اوعى تفكر انى بكيت

لما غضبت وسيبت البيت
لميت كل الناس وحكيت
قلت انك عايش حرمان
ملقيتش معايا الاهوان

اوعى تفكر انى بكيت
او طليت على باب البيت
او رحت لعزالى شكيت
من ظلمك من قسوة قلبك

اوعى تفكر يوم ترتاح
وتحس ان الدنيا براح
اوتطلب من قلبى سماح
ياما قاسيت الشوق من بعدك

لوفكرت فى يوم ترجعلى
انا عارفة انك يوم حاتبيعنى
من بعد ما تبكى وتخدعنى
قاسى وظالم دايما طبعك

قلبى معاك ورميت مفتاحة
ازاى تطلب منة سماحة
شوقى وحيرتى خلاص ارتاحوا
شوك الورد دا كان من زرعك
لما غضبت وسيبت البيت

رائع استاذ

يسرى

وكل سنة وانت طيب

تحياتى

السلام عليكم .. مجرد رأي
كلام من قلبي
الأستاذ / يسري عثمان
احترامي وتقديري

كلمات رائعه
تقبل مروري

وكل عام وحضرتك والجميع بخير

أستاذى الشاعر يسرى عثمان

سعدت جداً بقراءة إبداعك

الذى يحمل بين طياته موهبتك الشعرية الجميلة

مع تمنياتى بالمزيد من التألق والسعادة

الاخ الحبيب الشاعر

يسرى عثمان

زجليه جميله كتبت قى صوره غنائيه اجمل

وانت برعت فى استخدام البحر المتدارك

بمهاره دون الوقوع فى هاوية الكسر العروضى

سلمت يدك وكل عام وانت بخير ...

yousry_osman كتب:

لما غضبت وسيبت البيت
لميت كل الناس وحكيت
قلت انك عايش حرمان
ملقيتش معايا الاهوان

اوعى تفكر انى بكيت
او طليت على باب البيت
او رحت لعزالى شكيت
من ظلمك من قسوة قلبك

اوعى تفكر يوم ترتاح
وتحس ان الدنيا براح
اوتطلب من قلبى سماح
ياما قاسيت الشوق من بعدك

لوفكرت فى يوم ترجعلى
انا عارفة انك يوم حاتبيعنى
من بعد ما تبكى وتخدعنى
قاسى وظالم دايما طبعك

قلبى معاك ورميت مفتاحة
ازاى تطلب منة سماحة
شوقى وحيرتى خلاص ارتاحوا
شوك الورد دا كان من زرعك
لما غضبت وسيبت البيت

مش راح أفكر ولا أقول حاجه

خلاص مابقتش ليك محتاجه

ولو حتجينى عشان تصالحنى

مش ح أقبل منك ولاحاجه

دصلاح طاهر اشكرك على المرور الكريم
وكل عام انت احسن صحة واطيب سعادة

الفنان الشاعر ضياء البرى كلام من القلب اشكرك
على المرور الكريم مع اطيب الامانى بالعيد السعيد

البصمة المميزة رشا فؤاد كفاية ذوقك
كل عام انتى طيبة وسعيدة ومتهنية

عدولة انا محتارهو انا شاعر ولا زجال
ياعم انا باكتب على الk board بالعافية

انا حاكتب الى جوايا مش عاجبك الميزان
اوزن برة

انا خدتك والعود مكسور
مشيتك فى طريق النور
لما اشتد العود واتقوى
باسمع منك قولة غور
الشاعرة الكبيرة عزة الزرقانى
اشكرك على المرور والردكل عام وانتم بخير

yousry_osman كتب:: عدولة انا محتارهو انا شاعر ولا زجال
ياعم انا باكتب على الk board بالعافية

انا حاكتب الى جوايا مش عاجبك الميزان
اوزن برة

منا لما بوزن بره بتزعل ..

علشان ميزانك فيه ربع كيلو ناقص .

ههههههههههههههههههههههههههههه

الشاعر العزيز يسرى عثمان
تحياتى لنصك الزجلى الرائع
الذى صغته ببراعه غنائيه
تحياتى

yousry_osman كتب:

انا خدتك والعود مكسور
مشيتك فى طريق النور
لما اشتد العود واتقوى
باسمع منك قولة غور
الشاعرة الكبيرة عزة الزرقانى
اشكرك على المرور والردكل عام وانتم بخير

مين دا اللى عوده مكسور

ماتبطل يابنى انت غرور

دانا بس براعى ربنا فيك

وراضيه بقول رحمه ونور

هههههههههههههههههههههههههههههههههههههه

شفت معاكى العجب ولا يوم من غير تعب
وتقولى مين السبب اهة دةبعينةالعجب
الشاعرة الكبير ة عزة الزرقانى مع اطيب تحياتى

» وانا قاعد وياها بكيت
» حاول تفكر
» أوعى تفكر
» اوعى تقوللى .. انت مصرى ..
» هل تفكر فى ممارسة الرياضة بعد ذلك..