فضفض .....

موضوع: رد: فضفض ..... الإثنين فبراير 20, 2017 9:04 am

مانيش طيب
وكل كلامي متعيب
...
ونصه خدوش
..
مفيش ع الأرض من مخلوق بيشبهني
وعنده وشوش
..
تساويني
..
انا وبوحي وطن ممسوخ
..
وكل ما تبتسم روحي
صروحي تدوخ
..
من الكدبة
..
وم التأليف
..
معدش لطيف
..
أحط حروفي وأستنى تداوي جرح أرواحهم
ساعات بالكدب
وتطيب
..
مانيش طيب

موضوع: رد: فضفض ..... الإثنين فبراير 20, 2017 6:27 pm

قوللي حاجة وحيده ع الكوكب تحمس ؟!!
ليلك بيركب مهجتك مبسوط يخمس
لفيت بواقي الأكل أم طفيت
وقيد الفرن - بعد ما زودوا - الفول المدمس ؟!!
..
مبسوط وباسط بسطتك صبرين وعضه
وفتوى عبيطة بتبنج في خضه
عزمت الحزن علي ناس فينا مرضى
وفارضه النكته ع الواقع
يلمس
..
بلاش انا قلت -أم قالني - البلاشي
خلايق يشبهوا زحام الحواشي
كتاب مفروض

موضوع: رد: فضفض ..... الثلاثاء فبراير 21, 2017 5:15 pm

الرصيف
مبقاش بيفرح باللي ماشيين زي عادته
والاشارة تمللي حمرا
والقلق شارع بيفرق
شَعر /حلم ف دولة سمره
والدروب الخوف سلكها لما داق م القلب خمره
والمؤامرة إن شوفت واحد
وسط كل الخلق عايش
بره تكتيك المؤامرة
...
يبقي ليه ف الدايرة تفضل
واللي جي ف عبه حنضل
كيف تقول القعدة أفضل
وانت واللي معاك يدوبك
بس -لما تموتوا-
نمره
..
-خابر إن الشمس واقفة
لينا بتهون شقانا ..!
ولا قلب الغربة طاير يبتسم لحظة لقانا
قولي لما تلاقي سكة نورها بالأحلام سقانا
يمكن ألقي الروح تعاود
وألقي صوتى
ف شق
تمره
..
-كل غربة وفيها نابها
-كل صحبة وليها بابها
-للجروح ف الروح منابها
يبقي لو حبينا نمشي
ترتسم ع الوش
جمره
...
* شدوا حيلكم يا حبايب
زيدوا فيها الدمدمات
أصل نهر القلب عايب واللي ساق الحلم مات
شدوا حيلكم واحدفوني كفنوني ف دوامات
وإدفنوني لو زهقتوا
واعملوا م الحلم
ضيف
جد كان الحلم فيكم ولا طيف
ولا شاب الشب لما شب فيكوا الشوق كفيف
حيطه سد وسد حيط
لسه ساعي البوح عبيط
قلبي فكك ألف خيط
رغم خيط الروح
ضعيف

موضوع: رد: فضفض ..... الثلاثاء فبراير 21, 2017 5:57 pm

مبطلتش يا عمدة تشد طولك
وترمح يم توب الغنوايات
لو ابتسمت لروحك
روح بهيه
..
برغم ان اللي جالك جه لغيرك
ولما سألته رد بحس واطي
..
أساسا دي الحكايه المنتهيه

موضوع: رد: فضفض ..... الثلاثاء فبراير 21, 2017 6:12 pm

مبطلتش يا عمدة تشد طولك
وترمح يم توب الغنوايات
لو ابتسمت ف صدفه
عيون بهيه
..
برغم ان اللي جالك جه لغيرك
ولما سألته رد بحس واطي
..
أساسا دي الحكايه
المنتهيه

