فضفض .....

هتتعدل أكيد
مش عشان إحنا الملايكة الباقيين ع الأرض
القصة إن الحق مهما يطول
- فوق البسيطة ظلام -

هو دا - الوطن العزيز
ولا دا ...وطن العزيز
كلنا حبة ...
بيسوقوهم بالعصاية
..

وف كل شئ فيه شئ مفقود
بنعوّد الروح ع الموجود
وسواء رضا أم كسر طموح
فالعمر م الخيارات
....
محدود
...
حطيت مثبت ع الأحساس
فاتنعكشت تصاوير الناس
مش كل - ثابت - يبقي خلاص
طبع الحياه بالحركة
...
تجود
..
شبعّت م الوحدة التواريخ
وعملت بالأحرف شماريخ
ليه كل ما انطق روحي تشيخ
وتحط ع الكوكب
...
وتعود
**----***----***---***

وعملنا غول
ف بجمعنا ..سمى
وف كل واحد حمل ......بيكفيه
دي الغصة عشرة عمر ..
واللمه
كائن خرافي بيتحكي لنا عليه

هو دا انسب ميعاد للغيب

وبناتي لأول مرة
إمبارح
من وقت ما شافوا الدنيا
يدوقوا البحر
مكانوش عايزين يطلعوا م الميه
عملولهم دوشة وهيصه
...
وبوليكة وضحك ...
..
دا برغم إن الدش وقت الحموم- ف البيت -
بيسد ف ودانه
من كتير دوشتهم
ونا - وقتها - من اوضة الأطفال بنده لوالدتهم
إوعاكي تنسي - تسلخي -
كويس
..
2)
مجانين
والدنيا مبتقبلش بالمجانين
العيد دا لما ضحكت محسبتش إن الوطن لساه
فيه حاجة مش راسية
..
وانا لسه مش راسي
شكل الكراسي في لمة التعابين
ك بروفة للتأبين
مين اللي واكل مين
والكل له نايب
3)
خايب
وبرمي الدمع ف الضحكة
وبقفل الدرب البشوش
حبة رتوش
كسلان أظبطهم
والصلعه تيجي تنور اللقطة
لقطة البنات بس انا
لسّانى برضه غياب
4)
مستحملانى بعشق ولا انتي
مجبوره تبقي معايا م الصحبة
يا وردتى الساحبة
أتعب حكاوى العمر م الشرايين
جايز باقيلي يومين
وألقاني ف الصورة...
...
وأبطل الأكاذيب
5)
وارد يكون اليوم ...أنسب ميعاد للغيب

بتشب ليه ؟!
طب يعني طولت الباب !؟
وسحبت م السقف الجريد صنانير من غير ما تتعلا
شوفك كدا حلا !؟
وبقيت تروح البحر وتعاود من غير ما تتروق
..
حلمك كدا حوق !؟
..
والشيبه بتلاعبك
...
جابت رفاقة كتير واستوطنوك بشويش
رديت خلاص الشيش
وهتفت مش لاعب
..
وجع الدنا ...كاعب
جواك بيترقص
ويهز روحك والجدور
حواليك
..
وأمي العزيزة الطيبة الواقفة
ع السكة تهديني
كانت مصرة تجيبلي ضلايه
لاجلن تهدّيني الصهد

مليش نفس اكتب حاجة
- رغم الشذوذ ف الجملة دي -
وبإني بعمل عكس هذا القول
و ف نفس ذات الوقت
...
بضحك ف خبطاتي
علشان جراحي البايته متندعش
وعشان كمان مزعجش
سكاني
..
شكل الرصيف إختلف
عن شكله قبل الحادثة ما تصيبك
وكإن روحك بعد أول يوم خروج
لبستها النضارة ..
جبر
..
محتاجة حبة صبر ولا الحكايه خلاص
بحبح عليها الليل وفرشنا ع السكة
..