عشان الجنيه

_ _ " عشان الجنيه

بحاول أجيلك في نفس الميعاد
في نفس المكان
برغم ان بيني وبينك بعاد
مابينا زمان
وغربه وسفر
مابينا خطر
وقطر الغلابه برغم الغلاء
بلاء
التزاحم
وحلم ورجاء
بحاول أضحي بطيش الشباب
ونوم الطبيعه وهم الكسل
وعايش
وحاسس لقائك عذاب
عتاب الكرامة بداية العمل
وصبحك ح يبقى كئابة كئيب
عشان انت #عظمة في ظهر الجمل
ماتضحك يا عمي بلاش اكتئاب
والزم حدودك والا
الجبل
ح يسقط عليك
وحاول تضحي بظبط الوصول
وتغفر مشقة طريق الجدل
وحقك تلومني بشرط احترام
كرامتي وكرامتك يا إبن الكرام
مهو انت وضميرك
مصيري مصيرك
يا نهضة لروحنا يا موت الأمل
حكايتك غريبه طريقك بعيد
وعمري ما شوفتك في لحظة سعيد
وصوتك بيدوش
ودمك ثقيل
وبجري كأنك في عيني جميل
وبركب براق الحوادث اليك
وحافظ كرامتك وخايف عليك
وبحلم أشوفك في أعلى المناصب
وصاحب #جواهر وهادي ورزين
وبسمع خطابك تدور الدواير
عليا
وأضحك برغم
اني حزين
بموت الضحاية في حرب الجنيه
بنظلم ف روحنا وغربتنا ليه !!!
وليه
بحاول أجيلك في نفس الميعاد ؟
" " عشان الجنيه " "
#ضياء_الادريسي