليق

الاستاذه الشاعره الكبيره
وفاء امين
سعيد جداّ بهذه المشاركه الاولى
فى مسابقة { طنط ظاظا }
*

********

ظاظا مُزه ؟؟!!
نفسى اطرقع فوق قفاها
الف رُزه
انتى اصل ما شفتهاش
واللى عاشر
الف رحمه
إلا انا بس اللى عاش
لسّه عايش
فيّه عاهه مستديمه
بس برضه ليّه قيمه
إنما هيّه اللى عندى
ما تساويش حتى القديمه

[center]
ايوه انا حضرب معاك
وافتراها كان هلاك
طنط ظاظا اللي اشترتها
ظبتتها وفطمتها
زن زن اماغويتها
قلعتها مالبستها
جت عليك واتمردت
عوجت لسانها ورققت
صوتها لغيرك ياحرام
والحبايب من بعيد
سجدوها بالكلام
وانت من همك وحيد
تشتكى الهجر التمام
دي القديمه خساره فيها
روح واتجوز عليها
عيش حياتك ياهمام!!

الاستاذه الشاعره الكبيره
وفاء امين
مرحباّ بمشاركتك الثانيه فى هذه المسابقه
[/font[font=Arial]]***************
انتى فعلاّ حاسّه بيها
عارفه الاعيبها وماضيها
الجديد ويّا القديم
امّا انا فعلاّ عاجنها
والمشاعر جوّه منى
لو سألتى ليه ساجنها
رايح اقولّك
كرهتنى فى الحريم
بتعاندنى وتكايدنى
بالساطور جت هدّدتنى
لو راح اتجوز عليها
حبقى شيطانها الرجيم

ههههههههههههههههه
حرام عليكم
أنا مبطلتش ضحك
جميلة جدا

الاستاذه { القطه السوداء }
ارجو ان اكون قد تمكنت من رسم البسمه
على بعض الشفاه وادخلت البهجه ولو للحظه
على بعض الوجوه .
فهذه هى اسباب الفكره التى جعلتنى اقوم بعمل
هذه المسابقه .
وارجو ان اكون قد نجحت .
مع خالص تقديرى لهذه المشاركه الرائعه ...

Black]24]انتى فعلاّ حاسّه بيها
عارفه الاعيبها وماضيها
الجديد ويّا القديم
امّا انا فعلاّ عاجنها
والمشاعر جوّه منى
لو سألتى ليه ساجنها
رايح اقولّك
كرهتنى فى الحريم
بتعاندنى وتكايدنى
بالساطور جت هدّدتنى
لو راح اتجوز عليها
حبقى شيطانها الرجيم

[b]ليه كده انت خايف منها ؟يا أستاذ عادل إسمعنى بقى!

الليله دي رسمتها لك
حته قشطه اجوزهالك
بت حلوه تقوللها
ياماما ظاظا
تتفرس منها البعيده
طنط ظاظا
والكساح فوراً يجيها
تاني ترجع للإزازه
والجنان يبقى طاويها
وانت رايق في اللذاذه
بس اوعى تحن ليها
ولاّ يوم تقول ازورها!
تبلعك بابني بسرعه
وتنحشر طبعاًفي زورها!![/size][/b] afro

الاستاذه الشاعره الكبيره
وفاء امين
{ ما اجمل المشاركه اكثر من مره }
لسه عايزه تجوزينى
واحده وتطلعلى عينى
يا وفاء ده حرام عليكى
دوّرى عاللى يداوينى
**********
م الجروح اللى ف دماغى
م الورم اللى ف صداغى
من لسانها المبرد اللى
كان سبب شقلب ف داغى
**********
بس اخف وشوفى { دُوله }
إيه حتعمل فيه الرجوله
الرجوله ؟ يانهار اسود
مش حترجع بالسهوله

[ck">size=24]

[color=red]ليه كدا إثبت (يادولا )

امحنا شاهدين بالرجوله

مش حتيجي واحده ظاظا

تنسى وياها الجوازه

جبتهالك لابسه ابيض

مسكه شاش وقطن ابيض

راح تخفف لك جروحك

وابتسامه تقوى روحك

بس شايله لطنط ظاظا

حقنه فاضيه مالها عازه!![/size]
ا[/color]

الاستاذه الشاعره المتألقه
وفاء امين

تانى شاش مع قطن أبيض
تانى حتجوّز يا فوفو
مش كفايه اللى جرالى
صدقونى تعالوا شوفوا
كلّى متنيل مربّط
كلى قطن وشاش مزبّط
زى اجدادنا الفراعنه
شكلى تحفه زى خوفو

