شخصية عمنا احمد فؤاد نجم

عم الشعراء احمد فؤاد نجم
*************

كان فقير وثورجى

من فقره عارف منهجى

كان بيمشى فى الشوارع

دون حراسه وعصبجى

********
كان بيشرب شاى معانا

كان صديق للاهوجى

كان يقول الشغل قيمه

يبوس حصان العربجى

كان يعادى ابن اللئيمه

اللى غير مذهبى

قال عليه بتاع وليمه

جاى بيجرى فى ملعبى

جاب معاه فرقه عميله

فى المكر داهيه وثعلبى

لما دخلوا ع الحظيره

قصوا رجلى بمخلبى

بكره ياخدوا بالقديمه

م الشعب قبل الاجنبى

********
يانجم باقيه كلمتك

الفقير حافظ جميلك

قوم ياشعب بهمتك

اللى خانك عن يمينك

دا النجم اصل لثورتك

فى السجون سابق اوانك

قال حاكمنا فى جزمتك

بالصمود اثبت مكانك

وياشعب احذر ضرتك

اللى قاعده عن شمالك

******

قلتها وريحت بالك

للى حبسك واللى هانك

وعمرك ماخفت يوم

ربنا يحسن ختامك

أخي العزيز الشاعر / مجدي سرحان
عمل جميل أخي
.........
قلتها وريحت بالك

للى حبسك واللى هانك

وعمرك ماخفت يوم

ربنا يحسن ختامك
.....
أمين

شاعرنا الفاضل عماد عبدالحكيم
تحيه طيبه لحضرتك
اشكرك على مرورك الطيب
وربنا يرحمنا جميع برحمته
ويغفر لعمنا احمد فؤاد ويفسح له فى قبره
تحياتى لحضرتك
دمت بخير

   
الله عليك استاذ مجدي
احنا افتقدنا عم نجم الانسان
ولكن لن نفتقد اشعاره وكلماته
ربنا يرحمه

استاذنا الكبير وشاعرنا المبدع عادل عوض
تحيه طيبه لحضرتك
قبل اى شئ انا لسه بضحك لحد الان على المساجله بتاعتك مع الشعراء الافاضل عمى عطيه ورضا فايد ورضا محمود على الفس بوك
ثانيا اشكرك على مرورك الراقى الذى اسعدنى الكثير
وعندى سؤال يااستاذى انا لاارى احد فى المنتدى يذكر شاعرنا الراحل احمد فؤاد نجم
هو احنا ح نعمل زى الاخوان ولا ايه لابد ان نتكلم على ابداعات هذا الشاعر الوطنى الوفى لبلده الحبيبه مصر
استاذى الكريم
دمت دائما استاذنا الفاضل وشاعرنا المبدع
تحياتى لحضرتك
دمت بخير وسعاده

الاخ الفاضل بهاء الدين
تحيه طيبه لحضرتك
اشكرك على مرورك الراقى واسأل الله ان يتغمد عمنا احمد فؤاد برحمته
طبعا ياعم بهاء مفيش فى مصر حد زى عمنا احمد فؤاد
كان بيقول للظالم انت ظالم فى وشه وكلن عارف انه راجع السجن فعلا كان شاعر الفقراء
انما كل شعراء جيله كلهم عايش لحد الان زى النعام رؤسهم تحت الرمال وكانوا منافقين للحكام
وعلى رأسهم الابنودى
ربنا المستعان عموما ياعم بها كان فيه بيت شعر بيقول

تموت الاسد فى الغابات عوجعا ** ولحم الضأ يرمى للكلاب
ابوجهل ينام على الحرير ** وذو علم ينام على التراب
تحياتى ياعم بهاء
دمت بخير

شاعرنا الكبير واستاذنا الفاضل طارق منيب
تحيه طيبه لحضرتك
اشكرك على مرورك الراقى نعم يااستاذى الرحمه تجوز للحى والميت
ندعوا الله ان يرحم شاعرنا الكبير فؤاد نجم ويرحمنا جميعا برحمته
استاذى الكريم
دمت بخير وسعاده
تحياتى لحضرتك

مجدى سرحان كتب:

شاعرنا الكبير واستاذنا الفاضل طارق منيب
تحيه طيبه لحضرتك
اشكرك على مرورك الراقى نعم يااستاذى الرحمه تجوز للحى والميت
ندعوا الله ان يرحم شاعرنا الكبير فؤاد نجم ويرحمنا جميعا برحمته
استاذى الكريم
دمت بخير وسعاده
تحياتى لحضرتك

آمين .. آمين