فضفض .....

موضوع: رد: فضفض ..... الأحد ديسمبر 07, 2014 10:54 am

ويا خاله لمي النوي وشوفيلي م الطالع
قلب الغلابة إنكوي وضي البعيد والع
قلت لي كيف المسير
لو لسه رافض تغير
عاجبك طريق الأسير ...
وتقولي مش سامع

إسكن ف حس الوجع رحرح رغيف خوفك
بتقولي شوفي الودع ...والدنيا بتشوفك
عيل بليد الوتر والحجة دي ظروفك
مصروفك اللي اتصرف
جابلك أمل
دالع

ويا خاله خفي اللوم خلي الألم مستور
متصحصحيش القوم ولا تفتحيش النور
مسرور كبير الوطن كل الوطن مسرور
والسيف خلاص ابتدي
وم الجراب
طالع

موضوع: رد: فضفض ..... الخميس ديسمبر 11, 2014 5:14 am

ضد انعطاف الروح علي أنة السكة
أرضك كتاب مفتــوح لو مهما تتكي
دي المعطيات ألوان
بتــطل م العنوان
والفــجر بكره يبان ..ويجمع الفــكه

موضوع: رد: فضفض ..... الخميس ديسمبر 11, 2014 8:26 am

انا كنت ساقط قيد
والدنيا مش قابلاه
واما ابتسمتي لقيت
اسمي الندي وياه
والدنيا بتفتح
والورد بيصبح
والسكة بتفسح
كل اللي تتلقاه

انا كنت قبلك طيف
علي صفحة مشطوبة

موضوع: رد: فضفض ..... الخميس ديسمبر 11, 2014 8:39 am

انا كنت قبلك طيف
والصفحة مشطوبة
ووجودي ضحكة ضيف
بيعاكسة ليل طوبة
وياكي عمري اكتفي
ف عنيكي يلقي الدفي
صوتك بداية شفا
من أهة مغلوبة

موضوع: رد: فضفض ..... الخميس ديسمبر 11, 2014 10:01 am

والسهل مش بيوّصل المطلوب
والفجر طعمه بعد ليل ..بيبان
والمستحيل انك تموت مغلوب
لو جوه قلبك عشق للأوطان

موضوع: رد: فضفض ..... الخميس ديسمبر 11, 2014 10:20 am

السهل مش بيوّصل المطلوب
والفجر طعمه بعد ليل ..بيبان
المستحيل انك تموت مغلوب
والحلم ناقش خطوتك عنوان

نصر الحقايق حق ع المولي
والظلم جولة بتنصره وجوله
هتمد فيها الحرف ..والأولي
تبدأ تصحح في الوجع انسان

وتشد شادي الشر وتزيحه

موضوع: رد: فضفض ..... الخميس ديسمبر 11, 2014 10:26 am

وتشد شادي الشر وتزيحه
وتهد بيت الفرقة وف ريحه
نبني الوطن ويجينا تصريحه
إن احنا ضحكة ف سكة الأوطان

موضوع: رد: فضفض ..... السبت ديسمبر 13, 2014 10:37 am

عين الحسود بتعود والعود بيحرقنا
والرقوة لما تجود ...بالدود تفرقنا
متجمعين أفواج
محروم علي محتاج
قلبك مدينة عاج .. إحساسه غرقنا

موضوع: رد: فضفض ..... السبت ديسمبر 13, 2014 10:50 am

عين الحسود بتعود والعود بيحرقنا
والرقوة لما تجود ...بالدود تفرقنا
متجمعين أفواج
محروم علي محتاج
قلبك مدينة عاج .. إحساسه غرقنا

شدي النفس مقطوع لفينا ع الاصلي
الضحك لو ممنوع ليه جي لمفاصلي
بتهز من غير صوت
قلب الندي بيموت
يا مريحه النبوت ع القلب ..بتواصلي

السهل مش مفتاح ...بيوّصل المطلوب
والفجر طعمه براح لو هل بعد غروب

موضوع: رد: فضفض ..... السبت ديسمبر 13, 2014 11:34 am

عين الحسود بتعود والعود بيحرقنا
والرقوة لما تجود ......بالدود تفرقنا
متجمعين أفواج
محروم علي محتاج
قلبك مدينة عاج .. إحساسه غرقنا

شدي النفس مقطوع لفينا ع الاصلي
الضحك لو ممنوع ليه جي لمفاصلي
بتهز من غير صوت
قلب الندي بيموت
يا مريحه النبوت ع القلب ...بتواصلي

واصلي طريق اللوع وارتاحي ف الأخر
وان كنت غاوية الدلع شوفي دلع فاخر
يمكن ينوبنا مناب
من جملة الأحباب
واربي الأمل ع الباب والقلب مش صابر
.....
.......
........
السهل مش مفتاح بيوّصل المطلوب
والفجر طعمه براح لو هل بعد غروب
بكرانا جي أكيد
مهما الوجع بيزيد

موضوع: رد: فضفض ..... السبت ديسمبر 13, 2014 1:57 pm

الواد دا مهما البرد يتعافي
يقلع هدومه ينط ف المجري
ويصيد شواشي الريح
فاتح ضلوعه يدفي بيها الطير
والنخل لما يصيح
بينقي دود الحزن
وبيبدر التباريح
وبلاده قبة سما
جواها كوكب نما
واما البشر تطلبه
مبيحتاجوش تصريح

