رسالة ..الي أحمد فؤاد نجم

رسالة الى أحمد فؤاد نجم

(( يامة مويل الهوي ..يامة مويليليا ..طعن الخناجر ولا حكم الخسيس فيا ))

حكم الخسيس يانجم
وبقيت بخاف م الطعن
دانا حتي سيفي الخشب
بدلتة سب ولعن

طلع الخسيس ع البلد
غابت يوميها الشمس
صرخ المخاض عندها
مولود ف ساعة نحس

شب الولد ع الخوف
خاف م الخسيس والطعن
حبس الكلام ف الجوف
نطق الخنوع و الجبن

قاعد بقول الشعر
واوصف دوا المجاريح
والجرح عندي أنا
وابني ف مهب الريح

اشتم وقول شعركم
ما الشعر ف البورصة
من أمتي بنت الهوي
بتخاف من الجرسة

((سألت شيخ الطريقة مرضيش يجاوب سؤالي ..وداري عني الحقيقة وسابني تايه ف حالي ))

شيخ البلد يا ملك
معدتش له طريقة
لا في طريق ف البلد
ولا حتي في حقيقة

مولد كبير واتنصب
وبيرقصوا المجاذيب
والشيخ ف خيمتة العجب
بيرقي ف المحاسيب

يكتب حجاب بجنيه
والرقوة ببريزة
والفتوي بتحطها
بأسم الولي عزيزة

الشيخ يانجم خلاص
راكب شبح طيار
والي ولي النعم
ازاي يكون كرار؟؟

(( سألت شيخ الاطبا دوا الجراح اللى بيا ...نظر لي نظرة محبة وقال دوايا بأيدايا ))

غلب الطبيب يا بطل
ومنين يجيب وصفات
الطب عقله عطل
والدود صبح أنماط

سرطان فظيع انتشر
بيمص دم الناس
العضو ده يتقطع
حيلوث الاحساس

شيخ الاطبا وقال
والحكمة معقودة
ان الدوا في الايد
لو همة موجودة

وصف الطبيب الرزين
واديا مشلولة
لو بس أفك الايدين
راح تهرب الغولة

اخى العزيز الغالى شاعرنا الجميل المتميز والمتألق دائما
الاستاذ محمود جمعة

نحياتى وتقدير وشكرا على امتاعنا بتلك القصيدة الرائعة
رسالة الى احمد فؤاد نجم 0 ولا املك الا ان اقول :

انت اللى نجم النجوم
ياحبيبى ياجمعة
شاعر بكل الهموم
م السبت للجمعة
مبدع وشاعر اصيل
والدنيا اهى سامعة
بتقول وقولك جميل
ياحبيبى ياجمعة

ودمت بكل خير ومحبة وسعادة ودام ابداعك الرائع0

ياعم المشاعر وبالكل شاعر

وعاوز يقلد بكاك كل شاعر

ونفسك تغير وتبقى الشريعة

ترفرف تغطى حدود البسيطة

وصوتك أذانك يجمل حياتك

وتجرى بسيفك تحرر بلادك

دمت يا جميل

إستني عليه ياحلو أما أجهز لك رد يليق بمقامك

تحياتي مؤقتآ

تثبت رائعتك بواسطتى

ثم أعود لفنك وابداعك الجميل

دمت بحب وخير

جميل استاذ محمود
و لو كان نفسى أقرأ قصيدة نفسى أقرأ قصيدة نجم
اللى خلتك تكتب قصيدة حلوة كده

محمود جمعة كتب:: رسالة الى أحمد فؤاد نجم

(( يامة مويل الهوي ..يامة مويليليا ..طعن الخناجر ولا حكم الخسيس فيا ))

حكم الخسيس يانجم
وبقيت بخاف م الطعن
دانا حتي سيفي الخشب
بدلتة سب ولعن

طلع الخسيس ع البلد
غابت يوميها الشمس
صرخ المخاض عندها
مولود ف ساعة نحس

شب الولد ع الخوف
خاف م الخسيس والطعن
حبس الكلام ف الجوف
نطق الخنوع و الجبن

قاعد بقول الشعر
واوصف دوا المجاريح
والجرح عندي أنا
وابني ف مهب الريح

اشتم وقول شعركم
ما الشعر ف البورصة
من أمتي بنت الهوي
بتخاف من الجرسة

((سألت شيخ الطريقة مرضيش يجاوب سؤالي ..وداري عني الحقيقة وسابني تايه ف حالي ))