بتضحك ضحك م الوش المركب
شفايف عيرة وعيونها القزاز

موضوع: رد: فضفض ..... الثلاثاء فبراير 21, 2017 6:15 pm

هتتعدل يا عالم وببساطه

موضوع: رد: فضفض ..... الأربعاء فبراير 22, 2017 6:24 pm

القلب نهتان حبتين
والحرف طالع بالمناهدة والخناق
اليوم وقف علي لقطة البنت اللي عايشه ف وعدها
والأيد .. مفيش
ياعم ياللي نويت تعيش
شوفلك كدا رفين براح
ويكونوا جمب جيران لطاف مبيهتفوش
عاش ال.. ملك
الشوق هلك
من كتر زخات الروتين
يابنت ياللي بتعرفي تحي السعادة بكلمتين
شوفي الوجع - ف الجيب - غويط
والعقل أجدع من جدع ف الضرب غاوي يبان عبيط
والليل حويط
ليّل علينا عشان نعيش
( منشوفش دمع - وخوف - وأه )
خوفا عليكي متزعليش
إن قلت ان الحلم تاه
فبلاش ندور
ع القلب والليل والقمر
كل الشواهد ضدنا حتي السهر
فيه شئ غياب
....
.....
م الصعب أقولك بعد كل العشق دا
خلينا نبقي إتنين صحاب ..!!!-

موضوع: رد: فضفض ..... الخميس فبراير 23, 2017 5:14 am

الأسفلت ونا بجري حافي عليه
شكل البشر من تحت شجر التوت
طعم البراح ف الضحك جوه الفصل
رجفة ايديا ف مسكة الكشكول
ومدرس الحصه
بيسألني
..
مليون حكايه بتتولد ف الروح
والروح معاها
بتنفلت مني

موضوع: رد: فضفض ..... الخميس فبراير 23, 2017 5:15 am

الأسفلت ونا بجري حافي عليه
شكل البشر من تحت شجر التوت
طعم البراح ف الضحك جوه الفصل
رجفة ايديا ف مسكة الكشكول
ومدرس الحصه
بيسألني
..
مليون حكايه بتتولد ف الروح
والروح معاها
بتنفلت مني

موضوع: رد: فضفض ..... الجمعة فبراير 24, 2017 9:14 am

اليوم دا لما صحيت
مصحتش متنكد
ومجابش فيه الحزن فيا إجوان
ولعبت ويا قرودي
في الصاله
ومشيت وراهم - حبي - للأوضه
وغسلت روحي بضحكتين
م الست
..
اليوم دا لما صحيت
علي غير عاداتي الدائمة الباهته
ملقيتش مطرح
ف ارتعاش الصوت

موضوع: رد: فضفض ..... الجمعة فبراير 24, 2017 9:34 am

اليوم دا لما صحيت
مصحتش متنكد
ومجابش فيه الحزن فيا إجوان
ولعبت ويا قرودي
في الصاله
ومشيت وراهم - حبي - للأوضه
وغسلت روحي بضحكتين
م الست
..
اليوم دا كان ..
تنكيت
بيشد ف حموضة الحجات
وبيختبر عشرتنا والأهة
انا كنت عارف انها تخاريف
م الصعب تكمل
أو تنط السور
...

موضوع: رد: فضفض ..... الجمعة فبراير 24, 2017 9:43 am

اليوم دا لما صحيت
مصحتش متنكد
ومجابش فيه الحزن فيا إجوان
ولعبت ويا قرودي
في الصاله
ومشيت وراهم - حبي - للأوضه
وغسلت روحي بضحكتين
م الست
..
اليوم دا كان ..
تنكيت
بيشد ف حموضة الحجات
وبيختبر عشرتنا والأهة
انا كنت عارف انها تخاريف
م الصعب تكمل
أو تنط السور
...
اليوم دا صاحب مات
بيعزي روح الكوكب
المكسور