موضوع: رد: فضفض ..... الأحد ديسمبر 14, 2014 3:39 am

كان نفسي أعقل قبل ما تجنن
وأكتب ف وش الحزن لو ييجي
من قلب روحي
طظ
ويحنن
كان نفسي أرمي المركبة للموج
تقدر تكمل حلمنا المعووج

موضوع: رد: فضفض ..... الأحد ديسمبر 14, 2014 9:53 am

الليل طويل التيله وبيغزل جواه جنون الوقت أحلامك

موضوع: رد: فضفض ..... الأحد ديسمبر 14, 2014 11:48 am

يحنن
ومتحلموش
دا العرض فض

موضوع: رد: فضفض ..... الأحد ديسمبر 14, 2014 11:56 am

سيبوا اللي ماتوا يفرحوا حبة
وبلاش تعيدوا اللعب من تاني
وازاي يموتوا مرتين..
صـعبة

موضوع: رد: فضفض ..... الأحد ديسمبر 14, 2014 12:00 pm

كان نفسي افرد قلبي لما يجيك
واكسر تجاعيد الزمن م الوش
معرفش ليه لما اتلمس ب إيديك
بدأت حكاوي الحلم فيه بتكش

موضوع: رد: فضفض ..... الأحد ديسمبر 14, 2014 1:43 pm

مالوش عازة
تشيل الحلم ف قزازة
وتسكر بيه
حبيبتك راضية بالسيد
هتزعل ليه
حبيبتك ضلعها أجوف
وفيها القهر بيسقف
بلاش قدامها يوم توقف
بدال ما تعكنن الضحكة
وقلبك ..
تدهسة وترميه

وسيب النومة للنايم
وسيب العومة للعايم
دا قلب الضي لو هايم
حبيبتك قلبها الطيب
بيمسك خيطه
ويطفيه

موضوع: رد: فضفض ..... الإثنين ديسمبر 15, 2014 10:20 am

ودعكت لك فوانيس ولقيت لك المارد
قلت له علّي مقام أصل الامام شارد
وعملي دقة زار والدق ع البارد
وطلعنا فوق للسما والشمس بتحده
ورصفنا شارع نور وعملنا هليله
جمعنا ياما زهور بيظبطوا الليله
وكسرنا ناب السور والفرح بالكيله
والضحك جه مسرور والقلب بيشده
وصحيت علي المزازيك بتص لي وداني
من فين يا شعب أديدك من فقرنا الداني
ولقيت فانوسي ياناس م العتمة ناداني
قاللي انت جيبت فانوس ..
عفريته علي قده

موضوع: رد: فضفض ..... الإثنين ديسمبر 15, 2014 10:54 am

وحدي أواجه دمدمات الريح
وأراقص الثعبان في خطو كسيح
وحدي وكل الأرض في زهو تصيح
,,ماعاش من كانت سعادته
لنفسه,,
...
القلب يضحك بينما الأحزان تعبر يومه من درب أمسه
...
والكل يمتص الشفاه
وهمهاتهم الكئيبة تحتويني
-يا ويح قلبي انه
ولد جريح-

موضوع: رد: فضفض ..... الثلاثاء ديسمبر 16, 2014 5:01 am

وحدي أواجه دمدمات الريح
وأراقص الأزمان في خطو كسيح
وحدي وكل الأرض في زهو تصيح
,,ماعاش من كانت سعادته
لنفسه,,
...
القلب يسكر بينما الأحزان تعبر يومه من درب أمسه
...
الكل يمتص الشفاه
وهمهاتهم الكئيبة تحتويني
-يا ويح قلبي انه
ولد جريح-

ملعون ابوكم ع الولد علي كل حاجة وحد
طفل الشوارع مش رقم لو تحتاجوه يتشد
ولا طوبة بتزين الرصيف مهما الرصيف يتمد
انا حد بيحد الوجع لو كانله صدفه الحد
وبجد لو مد الزمن هتتلاقوا منه الجد
هتشوفوا نجماية النهار
ف الضهر لما تسيح

وحدي اواجه دمدمات الريح...!!!؟

موضوع: رد: فضفض ..... الثلاثاء ديسمبر 16, 2014 9:41 am

الورد ماشي بيقطف العاشقين
والنسمة خارجة تشمنا بدري

موضوع: رد: فضفض ..... الأربعاء ديسمبر 17, 2014 8:32 am

وبلاش تعيدوا اللعب من تاني
سيبوا اللي ماتوا يفرحوا حبة
طب ليه تزيدوا فضحكة الجاني
وازاي يموتوا مرتين..صـعبة

موضوع: رد: فضفض ..... الأربعاء ديسمبر 17, 2014 9:40 am

كان نفسي اعالج ضحكتي وارتاح
واكسر حضور النوة ف ضلوعي
اسند مشاعري ف كرمة التفاح
يسندني صوت الفرح من جوعي

موضوع: رد: فضفض ..... الخميس ديسمبر 18, 2014 3:36 am

بحبك ونفسي أسافر في قلبك
ونوصل لأبعد حدود المجرة
عيونك تاخدنى لقلب الحكايه
وتوصل معايا
لأجمل مسرة

موضوع: رد: فضفض ..... الخميس ديسمبر 18, 2014 3:43 am

الواقع زفت وانت اللي ضعيف
الحلم تمللي بيتمرجح علي كف كفيف
الأرض بتهوا اللي يشوطها
مش يحضن فيها ويعشقها وخياله سخيف

» فضفض .....
» فضفض .....
» فضفض .....
» فضفض .....
» فضفض ياكبير ..الى م عطية شواش