صباح الخير

صباح الخير
...............
صباح الخير يامحروسه
من كل عين حاسده
من كل إيد فاسدة
من بياعين الزيف
من شياطين الإنس
صباح الخير
صباح الخير يابهية
ونشرب ميه م القله
وناكل فول من القدره
ونخلص سوا من القله
عالم ناقصه عالم فاجرة
ناس بايعين لحضارتنا
ناس كارهين للمتنا
وأتحدى يكون مصري
أو عاش حتى فى حواريها
هقولهالك هنا حصري
وفخري إني أكون مصري
نموت احنا ونحميكى
ونرعاكي ونفديكي
بأرواحنا وأولادنا
ومهما نرد فى جمايلك
مش نككفي ياست الكل
صباح الخير
على فلاح راعى أرضه
على أب ساتر عرضه
على الجندى اللى حارسنا
على شيخ فى زاويه ع الناصيه
على الكل فى مدارسنا
صباح الخير على البايس تراب رجلك
على أمى وعلى أبويا
على المسلم وع النصرانى فى كنيسته
صباح نادي
على ولادي
صباح الخير
ونتجمع هنا تانى
نحيي سوا في علمنا
ونخليها قدامنا
وتبقى هي أحلامنا
فداكي يامصر
صباح الخير
......................
شاعر الاحساس
عبدالتواب الرفاعي

صباح الفل يا عم عبده
عليك وعلى مصر وعلى المصريين
دام الابداع ودامت الوطنية

الشاعر الكريم / عبدالتواب الرفاعي
صباح نادي على اولادها
وورد أبيض مع النسرين

وليل هادي على دروبها
بكوب الشاي مع الحلوين

دا مصر أمنا الغالية
حماها الله من الشياطين

سلمت يداك خالص تحياتي