على.............البحر

على البحر وميته الحلوه ....بدء الزمان يكتبلى ذكره وسط المكان
يسطر حروف العشق ويلون ......كل اوراق الشجرجوه المكان
على البحر كانت احلام سعيده......وامال جميله اتبسمت جوه العيون
رسمت حروف الحب والحزن سوى من غير ردود
على البحر رسيت مركبى........وفرد شراعه مراكبى قلبو جسور
وخد بايدى للمركبه.......والورد والشجر رقصو صفوف
ودار المركبى بالمركبه..........والفرحه ماليه عينى وعنيه
والميه حلوه والسما احلى.......وقلبى عايم فوق السحاب
والرحله ماشيه على المهل ماشيه .......وسط موج البحر ونسايمه العليله
ووصل الركب لوسط الميه .......شويه شويهواتبدلت سماه غيوم
وارتفع الموج بالمركبه .............وابتدى جذرو ومدو
وهاج البح بالميه...........وارتعد قلبى وكل ما فيه
بص فى عيونى المراكبى..,لحظه ..ثوانى يادوب شويه
وقالى الحموله زياده عليه.....سكتت عيونى والخوف ماليها
بص المراكبى ومسك اديه.......وفى وسط موج البحر
نزلنى شويه شويه
نديت عليه ليه سبتنى وسط الطريق
فى وسط المد والجذر...........بدون رفيق
مردش عليه وسبنى......المراكبى وسط بح انا فيه غريق
وبعدت خطاوى المركبه.........وكحل ظلام الحزن عينى
وارتوت كل الزروع من دمع عينى
على البحر وميته الحلوه .......اتلونت احلامى بلون ضباب البحر
واتكحل بالسواد عينى...........واتلملمت احزان سنينى
وبعدت مركبى عن مرسى.........شطها وتاهت وغرقت
انا فى بحر الحزن وجراحه...............واللامه الحزينه
سئلت نفسى ليه سبنى........بحارى ومركبى وسط الغريق
ليه انزرع شوكى ...........وسط الطريق
على البحر وميته الحلوه.........غرقت امانى وضاع الطريق

بوح شعري جميل
ألي بداية شاغرة قويه
تمتلك أحاسيس جميله
وأختيار ألفاظ منتقاه في منتهى الجمال
وأذا أثقلتي الموهبه بالقراءه
ستكوني أكبر شاعرات مصر
أرجو تقبل مروري

king

أهلا بكي بين أخوتك
فرعون شباب الأسكندرية
جمال الدليل
...............................................

دعواتى لك بكل التوفيق

الاستاذه الشاعره / همس العيون
ولانى اسكندرانى احسست بعد قراءتى لقصيدتك
رذاذ الموج يكسونى ورائحة اليود تغمرنى وزرقة البحر
تخطفنى . قصيده جعلتنى اعيشها كما كتبتيها .
مع خالص دعواتى بالتوفيق والتقدم ...

إستفزتنى قصيدتك ، فنشرت أغنية "ع الشط "
أحب اعرف رأيك فيها
و هل أمكننى استحضار شعور المرأة
أم أننى فشلت فى ذلك

موضوع: رد على ع الشط الأربعاء أبريل 15, 2009 5:16 pm

حضرتك بتاخد رايى انا دانا ليه الشرف انى بس اقرء شيئئ انته كتبته
ولو جوه المراءه كلام حلو عمرو ماهيكون فى حلاة المشاعر اللى
حضرتك وصفتها وكل الرقه دى لقد استحضرت استاذى اجمل واسمى
معانى الحب فى كلمات يارب ديما من احسن لاحسن وتفوق يفوق
التفوق اللى قبله يارب

عزيزتى همس العيون
أولا اهلا بك فى بيتك و بين اخوتك و ثانيا سعيد بإبداعك الجميل
الذى يحتوى على مشاعر صادقة و إبداع جيد يستحق منك العناء لتوصيله للناس فى ثوب اكثر أناقة
فالشعر طويل سلمه و أهمس فى أذنك بأنه يجب عليك الإخلاص اكثر للشعر لامتلاك الوزن
الذى سيظهر شعرك فى ثوب راقى و قراءة أعمال المبدعين الكبار و لحسن الحظ هنا فى المنتدى مجموعة متميزة للغاية من كبار المبدعين فى شعر العامية المصرية و لا مجال هنا للمجاملة
فيجب عليك الأخذ برأيهم لأنهم يعشقون الكلمة الجميلة و لديك الموهبة التى تشبة الزهرة التى تحتاج الى عناية فائقة
لتصير أكثر جمالا و روعة
أخوك

» البحر.......واو
» ضع رابط عملك فى مسابقة الفصحى لشهر فبراير هنا
» إلى البحر
» صديقي البحر
» وثالثنا البحر