اوعى تقوللى .. انت مصرى ..

                    قوللى طيب ..
لمّا تكره مصر يا ابنى
قوللى طب .. حا تحب مين ؟؟
لمّا بتشوّه رموزها ..
لمّا تتعمّد تدوسها ..
لمّا بتدمّر كنوزها ..
يبقى انت تبعت مين ؟؟
شفت إيدك لمّا قتلت ..
شفت إيدك لمّا حرقت ..
شفت غلّك كان ماليك
قوللى طيب ..
لمّا تحرق مصر يا ابنى
غيرها مين قوللى يتاويك ؟؟
لمّا تشرب نخب فرحك ..
{ خمسه يونيو }
لمّا تتشفى فــــ هزيمه !!
لمّا بتبين شماتة قلب اسود
فى إنكسار مصر العظيمه !!
تبقى إيه ؟؟
اوعى تغلط ..
او تقوللى انت مصرى
لأ .. ورب الكون يا ابنى
انت خاين ..
او جبان ومكانش باين
لمّا شفتك
وانت بتسد فـــ ودانك
لمّا تسمع ..
{ مصر يا امّه يا بهيه }
ولا تسمع ..
النشيد الوطنى يعزف
وانت تنزف غل اسود .
مصر مش ورث وورثته
عايزُه يبقى بدون هويه .
ليه بتفسد اى فرحه ؟؟
ليه بتصبح ذكرى جارحه ؟؟
حتى نصرة مصر عايز
بالغباء تفسد فرحها
قلبك الجاحد سمحلك
تشكر اللى فـــ يوم جرحها .
لأ ... وتستخدم سلاحه
اللى بالخسّه ودبحها
وأما جيت تملك زمامها
رحت نكّست فــــ علمها
رحت بيتدمر ماضينا
قمت جايب كل مجرم
حطه جوّه فـــ قلب سينا
وامّا قام الشعب رافضك
جيت بحقدك صبُه فينا
رغم ان ماضيك بيعلن
إنكم ... اصل الخيانه ..
عشتوا خُدّام العماله ..
إن كلمة مصر عندك
فى البطاقه .. مالها خانه
غلّك الواضح وحقدك
بيّنت فيك الجهاله
كفّك المصبوغ بدمى
كان لمصر اكبر رساله
لسّه نار الحقد والعه
هيّه عنوان النداله ..
خش تانى جوّه شقّك
وأشتغل فـــ الضلمه .. حقك .
بس اوعى فـــ يوم ماتظهر
يحرقك نور الطهاره
من آذان عالمدنه .. يدّن
تحرقك شمس الحضاره
اللى عاشقه مصر .. جداّ
مصر راح ترجع تغنى ..
راجعه تانى السمسيه
عيدها شال الغم عنى
جايه تدينا العيديّه ...                                        

                الاستاذ الجليل
ابن قنود
شرفت بمرورك وتواجدك على نصى المتواضع
واشكرك على كلماتك ..                                                  

                   الابن الشاعر الجميل
احمد عطا
اشكرك على تعليقك ووجودك الذى اثرى النص .
همستك مقبوله .. واظنك كتبتها للتأكيد على خيانة الابن .
بهمسك . { دا } انت خاين ..
انما لاتمت بصله للوزن .. فالقصيده من الرمل .
انت خاين / فاعلاتن
/0//0/0 ..
دانت خاين / فاعلاتن
/0//0/0 ..
شرفت بيك يا احمد واشكرك .
مودتى وتحيتى ...                                                  

الابن اسلام المصرى
اشكرك حبيبى على شعورك ومعايشتك للحاله التى كُتبت بها القصيده .
شرفنى مرورك ووجودك .
مودتى وتحيتى ...

الاخ الحبيب الشاعر
رافت المصرى
انت تشرفنى اى وقت واى نص تكر عليه فهو شرف لى ولحرفى .
نورت متصفحى واحييى حرفك الراقى .
مودتى وتحيتى ...

حبيبى الشاعر الجميل
احمد معيط
اشكرك اخى على كلماتك والشرف لى والسعاده فى مرورك ووجودك الراقى على متصفحى .
وانت شاعر احبه واحترمه واقدره .
تقبل مودتى ياغالى ...

اخى الحبيب والشاعر السامق
عماد عنانى
الروع هو تواجدك العطر على نص من نصوصى .
سعدت وشرفت بك اخى عماد .
مودتى وتحيتى ...

(اللّي بيفرَح يوم النَكْسَةْ)
وبيشمت ويقول بلا وَكْسَة
ويهَلّل.. لو (تِحصَل كَارثَةْ)
مش فاهِم مَعنى الأوطَانْ !
اللّي بيكره (أَهل بلادُهْ)
ويشوّه في تاريخ أجدَادُهْ
وبينكر عـ الجيش أمجَادُهْ
يبقى أكيد..خاين وجبَانْ !
اللّي بيقتل جُندي في سينَا
ويرُوح ويصَاحِب أعَادينَا
وبيزْرَع بالشّوك أراضِينَا
عايش عـ الزُور والبُهتَانْ !
اللّي يقول حاوريني ياطِيطَةْ
واللّي يصدّق.. فِكرة عَبيطَةْ
واللّي بيخدَع (خَلْق بسيطَةْ)
عُمرُه ما يبقى في يوم إنسانْ !
اللّي يعَطّل (مِترو وجَامعَةْ)
ويراهِن على يوم الجُمعَةْ
ويتاجِر في الدّين (للسُمعَةْ)
كُل النّاس هتشُوفُه شيطَانْ !
اللّي بيُخطُب وِدّ أوبَامَا
وبيرفَع شعَارات هَدّامَةْ
ويدّخَل مصر فـ دوَامّةْ
مَعروف على مَر الأزمَانْ !

استاذ عماد عبد الحكيم
شرف لى ان تمر وتقرأ احد نصوصى
والاختلاف فى الراى لايفسد للود قضيه
وهذا ما تعلمناه .
اشكرك على مرورك وتعقيبك المنتظر .
مودتى وتحيتى ...

اخى الحبيب الشاعر الجميل
رضا محمود
اقسم بالله بعد مافعلوه بمصر لابد ان تعود محاكم الثوره .
فكل من يقبض عليه حاملا سلاح او ثبت عليه القتل او الحرق او التخريب اعدام فورى .
من يخرب مصر ليس منها .
ومن يحرق مصر عدو لها .
وهم لاينتمون الى مصر ولاتعنيهم .
فإلاعدام اولى بهم .
كلماتك نورت صفحتى وتسلم ايدك اخى الغالى .
مودتى وتحيتى ...

[b] اخى وحبيبى الشاعر
رافت توفيق
والله وحشتنى قوى . فينك ياراجل ؟؟
نورت وشرفت صفحتى والله .
لاتغيب مرة اخرى فنحن فى اشد الاشتياق لك ولكلماتك الجميله .
مودتى ياغالى ...