شيخ البلد يا ملك
معدتش له طريقة
لا في طريق ف البلد
ولا حتي في حقيقة

مولد كبير واتنصب
وبيرقصوا المجاذيب
والشيخ ف خيمتة العجب
بيرقي ف المحاسيب

يكتب حجاب بجنيه
والرقوة ببريزة
والفتوي بتحطها
بأسم الولي عزيزة

الشيخ يانجم خلاص
راكب شبح طيار
والي ولي النعم
ازاي يكون كرار؟؟

(( سألت شيخ الاطبا دوا الجراح اللى بيا ...نظري نظرة محبة وقال دوايا بأديا ))

غلب الطبيب يا بطل
ومنين يجيب وصفات
الطب عقله عطل
والدود صبح أنماط

سرطان فظيع انتشر
بيمص دم الناس
العضو ده يتقطع
حيلوث الاحساس

شيخ الاطبا وقال
والحكمة معقودة
ان الدوا في الايد
لو همة موجودة

وصف الطبيب الرزين
واديا مشلولة
لو بس أفك الايدين
راح تهرب الغولة

الشاعر المبدع الرائع الاستاذ محمود جمعه

رائع جدا جدا جدا

ارتويت من روعه وجمال معانيك

بارك الله فيك

الله عليك

تسلم أيديك

ده انت اللى مبدع واستاذ كبير

بتلمس قلوبنا بفنك وشعرك

وقدر الكبير انه يفضل كبير

تقبل مرورى وتقديرى

المبدع / محمود جمعه
يسعدني دائما المرور علي صفحتك
لأني دائما ماأجد فيها ضالتي الشعريه
فكرا وابداعا
دمت بخير

الله يجازى اللى وأد الشعر ف التاســـع
وهو أصل الجمال في كل خلق الله
الكلمة صابت بسهم الشوف مدي واسع
لكن منين اللى يدي للكلام معناااااه
....
يا مفرطين ف الكلام الدر والألماس
ومطلعين النهود فوق أم رقبينا
الضلمة صبحت حكم لما انعدم احساس
واتفرقت أمنا من غير وجود (مينا)
....
يا صولجان الجهالة ومشنقة للبوح
وقفت اقول للخلايق صحصحوا فوقوا
قامت علي القيامة والفؤاد مدبوح
وابو جهل واقف ونافخ صدره وعروقو
....
ولحد ايمته ياحق ف أرضنا ح تضيع
وندرو نهاتى بصوتك في بوادينا
ولا حـد فيها بيعقل قول ولا سمّيع
مهو أصله كله مبحلق ف ارتعاش.دينا

( سألت شيخ الاطبا دوا الجراح اللى بيا ...نظري نظرة محبة وقال دوايا بأديا ))
_____________________
=
نظـر لي نظرة

قصيدة (يا امه مويل الهوى) للشاعر أحمد فؤاد نجم أخترت منها مقاطع لامست

إستعدادك أصلاً لكتابة قصيدتك الرائعة هذه
دمت شاعراً رائعاً

وداد الهــــــــــــــوارى

الاخ الحبيب الشاعر

محمود جمعه

الشاعر المتمكن هو الذى يعرف ماذا يكتب كى

يجذب له القاريء .

الشاعر احمد فؤاد نجم عرف جيداّ يجعل الناس

تلتف حوله من شعبية حرفه ومعالجة آلام الناس

وانت هنا ببراعة الشاعر ضفرت نص من نصوص

احمد نجم وإفتعلت شطرات ولا ابالغ إن قلت اعلى مستوى

من الأصل . والله ابدعت وابهرتنى تلك المعارضه الرائعه

الله ينور اخى محمود وسلمت يداك .

مودتى وتقديرى ...