آه يا ( خوفو ) من كلامك
نفسى أتبهدل عشانك
و الله صعبان يوم عليا
يا أبو عادل .. مكتوبالكْ
*****
أنا هعمل خدمة فيك ْ
و أرسم البسمه ف عينيكْ
أنا بطلب أيدها منك
طنط ظاظا .. قول شاريك ْ
********

الاستاذ الشاعر الكبير
عاطف الجندى
{ بتنوّر العاميه بوجودك }

ليه كده ؟
دانت ف شبابك
ليه بتتعجّل عذابك
ولا طمعان فى المسائل
لو كده .. نجيبها لبابك
**********
مش حتستحمل لسانها
او تطيق تلمس مكانها
بكره تتمنى عشانها
تلعن اليوم اللى جابك

قلت أشيلها من طريقك
و أسعدك حتى بشقايا
شوفت حبى ليك يودى
للمهالك و النهاية
كنت هستحمل عشانك
لا يا عم ماليشي غايه
أنا بسحب لك كلامى
ربنا يعينك ..كفايه
****

الاستاذ الشاعر العملاق
فارس الفصحى
و
مارد العاميه
عاطف الجندى

ياسلام طمنت قلبى
ربنا يريّح فؤادك
ترمى نفسك ليه ف مهالك ؟
شكلك ايه ف عيون ولادك ؟
لا .. وتاخد
واحده بارده
فى الجمال ما تقولش قرده
يا ابنى وسط حريم بلدنا
زيّها ما لقتش فرده
مش كفايه اخدت زمبه
ليه بتسعى تاخدها خيّىّ
ياللا إبعد وادّى بمبه
فى الخيابه ماشفت زيّىّ

الله ينور عليكم
و أنا حبيبت ظاظا علشان عملت كل ده
ههههههههههههه

الاستاذه الكريمه
عزه الهلباوى
شُرفت هذه المسابقه وانارت عندما مررتى عليها
وزادنى تشريفاّ تعليقك الجميل .
{ والظاهر كده ان فيه قرابه بينك وبين ظاظا }
علشان كده :
انتى فرحانه فينا
يا ريت ما تكونش آ خر مشاركه ونتمنى المزيد
من التداخلات وخصوصاّ { من بنات حواء }
حسبى الله ونعم الوكيل ..... ههههههههههههه

ظاظا عامله ليكوا أيه
بتشاغلكوا ولا ايه ؟
ظاظا ست لطيفه خالص
كان لها سلطه و بيه
لما جوزها المدعو مات
جالها حبة انفلات
فى لسانها - بقت بتشتم
و لا تخنق فى الحاجات
أبعدوا عنها و سيبوها
ألا أبوها السقا _ مات

ياسلام طمنت قلبى
ربنا يريّح فؤادك
ترمى نفسك ليه ف مهالك ؟
شكلك ايه ف عيون ولادك ؟
لا .. وتاخد
واحده بارده
فى الجمال ما تقولش قرده
يا ابنى وسط حريم بلدنا
زيّها ما لقتش فرده
مش كفايه اخدت زمبه
ليه بتسعى تاخدها خيّىّ
ياللا إبعد وادّى بمبه
فى الخيابه ماشفت زي

كنت سيبه يادولا عاطف
راح يعبي في المقاطف
شرشحه وردح ومصايب
كنت اتمنى ياخدلوا
شويتين مالحب جانب
بس عاطف خاف وكش
يظهر انو وصللو وش
جاب ورا منها وطفش
لما شافها بألف وش

على فكره ياجماعه..

كتبت اليوم الساعه 5فجراً

ردغير اللي كتبته حاليا

وفوجئت اليوم الساعه 11 صباحاً بانه إتمسح!!!!!

وبلغت الاستاذ عاطف الجندي بالمشكله

انا لازم اعرف مين اللي مسح الرد ولمصلحة مين؟

وحنعمل قعدة عرب ولا مؤاخذه

وكل المشتركين لازم يحضروها عشان نجمع الآراء

مننا فينا احسن
بدل منسافر ونروح لبتوع النوايا اللى بتسند الزير

وييجوا يفتشونا ويعملوها حجه ونلاقى نقسنا في العراق ولا ايه؟؟؟؟؟

موضوع: رد المسابقة الإثنين مايو 04, 2009 11:09 am

إنتى ليه متعــــــــزرنة

يعــــــنى غاويــة العكننــــــــة ؟!

كاتبة إيه عن ظاظــــــــا .. قولـــــــى

جايـــــــة ليه متزربنـــــــــــــــة ؟!!

قولتى ياما كـــــــــــفاية قــــــــــول

ظاظــــــا عايمــــــة ف صحـــن فول

مــــــــش كفاية تجــــــوزيه ؟!!!!!!!!!

