أنا مين عشان .. ( أمدحه ) ؟!!! / ديوان قطرات من العطر الشريف

(( حباً وكرامة للحبيب المصطفي صلي الله عليه وسلم ))

(( في ذكري مولده الشريف ))

***
أنا مين عشان .. أمدحـــــــــــــه !!!


أنا مين عشان أمدحه ولّا أقول إسمـــــــــــه
محمد اللي أقترن إسمك مع إسمـــــــــــــــه
وانت اللي باب جنتك مكتوب عليه إسمــــــه
واحنا بيبان رحمتك حاندقها بإسمــــــــــــــه
وانا قلب حب النبي دايب ف نـــور إسمــــه


أنا اللي قلبي شعر ف الحب بالراحـــــــــــه
وبقيت ف حب النبي بالشعر صداحـــــــــــه
من عشقي ف المصطفي قلبي صبـح واحـــه
وبالصلاه ع النبي بالعطر فواحــــــــــــــــه
واذاي أطول أمدحه ولا أبقي مداحـــــــــــه


أعبد إله أرسله حبّـب عبـــــــــــاده فيــــــه
أعبد إله أرســـــله طمّن عبـــــاده بيــــــــه


واعشق جميع الخطي اللي بتسعــــي إليـــه
واعشق قلوب نفسها تجري تطوف حواليـــه
واعشق عقول نورت لمّا قرت معانيـــــــــه
واعشق عيون دمعها دايما بشوق يناديــــــه
واعشق لسان لم ذكر إلا الصلاة عليــــــــه


كل الحبايب هنا جايين عشان خاطــــــــــره
حافظين علوم النبي ماشيين علي سطــــــره
ناويين يزوروا النبي يتعطروا بعطــــــــــره
يارب لاجل النبي تغفر لأحبابـــــــــــــــــــه
وآرحم عباد أمته م النار عشان خاطــــــــره


محمد اللي إتولد وبقلبه عاش فاكـــــــــــرك
لايوم سجد للصنم ولا عمـــــــره كان ناكرك
وآما أصطفيته نبي بالحمد كان شاكـــــــــرك
ولا قلب يوم يذكره إن لم يكون ذاكـــــــــرك
كل الخلايق هنا طالبين شفاعـــــــة الحبيــب
محمد اللي أرتبط ذكره مع ذكـــــــــــــــرك


باامدح بقلبـــــــــــــــــــي أنا ولساني وعينيّ
ونزلت بحر الهوي من غير معدّيــــــــــــــــه
يارب لاجل النبي قوي الإيمــــــــــــــــان فيّ
دا انا جايه أمدح نبي من ربنا هديـــــــــــــــه


وإذاي بمدحي أطول اللي انت عليتـــــــــــــه
وقرنت إسمه بإسمـك م الخلق نقيتـــــــــــــــه
يتيم وأمّي حفظته علمته ربيتــــــــــــــــــــــه
ورفعته بين الأمم بالفضل رقيتـــــــــــــــــــه
وف سدرة المُنتهي حياك وحييتـــــــــــــــــــه
والقبله غيرتها بالكعبه آهديتـــــــــــــــــــــــه
واللي يزور كعبتك لازم يزور بيتــــــــــــــــه
وإذاي بمدحي أطول اللي أنت حبيتـــــــــــــه


اذاي أطول أمدحه بعدك يارب الكـــــــــــــون
اللي أصطفيته وجعلته خير الآنـــــام ف الكون
واللي منحته الرساله بأمـــــر كن فيكـــــــــون
واللي عطيته الوسيلـــــــــــه وهوه ليك ممنون

أحمد محمد حبيبك أبو المقام محمــــــــــــــود
طه يس مصطفي رحمة إله معبـــــــــــــــــود
يارب أنت العطا وأنت الكرم والجـــــــــــــود
أرسلته لينا نبي قال الإلـه موجــــــــــــــــــود
واحد مالهوش مثيل ولا له شبيهـه موجـــــــود


صدقنا قوله وآمنا وعرفنا بيه اللــــــــــــــــــه
وعرفنا إنه حبيبك وإنه رســـول اللــــــــــــــه
وانه نبينا وشافيعنا عندك ياعالي الجــــــــــــاه
واللي يصدق رسالته راح تتكتب له نجـــــــــاه


وانا مين عشان أمدحـــــــه بعد الصفات ديّـــه
وانت اللي مدحـــه لنــــا بآيات إلاهيـــــــــــه
أرسلته رحمـــــــه عظيمه للعالمين كافــــــــه
ورفعت إسمــــه ف آذانك بشهاده آبديــــــــــه


القلب قال إمدحي والرك ع النيــــــــــــــــّـــه
من عشق نور النبي صبح المديح غيـّـــــــــــه
ياريت يانورالنبـــــــــــــــــــي تسكن أوام فيّ
وأجعل مديحي دوا يشفي القلوب ديـــــــــــــه
وأمانه يامصطفـــــي ماتسيبني وحــــــــــــديّ
دا انت شفيع أمتــــك من ربنا هديـــــــــــــــه
لوعشت مليون سنه مداحـــــه نبويــــــــــــــه
أخاف ف يوم الحساب يقع الصــــــــــراط بيّ
عشان كلامي عجز يوصف
(( حبيــــــــب الله ))

وانا مين عشان أمدحه هوه
(( النبـــــــي ))

شويه
!!!!!!


************

زينات القليوبي

الاستاذه الفاضله زينات القليوبي المبدعه
الرائعه
تقبلي مروري واسمحي لي انكي شاعره عظيمه شاعره العصر الحديث
لما تتمتعي من مهاره وانتقاء الكلمات والمواضيع الشيقه
تقبلي مني كل احترام وتقدير زكي الصمادي