[quote="فوزي الشربيني"]
اخى العزيز الغالى شاعرنا الجميل المتميز والمتألق دائما
الاستاذ محمود جمعة

نحياتى وتقدير وشكرا على امتاعنا بتلك القصيدة الرائعة
رسالة الى احمد فؤاد نجم 0 ولا املك الا ان اقول :

انت اللى نجم النجوم
ياحبيبى ياجمعة
شاعر بكل الهموم
م السبت للجمعة
مبدع وشاعر اصيل
والدنيا اهى سامعة
بتقول وقولك جميل
ياحبيبى ياجمعة

ودمت بكل خير ومحبة وسعادة ودام ابداعك الرائع0

أستاذي فوزي الجليل
والفوز اكيد ليا
ورد الكلام الجميل
والحب ملاغية
شاعر حقيقي واصيل
عندي انا غية
اسمع نسيمه العليل
واعيد كمان مية

منصور غيضان كتب:: ياعم المشاعر وبالكل شاعر

وعاوز يقلد بكاك كل شاعر

ونفسك تغير وتبقى الشريعة

ترفرف تغطى حدود البسيطة

وصوتك أذانك يجمل حياتك

وتجرى بسيفك تحرر بلادك

دمت يا جميل

مهما حقولك يا منصور غيضان

ياشاعر وشعرك خلاصة زمان

لانك ( زعيم ) وانسان عظيم

ايدك ف ايدي نصد الغيلان

م/عطية شواش كتب:: إستني عليه ياحلو أما أجهز لك رد يليق بمقامك

تحياتي مؤقتآ

استاذي الكريم الشاعر الاكرم المهندس عطية شواش

عشمتني بالحلق خرمت أنا وداني ...لا جيبت لي الحلق ولا سيبت لي وداني

ههههههههههههههههههههه

شرفتي أستاذي الكريم

ودمت لي أخا كبيرا واستاذا رائعا

خالص التقدير والاحترام

الشاعرة عزة الزرقانى كتب:: تثبت رائعتك بواسطتى

ثم أعود لفنك وابداعك الجميل

دمت بحب وخير

الشاعرة الرقيقة الاستاذة عزة الزرقاني

شرفتي وانرت متصفحي

مشكورة على التثبيت

وفي انتظار ردك الجميل

دمت بكل خير ومودة وسعادة

خالص التقدير والاعتزاز

عماد عبد السلام كتب:: جميل استاذ محمود
و لو كان نفسى أقرأ قصيدة نفسى أقرأ قصيدة نجم
اللى خلتك تكتب قصيدة حلوة كده

الاخ الشعر الاستاذ عماد عبد السلام

القصيدة اسمها موال فلسطيني ..وغناها ايضا الشيخ أمام ..رحمه الله ..وهذا هو نصها

يامه مُوَيل الهوى
يا أمه مويليا
طعن الخناجر ولا
حكم الخسيس فيا

الصبر حلم العواجز
يطرح زهور الأماني
والقهر عدَّى الحواجز
وأنا اللي واقف مكاني
شايف غيطان البشاير
خايف. وكانن إديّا
عدى الحمام اللي طاير
مارضيش يرفرف عليّا

سألت شيخ الطريقه
مارضيش يجاوب سؤالي
ودارى عني الحقيقه
وفاتني حاير ف حالي
سألت شيخ الأطبا
داوى الجراح اللي بيا
نظر لي
نظرة محبه
وقال دوايا بإيديا

يا مصر
وإنتي الحبيبه
وإنتي اغترابي وشقايا
وإنتي الجراح الرهيبه
وإنتي اللي
عندك دوايا
علمني حبك عِباره
سهله
وبسيطه
وعفيّه
شرط المحبّه الجساره
شرع القلوب الوفيه

يامه مُوَيل الهوى
يامه مويليا
طعن الخناجر
ولا
حكم الخسيس فيا

» رسالة الى الشاعر المصرى : أحمد فؤاد نجم من مواطن مصرى -
» فؤاد
» صبر الجمال
» آخر رسالة حب... أحمد سعيد موسى
» مالوش لازمة