موضوع: رد: فضفض ..... الجمعة فبراير 24, 2017 11:27 am

اليوم دا لما صحيت
مصحيتش متنكد
ومجابش فيه الحزن فيا إجوان
ولعبت ويا قرودي
في الصاله
ومشيت وراهم - حبي - للأوضه
وغسلت روحي بضحكتين
م الست
..
أنا كنت صاحي بظبط الرؤيا
بأعدل بواقي الصبر ف عروقي
وبالم أخر سطر جايز بيه
أعمل قصيده بعيده
ع الأحزن
..
اليوم دا كان ..
تنكيت
بيشد ف حموضة الحجات
وبيختبر عشرتنا والأهة
انا كنت عارف انها تخاريف
م الصعب تكمل
أو تنط السور
...
اليوم دا صاحب غاب
م الكوكب المكسور
..
كلنا اموات أصلا ومفيش

موضوع: رد: فضفض ..... الجمعة فبراير 24, 2017 11:34 am

اليوم دا لما صحيت
مصحيتش متنكد
ومجابش فيه الحزن فيا إجوان
ولعبت ويا قرودي
في الصاله
ومشيت وراهم - حبي - للأوضه
وغسلت روحي بضحكتين
م الست
..
أنا كنت صاحي بظبط الرؤيا
بأعدل بواقي الصبر ف عروقي
وبالم أخر سطر جايز بيه
أعمل قصيده بعيده
ع الأحزن
..
اليوم دا كان ..
..
تنكيت
..
بيشد ف حموضة الحجات
وبيختبر عشرتنا والأهة
انا كنت حاسس انها تخاريف
م الصعب تكمل
أو تنط السور
...
اليوم دا صاحب غاب
م الكوكب المكسور
..

موضوع: رد: فضفض ..... السبت فبراير 25, 2017 5:47 pm

الكون مسكون ببشر وحجات
الكون حكايات مش أصلية
تركيبة حلم بدون نهايات
وسذاجة خطوة معدية
..
خلاط مضروب ومشاعر تيت
وحكاوي ف دوامة التثبيت
الكون تبكيت
وشعاره حجات
..
مسموحة ف بند التسلية

موضوع: رد: فضفض ..... السبت فبراير 25, 2017 6:03 pm

اختفاء الحلم ..حالة
وانتهاء الفرح حال
..
نفسي أرجع تانى ليا والقي روحي ف كم عيل
تبتسم وسط العيال

موضوع: رد: فضفض ..... الأحد فبراير 26, 2017 5:30 pm

بخاف جدا افارق ناس
يكونوا مأثرين فيا
ف برسم ليا كام برواز وأحاول ابقى ع الهامش
عشان لو يمشوا
متكسرش
..
ولو يبعدنى عنهم شئ
يقولوا دا كان
بعيد م الناس وقضى حياته في البراويز
وعايش عمره
ميقدرش
..
وقضيت عمري وحدي / صحيح
وروحي ورا اللي غابوا تدور
كسور بتصد عصف الريح
وريح بتخلي ناي مكسور
يغني بجد إحساسه
وكسرة روحه
متأثرش

موضوع: رد: فضفض ..... الإثنين فبراير 27, 2017 10:37 am

أنا مش مسكون بالطيبة
ولا فاتح قلبي بيوت
أنا أكتر واحد قادر
علي حب الوحدة ..
يموت
...
براغيت الناس ف عيوني
وبقضي الليل ف جنوني
كان نفسي أغير لوني
وأعمل م الرغي
سكوت
...
وهقولك ..طظ ... وخفي
وبلاش م الناس .. تتصفي
واقف والوحدة ف صفي
بتقولي تعالى
وفوت

موضوع: رد: فضفض ..... الثلاثاء فبراير 28, 2017 6:28 pm

المصطبة
مبقتش سايعه الضحك ليه ..!!
والصهد جي ف عنفوانه يدوس علي اللي حلمت بيه
والخوف بيقبل دعوتك ..
ع الشاي
للحيط - تاريخ - مبيعرفوش نساي
مش كنت رايح .. عفي ..!!طب ليه ف كسرك جاي
وازاي ف قلب الضل
مهما التفت
....
بتضيع
..
مين اللي قال ان الوشوش محتاجة للتطبيع لاجل انت تعرفها
..
دي النظرة جوي الروح للروح بتصرفها
..
والباقي بس رتوش
....
المصطبة هتبوش
لو فتنا لمتنا
..
ايه اللي لو نختار
نزرع ف قلب الدار
بذرة لقا ونهار...
يقدر يموتنا
..
يا مصطبات الروح
سيبي الديوان مفتوح
لاجل الحقيقة تبوح
ولا حد يسكتنا