لأ ... وعايزاه يبقــــــــــى غــــــــول

طب منـــــــــــين يا نــــــــــــور عــــــينيه

الجــــــــــدع شـــــــيفاه مــــــــــــربَّط

ماشـــــــــــى متبهـــــــــــدل مشـــــــــلفط

خلتــــــــــوه يصعـــــــــب علـــــــــــــىَّ

ده انتوا أحــــــــــــــوالكم تلخـــــــــــــبط !

وداد الهــــــــــــــــــوارى

الاستاذه الجليله
إيمان عبد الله
{ بنت النيل }
ما اروع ان نجد هذه المشاركه العطره
من إنسانه رائعه مثلك . اهلاّ وسهلاّ .

ظاظا ست .. كمان لطيفه !!
يا إيمان لأ .. مش ظريفه
كنت عايزك تعرفيها
تعرفى ايه اللى فيها
لو تعوزى تقتليها
إمسكيلها صابونه .. ليفه
***********
ربنا يقطع لسانها
ينتقملى من عنيها
يسحبوها هناك جيرانها
ما تلاقيش اللى يداويها

الاستاذه الشاعره الكبيره
وفاء امين

يا وفاء عاطف أخويا
خفت انه يكون ضحيه
راح يغشه وش بويه
تحته خلقه مدّاريه
كلها غل ومصايب
راح ينوبه منها جانب
وانتى عارفه { طيفه } طيب
هوّه مش حمل المقالب

الاخت العزيزه / وفاء امين
الموضوع الذى اثرتيه هو موضوع مهم للغايه
ولابد ان يصل الى اعلى مستوى حتى نتبين
اين الحقيقه ؟
إلا اذا كان التعليق به ما يسىء الى احد .
وانا والله العظيم برىء من هذا الحذف
ولا ادرى عنه اى شىء إلا من حضرتك
كل الاسف بالنيابة عن المسئولين حتى تتبين
الحقيقه . ارجو ان تقبلى اسفى واعتذارى ...

أخت وفاء متزعليش حقك عندنا كلنا
و هى ممكن خطأ ممن يملكون الحذف و التعديل
و خطأ وارد
أحيكى و مساجلة جميلة كستمتعة بيها
و شكرا يا استاذ عادل انى دخلت حبا فى المشاركة معاكم فالمساجلة دمها خفيف جدا

وفاء أمين كتب:: على فكره ياجماعه..

كتبت اليوم الساعه 5فجراً

ردغير اللي كتبته حاليا

وفوجئت اليوم الساعه 11 صباحاً بانه إتمسح!!!!!

وبلغت الاستاذ عاطف الجندي بالمشكله

انا لازم اعرف مين اللي مسح الرد ولمصلحة مين؟

وحنعمل قعدة عرب ولا مؤاخذه

وكل المشتركين لازم يحضروها عشان نجمع الآراء

مننا فينا احسن
بدل منسافر ونروح لبتوع النوايا اللى بتسند الزير

وييجوا يفتشونا ويعملوها حجه ونلاقى نقسنا في العراق ولا ايه؟؟؟؟؟

العزيزة وفاء
موضوعك أحزننى و أعتقد بأن هناك خطأ ما و كما قرأت من رد أخى الشاعر الكبير عادل
بأنه برىء من ذلك و لا اعتقد بأن أخى وحيد وصفى يفعل ذلك و هم المشرفان على المنتدى
و لا يستطيع التعديل أو الحذف سواهما و انا بالطبع أستطيع و لكن حتى فى عز الاختلاف لم نلجأ لحذف رد أو مشاركة دون طلب من صاحبها
و عذرا لو حدث أى خطأ و نحن مستعدون لأى تعويضات شعرية
فعذرا لقلبك النبيل
أخوك

يا وفاء دا حرام عليك ِ
هو أنا لعبة ف إيديك ِ
عاوزه تدينى لظاظا
لجل تفرح يوم عينيك ِ ؟
و تشوفينى يوم ف خانكه
قال و أنا اللى مشتريك ِ!
***
كنت فاكرك أخت ليا
تضربى هذى الوليه
طب لو أنت ِ ف يوم مكاني
كنت ترضى بالأسيه ؟
طب و رب الكون دا عادل
من طيابته حس بيا
****

» يللا نتسلى بلاها غم
» ما الفرق بين الشعرالقديم والحديث.؟!شارك في الرد؟
» أحمد أفندي رفعت العلم.. وطولت راسنا مابين الأمم
» "جيــشُ الخليفـة" الفائزة بجائزة يونيو 2010
» الصراخ المكتوم