اوعى

اوعى تبكى

البكا مش ليك

اوعى تشكى

الشكوى تشقيك

خليك صابر

الصبر دايما يعليك

وان الزمن غدر بيك

الزم باب ربنا

هو اللى هيقويك

.................

اوعى يا جبل تنهار

ده الليل بيطلع له نهار

وعمر الشريف

ما يعرف طريقه العار

والاحرار

هما اللى بيثبتوا

اما العبيد

تتباع بارخص الاسعار

..................

اوعى تقول فى الكلام قولة

تقع من بعدها

وماتقومش لك قومة

ذى البومة

طول الليل تتمتم بحاجات مش مفهومة

وان طلع النهار

تفتش على رزقها

ما تلاقى ولو فولة

..................

اوعى تمد ايدك للى مش ليك

ده رزقك بيدور عليك

وان استعجلت وقولت انا محتاج

وسرقت فى لحظة هياج

غيرك فقير محتاج

بس فقره

لابسه على راسه تاج

جميل يااستاذ هشام
تحياتى لك

راااقتنى كلماتك أستاذى


والقليل منا من يثبت على حاله


أين الضمير ؟؟ لقد انعدمت المبادئ بل كادت فى زمننا هذا تندثر


أما الأن بعدما قرأت بوحك هذا فأصبح الأمل يرفرف


رافضا الخضوع لليأس


دام مداد قلمك شاعرنا


لك تحياتى