يللا شارك فى مسابقة : أجمل تعليق

الابنه العزيزه
همس العيون
طيب اعملها ايه ياهمس ؟
الدلع واخداه هوايه
فاكره لسه قال نتايه
بس انا برضك بغيظها
لما اقول بصى ف مرايه ...

الاخت الشاعره الجميله
وداد الهوارى
انتى ليه نازله ف ملامه
الدهب ومكانش ياما
والعماره الحيله راحت
للحكومه ... بالسلامه
***********
يعنى طالع جيبى فاضى
{ والمريّش } فعل ماضى
كنت صابر عالرزيه
قرد جانبى وكنت راضى ...

الحبيب / محمد سالم
مرورك شرف لى ولصفحة العاميه
ويكفى هذا الاسم لإنارة المنتدى .
شكراّ اخى لتعليقك ومرورك الجميل .
مع ودى وتقديرى ...

الاخت الشاعره الرائعه
وداد الهوارى
ايه الجمال ده يا ست الكل ؟؟
الظاهر انتى اللى حتاخدى اجمل تعليق . وبقولّك :
غلطه مش حتعودلى تانى
م اللى شفته من زمانى
والشماته ايه لزومها ؟
ده جزاتى عشان انانى
**********
بس برضه اخوكى واعى
حقى خدته .. وبدراعى
والخساره حاجه تافهه
واكله عقله من صباعى

الابن الشاعر الجميل
جمال الدليل
اصل هيه جوازها ياما
خلّفوا ف عيال ندامى
إلا واحد بس منهم
وشه منها فيه علامه

الاستاذ الشاعر العملاق
عاطف الجندى
مين دا قالّك
لسه تسعه ؟
والنبى مافضلش حاجه
بس انا دلوقتى باسعى
قالوا فيه واحد خواجه
اى شيئ مقطوع يعيده
والمهم العقله لازم
يلتقيها تكون ف إيده
إنما دى مخبياها
قال دى ذكرى
من حبيب كان يوم أناها
كل واحد واخده منّه
حته ذكرى شايلاهاله
إلا انا .. عبّت مشنّه
من حاجات كان ليها شنّه
إدعى ليّه .. لو اجيبها
للخواجه .. واديهاله ...

الاستاذه الشاعره الشقيقه
وداد الهوارى
هيه عايزه تعودلى تانى
راجعه تفرشلى ف امانى
جت تقول بنحبه جداّ
اما انا لايمكن ارجع
حتى لو عالمدنه تدن

************
بعد إيه جايه تلومينى ؟
لأ .. وفاكره تفضحينى
طب ورحمة امى لازم
أكشفك وحتسمعينى
*******
طب دا انا متعبّى منّك
ياخدوا عمرى
بس احس بعدت عنّك
آآآآآه .. يانارى
من لسانك
طب عشانك
كنت باغضب ربى واسكر
لجل تحلوّى ف عنيّه
دا انتى ياما عملتى فيّه
وتقوليلى ما لكش عازه
رغم إنّك عارفه جداّ
أحلى مقلب واخده منّك
بالجوازه
ياخرابى
عاللى جالى من جوازتك
بدعى ربى لو يعجّل
وامشى دلوقتى ف جنازتك
يا سوادى
لو يطول عمرك شويه
والقى واحد غيرى ليكى
بات ضحيه
وتقوليلى
{فيه عريس ح يموت عليّه }
رايح اقولّه
البصل والتوم ريحتها
والصابونه اللى رميتها
والشخير اللى ف نومتها
قالبه اوضة النوم مجارى
آآآآآآه .. يانارى
لو بإيدى ابعت هديه
يوم جوازتك
والقى دمى يومها راق
تذكرةعُمره .. ولكن
ويا .. ظاظا
تعملوها فى العراق ...

الاستاذه الشاعره
عزه الزرقانى
ظاظا باين لسه قاعده
مش حتمشى لو بزار
ممكن احتاج للمساعده
قاعده تسكرلى فى بار
ناويه ليّه نيّه سوده
قالبه جد ومش هزار

الاستاذ الشاعر العملاق
فارس العاميه
{ زمان بتوع الفصحى عايزين يقطعونى }
ايه ده يا عمنا ؟
سيب لنا مكان جنبك

مين دا قالّك ؟
{ ظاظا نجمة عرض سيما }
ولا .. قيمه
ديّه يابا استغفلتنى
منها لله اللئيمه
ضيعت هيبتى ومشابى
صحتى وكمان شبابى
وانت بتكرر عتابى
كلكم جايين عليّه
رغم إنى
م الجوازه طلعت فاضى
إلا من دمعة عنيّه
عاللى راح منى يا خالى
الدهب ما فضلش منه
إلا يعنى كام وقيّه
والعماره
الحكومه الله يجازيها
ضيعت ريعها عليّه
يبقى فاضل
إبنها الله يغُمّه
نطع ما تحملش همّه
كنت بديله البريزه
كان يسيبنى ليله كامله
وانفرد بالقرده أُمه