موضوع: رد: فضفض ..... الأربعاء مارس 01, 2017 8:12 am

واليوم مجمع الوانات غامقه
داخلين سبق للروح
والناس اذاعة حزن حصرية
والوحدة نكته بتظبط
..
الافيه
..
والمشكلة الأزلية أخر اليوم
بأفشل أوضح خنقتي
من ايه

موضوع: رد: فضفض ..... الأربعاء مارس 01, 2017 8:52 am

الكراسة اتقطعت مني
وليه الحصة ما بتعديش
عم مشيل نسي جرس الفسحة
وأبلة سهام بدأت تفتيش
صف وتانى وقربت ليا
ضربت واحد كان قبليا
واما عنيها اتخبطت فيا
تهته قلبي وقال ...
ماتجيش
...
وقفت جمبي وشافت روحي
ماشية بترجف ع الكراسه
قلت ف بالي تعالوا خدوني
ولا هاتولي بدالكوا حراسه
ليه سايبيني لوحدي ف حصة
ماسكة ف ياقة خوفي الخاصة
كل ما أرص تبوظ الرصة
وترجع روحنا بخوف
متعاصه
قالت فين كراستك راحت
قلت إتقطعت غصب عني
ضحكت واما عنيها اتسعت
نطت كام عفريته ف سني
وقبل ما تبدأ ...
جرس الفسحة
قرر بعد النومة دي يصحي
قالت إوعي تصدق مزحة
انك قادر تهرب
مني
من وقتيها وروحي أساسا
ماشية بتعرج وسط السرب
كل جداول عمري إتقلبت
من حلاوتها
لجدول
ضرب

موضوع: رد: فضفض ..... الخميس مارس 02, 2017 6:37 am

شعرك بياضه بيعزمك ع الريح
و بقيت تخبي النهجة ف البيت
م الحيطان
نهتان وروحك ...كل ما دا تسيح
وفسيح ..
كإنك
علبه م الألوان
..
عمرك بيمشي وماشي تسند فيه
وإزاي بتعمل م الوجع ...إفيه
دا السطر أوسع سكة لك ...للنور
خليه يشد كتابنا ...ويصفيه
..
من كل نقطة عديمة الاحساس

موضوع: رد: فضفض ..... الجمعة مارس 03, 2017 10:38 am

كل عاشق
ساكنه خوف
ماشي ف ميدان الظروف
كعبل الحزن الحروف
فاستدانت م الجنون
..
مين يقول إن كنت عاشق تبقي راشق
ف السكون
..
دي العيون شباكها مرمر
والوجع بالنظرة يحضر
مين يحب التاني أكتر ..
مش سؤال
..
شوفي قسمة قلب بينا
ليها ألفين إحتمال
..
وانت ماسكة ف رد فاضي
..
...
....
أوعي ترضي العتمة فينا
بالسكوت الافتراضي

موضوع: رد: فضفض ..... الجمعة مارس 03, 2017 6:10 pm

نفسك تفضفض فض إحساس الفراغ
وتضم بوح الدنيا ف عيون الحروف
نفسك تثبّت وسط تلافيف الدماغ
إن السعادة المطلقة
لو بس تقدر تبتدي
بالروح تشوف

موضوع: رد: فضفض ..... الجمعة مارس 03, 2017 6:10 pm

وارب شجونك والقلق واربه
فرغ كيعانك م اللي مش شاربه
بإيديك تكون وسط الوجع إنسان
وتعدى جيش الحزن وتحاربه
..

» فضفض .....
» فضفض .....
» فضفض .....
» فضفض .....
» فضفض ياكبير ..الى م عطية شواش