فضفض .....

إعدل دماغك تظبط المتشاف
و

إعدل دماغك تظبط المتشاف
أصلا جروحـك للبدن كشاف

صاحب كلام .. هيعلمك ..صحبة كلام

انا ليه بسلم قلبي لعنيكي
جايز عشان الطيبة ساكناهم
طب ليه يا بنت ال..حلم ف إيديكي

الأهلي فاز ف الماتش
والريال علق عيال البارسا ع الشباك
الشمس هدت ضربها للناس
والناس لأول مرة
مبيشكوش

بتكتب ليه !؟
لا طولت الراحه ولا خفيت
وجيت قبل النهاية .. كـفيت

بصي
لو شوفتيني ساكت
وقعي كام حاجة -إعملي دوشة- وإطفي التكييف -
خلي الاحساس الجوايا مياخدش براح
وأوعاكي تقولي انا متدايق ...
وسيبيه يرتاح
الصمت ساعات - لما بنهدا - بياخدنا معاه
ويتوّه فينا ويرمينا ف الركن بعيد
و يهل الليل اللي بيطرح في الروح تجاعيد
ف عشان نتحرر من صوته
خلينا نعيد
...
ترتيب الكوكب من تاني
ونفصل بالدوشة أغاني
ياللي انت حبيبة
وفاهماني
لما أسكت...
..
إوعي تضميني...
وقعي كام حاجة - إعملي دوشة

اثبات حضور ومش أكتر
فمتدورش ع المعنى المسابق

اثبات حضور مش أكتر
فمتدورش ع المعنى المسابق
انا لسه راجع م العمل
مرهق شوية وحبتين ملّان

الشمس طالعه
مش كل شوية تقول الشمس أهى
بصوا
ولا كل مرة تقول لنا مخنوق
واليوم

معرفش ليه لما الدنيا
تبسط إيديها وتبسطني
باتخض مني وبلقاني
قلقي القديم ..بيقسطني
...
ويشب علي لب الحكايات
ويقرب الليل ع المسافات
ويقوللي ساعة يا صاحبي وآت
ف بلاش بنكتة تبسطنى
..
مش معنى إني تركتك يوم
تفرد ف حلم الروح وتقوم
واقف أنا ف باب ال
مستني حاجة

الغريبة بجد اني
لما يتعب جسمي باسهر
وأما باسهر - عقلي - يتعب
روحى تلعب ع الحبال
..
والغريبة بإني لسه - رغم هذا السن - عايش قلبي بجنون الخيال
..
وانفلاتي ف المعانى مش حكايه لوزعيه ..لأ ... دلالة إن فيا لمسة من كون العيال
...
تصبحوا علي خير ف شنطة
شايلة مفاتيح المحال

معلش يا صاحبي ....
القلب بيعرج
والتنهيدة الطالعة ف أخر اليوم
مبقتش تفيد
الإحساس ....
مفيهوش تجديد
والبراويز من غير اللقطة الشابكة ف نن الفرح
كلام ...
....
معلش يا صاحبي
مبقتش اصدق....
ف الأحلام

متغشش زعلك
متزوقهوش
وإن كانت روحك مجروحه متدوسش الجرح بلفة شاش
النور بكاش
والليل قشاش
ونا شايب

متغشش زعلك
متزوقهوش
وإن كانت روحك مجروحه متدوسش الجرح
النور بكاش والليل الملح ..
بيسكن فيه

اتعودت
مش كل شوية تنط ف ام الشاشة الزرقة تقول مخنوق
..
محروق
القول لما بيتكرر
ويصور همك أكبر من هم الناس
ما خلاص
تباريح الضلة إتغشت بالشماسي
والكراسي
خصصوها للعجازى
خد أجازه
تخف
..

اتعودت
مش كل شوية تنط ف ام الشاشة الزرقة تقول مخنوق
..
محروق
القول لما بيتكرر
ويصور همك
أكبر من هم الناس
ما خلاص
الضلة غشتها الشماسي
والكراسي
خصصوها للعجازى
خد أجازه
تخف
..
ولا اقولك لف ...
تاني وعود
السحاب بيستنى الرعود
والبرق
..
صدقني مش

متغشش زعلك وإن جالك متزوقهوش
وإن كانت روحك مجروحه متدوسش الجرح
النور بيجينا و بيغير بهمومنا وشوش
والليل - أحيانا - باب مفتوح بيكون للفرح

العيون باردين
والكلمتين المعجونين ألفه
اتهدت الكلفه
بينهم وبين البعد
الليل بيرسم حشرجات الوعد
....
مش قولنا هنكمل
بطلنا نتجمل ولا عدت فاهماني
عارفه اللي يوجع ف الجروح وبتضغطي تاني
..
غلطان أنا
ولا انت غلطانه
سايبين ضعاف المفردات ترسم لنا الخانه
وبتسأليني إزاي أرواحنا واجعانه

روحك بتوقع والوجع بيوّش
وبتستخبى ف نفس ذات الوش
وإن غلطة تطلع شكوتك للكون
بيغلوشوا المضمون ويطبطبوا بمعلش